Бясалгагчид бид тэрхүү гэрэл гэгээ байх ёстой тул бясалгал, залбирал бол бидний хамгийн чухал ажил юм.

Одоо бид Ау Лак буюу Вьетнамын Куинь Ни-гийн илгээсэн захидлыг аулак (вьетнам) хэл дээр, олон хэлний хадмал орчуулгатай хүргэж байна:

Эрхэм Ариун Хүндэт Багш аа, Оройн Дээд Их Багш аа, би энэхүү захидлыг гүн хүндэтгэлтэйгээр мэхийн бичиж байна, 2016 оны 2-р сарын 15-нд надад, дараа нь 2017 онд нөхөрт минь авшиг хүртээсэн Таны Ивээлд талархаж байна.

2014 оноос хойш би веган болж, сайн үйлс хийж, оюун санааны ном уншивч сударт дурдсан шиг дотоод ахуй ойлголт надад байгаагүй, мөн Буддаг ч хараагүй. Нэг найз маань надад Үнэний тухай Таны сургаалын видео бичлэг, номуудыг танилцуулах хүртэл ахуй ойлголт байгаагүй: Арьяабалын бясалгал - хүн төрөлхтөнд дотоод билиг ухаанаа ухаарах хамгийн дээд арга билээ.

Тэр үед надад гайхалтай мэдрэмж төрсөн. Би анх удаа тэр дуу хоолойг сонсож, амьдралынхаа хайр энэрэлтэй, эрхэмсэг, амьд сэрүүн Их Багшийг харсан. Миний чих Буддын шашны түүхүүдийг сонсож байгаа юм биш, эсвэл нүд маань сударт гардаг өнгөрсөн үеийн Будда нарын зургуудыг, эсвэл хүндэт Буддагийн зургийг дуурайсан баримлуудыг харж байгаа юм шиг байгаагүй.

Таны уламжилсан Арьяабалын бясалгалыг дадуулдаг хүн энэ насандаа Гэтлэлд хүрэх нь гарцаагүй гэж Та айлдсан билээ. Эрхэм хүндэт Их Багш минь, би авшиг хүртсэн өдрөө, Таны “Эрт дээр үед үүнийг Баптисм гэж нэрлэдэг байсан” гэж хэлсэн ариун өдрийг үргэлж нандигнан хайрладаг. Би дахин төрсөн мэт, үзэсгэлэнтэй амьдралаас таашаал авч, Оройн Дээд Аргаар бясалгаж, дотоод билиг ухаанаа олсон юм шиг л байсан.

Тэр өдрөөс хойш өнөөг хүртэл нөхөр бид хоёр үнэхээр “Төгс Гэгээрсэн Их Багш Таныхаа ивээл дор” амьдарч байна. Суприм Мастер Телевиз өдөр бүр 24 цагаар ажилладаг бөгөөд амттай, хийхэд хялбар, эрүүл мэндэд тустай веган хооллолтыг сурталчлах арга хэмжээний үеэр би веган хоол хийхэд оролцож, ямагт бэлэн байдаг.

Хүн төрөлхтөн өөрсдийгөө болон дэлхийгээ аврахын тулд хурдан сэрж, веган хоолонд шилжинэ гэж найдаж байна. Сүүлийн олон жилд байгаль орчин, хүний ​​сүнсийг аврахын тулд гаргасан Таны золиослолт үйлс болон энэ цаг үед гаргасан Таны яаралтай бөгөөд чин сэтгэлийн гуйлтыг тэд тодорхой харж байгаа гэж найдаж байна. Тандаа эрүүл энхийг мөн Хамгийн Агуу Оройн Дээд Хүч Таныг үргэлж хамгаалж байгаасай хэмээн хүндэтгэлтэйеэ хүсэн ерөөе. Тандаа чин сэтгэлээсээ мөнхөд талархнам. Хүндэтгэсэн, Куинь Ни, Ау Лак (Вьетнам)-аас

Бишрэлт Куинь Ни, захидал илгээсэнд баярлалаа. Их Багш танд хайр дүүрэн хариу илгээв:

“Эелдэг Куинь Ни, Арьяабалын бясалгалын авшиг хүртэх нь хэн бүхний хүлээн авч чадах хамгийн гүн гүнзгий Адислал юм. Та үүнийг нандигнан хайрлаж, танд өгсөн зүйлийг хүлээн зөвшөөрч байгаа нь сайн хэрэг. Чин сэтгэлийн талархал нь Бурханы Ивээлийг бидэнд илүү гүнзгий хүргэх боломжийг олгодог, учир нь энэ бол жинхэнэ хүлцэхүй, Үнэнийг хүлээн зөвшөөрөх хандлага юм. Дэлхийд гэрэл маш ихээр хэрэгтэй байгаа тул сайтар дадуулсаар байгаарай. Бясалгагчид бид тэрхүү гэрэл гэгээ байх ёстой тул бясалгал, залбирал бол бидний хамгийн чухал ажил юм. Дэлхийг аврахын тулд чадах бүхнээ хийж, сайн бясалгагч байгаад баярлалаа. Та болон Ау Лак (Вьетнам)-ийн тэсвэр тэвчээртэй ард түмэн Бурханы төгс Хайрын баяр баяслыг үргэлж мэдрэх болтугай. Танд асар их Хайр, том тэврэлтийг илгээе.”