Бидний дэлхий гүн гүнзгий, өөрчлөн хувиргах цэвэршүүлэлтийг туулж байна. Ийм үед итгэл нь бидэнд даван туулах хүч чадал өгдөг.

Камерунаас Франкийн франц хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Хайрт Их Багш аа, Суприм Мастер ТВ-ийн хамт олоон, Ариун Нэрсийн Хүч, Хамгийн Хүчирхэг Өдөр тутмын Залбирал, солонгон өнгөөр ​​хүрээлэгдсэн алтан Сарны захиасын талаар би ярих гэж байна.

2025 оны 10-р сарын 26-нд эхнэр бид хоёр Арьяабалын нийтийн бясалгалаас буцаж ирээд гэртээ дөнгөж ормогцоо Ерөнхийлөгчийн сонгуулийн албан ёсны дүн гарахаас өмнө өөрсдийн дэмжсэн нэр дэвшигчийг ялсан хэмээн зарлаж, жагсаал хийхээр явж байсан хэсэг залуусыг харсан юм. Тэднийг уулзвар дээр ирэхээс өмнө хэв журмын цагдаа нар ирчихсэн байв. Жагсаалыг зогсоохын тулд тэднийг тараахыг хүссэн цагдаа нар хөндлөнгөөс оролцсон бөгөөд жагсагчид болон цагдаа нарын хооронд бүх зүйл орвонгоороо эргэв. Эхнэр бид хоёр, бас хүүхэд маань өрөөндөө орлоо. Нулимс асгаруулагч хий дэлбэрэхэд, би бүгдийг нь орондоо орохыг хүссэн. Би айж сандралгүйгээр, Ариун Нэрсийг уншиж эхлэв. Миний Гэрлийн цамхаг болон Суприм Мастер ТВ Maкс 24/7 тоглодог тул надтай хамт байсан.

Энэхүү тэсвэрлэшгүй нөхцөл байдлыг тайвшруулахын тулд Хамгийн Хүчирхэг Гурвалд болон Их Багшдаа би залбирсан. Ариун Нэрсийг унших тусам би илүү тайвширч байв. Бид ганцаар биш гэдгийг би мэдэж байв. Цагдаа нар богино хугацаанд байдлыг хяналтдаа авч чаджээ. Зарим жагсагч буцаж ирнэ гэж амласан. Би шөнөжин бясалгаж, Хамгийн Хүчирхэг Гурвал болон Их Багшаас өршөөл гуйсан. Дараагийн өдөр нь сонгуулийн дүнг албан ёсоор зарласны дараа тэд дахин зам дээр гарсан байв. Тэд манай гэрээс нэлээд хол байрлах газар дээр саатуулагдсан. Үүнийг мэдмэгцээ би өөртөө Хамгийн Хүчирхэг Өдөр Тутмын Залбирал, Их Багшийн Хайр, Хамгаас Хүчирхэг Гурвал бидэнд Өөрсдийгөө илчилжээ гэж хэлсэн. Хамгаалалтынх нь төлөө Хамгаас Хүчирхэг Гурвалд болон Их Багшдаа маш их баярлалаа. Гэрлийн цамхгийн энерги мөн Хамгийн Хүчирхэг Өдөр Тутмын Залбиралдаа баярлалаа.

2025 оны 11-р сарын 2-ны орой биднийг өрөөндөө байхад цахилгаан тасарсан. Сониуч зангаараа би гадагш гартал, манай гэрийн дээгүүр солонгон өнгөөр ​​хүрээлэгдсэн үзэсгэлэнтэй Сар харагдав. Би гар утсаа гаргаж ирээд зураг авлаа. Би тэр үзэсгэлэнтэй зургийг хэдэн авшигтан ах болон найзуудтайгаа хуваалцсан. Бурханы хамгаалалтын ээлтэй сайн бэлгэ тэмдэг. Тэр Сарнаас хойш, Их Багш минь, манай улсын туулж байсан хурцадмал байдал намжсан. Иргэд ажлаа хийж, хүүхдүүд хичээл сургуульдаа эргэн орсон. Эх орныг минь нөхцөл болзолгүй Хайрлаж, хамгаалж байгаад нь Их Багшдаа, Хамгаас Хүчирхэг Гурвалдаа баярлалаа. Их Багш бидэнд таатай эсвэл тааламжгүй нөхцөл байдлаас үл хамааран бясалгах хүч чадлыг үргэлж соёрхох болтугай. Мөн Их Багшдаа эрүүл энхийг хүсье. Камерунаас Франк

