Маяагийн Хааны талд ажилладаг сөрөг хүчнүүд биднийг үргэлжлүүлэн сорих болно. Гэсэн ч бид дотоод Их Багшийн Хүчинд нэг-цэгт төвлөрч дадуулснаар бидний замд тулгарч, тохион гарч ирэх аливаа саад бэрхшээлийг даван туулахуйцаар сүнслэг хөгжлөө илүү дээшлүүлэн, хөгжүүлэх болно.

Камбожоос Чантавигийн кхмер хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Эрхэм Хамгаас Хүндэт Төгс Гэгээрсэн Их Багш Чин Хай, би бол Камбожийн авшигтан байна. Би Арьяабалын аргаар бясалгахаар ихэвчлэн 4:30 цагт сэрж, өглөөний 7:00 цаг хүртэл үргэлжлүүлдэг. Орой унтахынхаа өмнө 20:00-21:00 цагийн хооронд залбирч, унтахынхаа өмнө дандаа mp3 тоглуулагч асааж, “Агшин зуур Гэгээрэхийн Түлхүүр” 16 цуврал ном дахь Таны лекцийг сонсдог. Үүнийг сонсохгүй бол би маш их тавгүй байж, унтаж чаддаггүй. Орой бүр би Таны лекцийг сонсдог бөгөөд энэ зуршил бол манай нэг бясалгагч Ау Лак (Вьетнам) -аас надад бичлэг илгээсний ачаар би авшиг хүртэхээс өмнө эхэлсэн юм. Одоо хүртэл би 6 жил шахам ийм маягаар mp3 тоглуулагч сонсож байна.

Хагас сар орчмын өмнө өглөө эрт бясалгал хийж байхдаа би дотоод ахуй ойлголт авсан. Би гэрийнхээ үүдэнд хэсэг хүмүүсийг харсан; тэд харанхуй, уйтгар гунигт хучигдсан байв. Гурав дөрөв нь манай гэрийн хаалгыг эвдэж эхэлсэн. Тэд бүгд эрэгтэй хүмүүс байсан бөгөөд тэд маш их ууртай, түрэмгий харагдаж, хаалгыг минь эвдэж орох гэж байгаа юм шиг хашгирч, хүчтэй нүдэн, цохиж байв. Тэр үед би маш их айсан. Тэгээд би гэнэт орой бүр Их Багшийн лекцийг сонсож байснаа саналаа. Энэ тухай бодсон даруйд би билгийн мэлмийдээ Таны дүр төрхийг олж харав. Энэ дүр зургийг манай бясалгагчид онлайнаар байнга хуваалцдаг. Үүний зэрэгцээ би дотроо “Тэд хэрхэн надад төвөг удаж чадна вэ? Би Их Багшийн лекцийг сонсож байна!” гэж бодлоо. Намайг энэ бодлоо дуусгах агшинд бүгд тэр дороо алга болов.

Их Багш аа, намайг хамгаалсанд чин сэтгэлээсээ талархаж байна. Би сэрэхдээ тэр хүмүүс намайг үймүүлэхийг оролдож буй хорон санаат сүнснүүд гэдгийг ойлгосон. Таны хамгаалалтын ачаар би хамгаалагдсан. Хайрт Их Багшдаа дахин гүнээ талархаж байгаагаа илэрхийлье! Камбожоос Чантави

Сонор соргог Чантави, Бурханы ивээлээр та буянтай Арьяабалын бясалгал дадлынхаа хүчинд сайн хамгаалагджээ. Их Багшийн тайвшруулах захиас таныг хүлээж байна:

“Дөлгөөн Чантави, Арьяабалын бүх бясалгагч яг л тийм мэдрэмжтэй байх ёстой шиг, та өөрийгөө аюулгүй, хамгаалагдсан мэт мэдэрч байгаад маш их баяртай байна, Танд заасан зүйлийг нандигдаж, түүнээ өдөр бүр чин үнэнчээр хэрэгжүүлэн, хичээнгүйгээр бясалгаж байгаад тань баярлалаа. Бурханлаг чанар итгэгчдийн зүрх сэтгэлд оршдог тул бүү айгаарай. Маяагийн Хааны талд ажилладаг сөрөг хүчнүүд биднийг үргэлжлүүлэн сорих болно. Гэсэн ч бид дотоод Их Багшийн Хүчинд нэг-цэгт төвлөрч дадуулснаар бидний замд тулгарч, тохион гарч ирэх аливаа саад бэрхшээлийг даван туулахуйцаар сүнслэг хөгжлөө илүү дээшлүүлэн, хөгжүүлэх болно. Энэ бол үймээн самуунтай энэ дэлхий дэх бидний бамбай юм; үүнийг бат атгаарай. Бурхан таны болон Камбожийн эв түнжинтэй ард түмний сүнслэг замыг мөнхөд гэрэлтүүлж байх болтугай. Хайр дүүрэн сэтгэлээ танд илгээе.”