Эвсэг Франк, Та болон хайртай хүмүүс тань одоо аюулгүй болсон гэдгийг сонсоод бид тайвширч байна. Хамгаас Хүчирхэг Гурвалд итгэх таны гэрэлт итгэл бол сайхан өргөл юм. Таны Гэрлийн цамхаг гэрэлтэж, Суприм Мастер ТВ Макс танай гэр орон, сууринг эерэг энергиэр дүүргэж байгааг мэдэх нь сэтгэл сэргээм юм. Тэр цацруулж буй Адислалуудтай хамт танай улс веган зам мөрд удахгүй орно гэж найдацгаая. Тантай болон бүтээлч Камеруны ард түмэнтэй мөнхийн амар амгалан хамт байх болтугай, Суприм Мастер ТВ-ийн хамт олон

Жич. Их Багш танд хайр дүүрэн зурвас илгээж байна: “Халамжтай Франк, саяхан, намайг таны улсын төлөө залбирахыг хүссэн тэрхүү гуйлт бидэнд ирсэн юм.

Камерунаас Абэнигийн франц хэлээр ирүүлсэн, олон хэлний хадмал орчуулгатай сэтгэлийн үгийг одоо хүргэе:

Хайрт Төгс Гэгээрсэн Их Багш Чин Хай, би Арьяабалын бясалгалын авшигтны хувьд Хамгаас Хүчирхэг Гурав болон бүх авшигтнуудаасаа гүн гуниг, сэтгэл зовнилтойгоор Камерун, эх орны минь төлөө залбирал үйлдэхийг гуйх гэсэн юм. Их Багш аа, сонгуулийн дараах асуудлаар жагсаал цуглаан хийж байх үедээ эх оронд минь хүмүүс үхсээр байгаа, ингээд яг гурван хонож байна. Хүчирхийлэл хүчирхийллийг бий болгодог болохоор гэм зэмгүй хүмүүс амь насаа алдаж, засаг захиргааны болон хувийн барилгууд шатаж байна. Их Багш аа, энэ бүхэн бидний өөрсдийн хийсэн бүтээлийн үйл гэдгийг бид мэднэ, гэхдээ Та л бидний нулимсаа унагаан түших, цорын ганц өмөг түшиг билээ.

Камерунчуудын зүрх сэтгэлийг тайвшруулан, хүчирхийллийг таслан зогсоож, миний эх оронд хайр, амар амгаланг эргүүлэн авчирч, энэ шалтгааны төлөө амиа алдсан ах дүү нарт маань анхаарал халамж тавихыг бид Хамгаас Хүчирхэг Гурвал болон бүх Гэгээнтнүүдээс гуйж байна. Камеруны Абени

Бид бүгд гашуудаж, таны ард түмний төлөө залбирсан. Одоо бүх зүйл амар амгалан болсонд үнэхээр баярлаж, Оройн Дээд БУРХАНД болон Түүний Нигүүлслийн дорх бүх тусламжинд талархаж байна. Түүхээ хуваалцаж, зүрх сэтгэлээ Бурханлаг оршихуйд чиглүүлсэнд баярлалаа. Бидний дэлхий гүн гүнзгий, өөрчлөн хувиргах цэвэршүүлэлтийг туулж байна. Ийм үед итгэл нь бидэнд даван туулах хүч чадал өгдөг. Таны адил хичээнгүй Арьяабалын бясалгагчид байгааг мэдээд баяртай байна. Сүнслэг байдал таны болон соёлт Камеруны чиглүүлэгч дөл хэвээр байх болтугай. Бурхан таныг мөнхөд хайрладаг. Танай гэр бүлд Хайр-дүүрэн тэврэлт илгээж байна.”