ਸਾਡੇ ਗ੍ਰਹਿ ਦੀ ਮੌਜੂਦਾ ਸਥਿਤੀ ਵੱਡੀ ਅਧਿਆਤਮਿਕ ਯੋਜਨਾ ਵਿੱਚ, ਚਾਰ ਹਿਸਿਆਂ ਦਾ ਪਹਿਲਾ ਭਾਗ

ਚੌਵੀ ਜੂਨ, 2026। ਅੱਜ, ਫਿਰ, ਪ੍ਰਮਾਤਮਾ ਮੈਨੂੰ ਵਿਸ਼ਵ ਸ਼ਾਂਤੀ ਊਰਜਾ ਦੇ ਸੰਚਵ ਹੋਣ ਕਾਰਨ ਮੇਰੇ ਤੰਬੂ ਤੋਂ ਬਾਹਰ ਨਹੀਂ ਨਿਕਲਣ ਦਿੰਦੇ। ਕੱਲ੍ਹ ਵੀ, ਦੁਪਹਿਰ ਉਹੀ ਸੀ। ਪਰ ਪ੍ਰਮਾਤਮਾ ਦਾ ਸ਼ੁਕਰ ਹੈ ਕਿ ਮੈਨੂੰ ਸਾਰਾ ਦਿਨ ਲਗਭਗ ਗਤੀਹੀਣ ਨਹੀਂ ਰਹਿਣਾ ਪਿਆ। ਭਾਵੇਂ ਜੇਕਰ ਪ੍ਰਮਾਤਮਾ ਨੇ ਇਹ ਹੁਕਮ ਦਿੱਤਾ, ਮੈਨੂੰ ਇਹ ਕਰਨਾ ਹੀ ਪਵੇਗਾ, ਬੱਸ ਇਹੀ ਹੈ ਕਿ ਮੇਰੇ ਕੋਲ ਸੁਪਰੀਮ ਮਾਸਟਰ ਟੈਲੀਵਿਜ਼ਨ ਪ੍ਰੋਗਰਾਮ ਹਨ ਜਿਨ੍ਹਾਂ ਨੂੰ ਸਾਬਤ ਕਰਨਾ ਹੈ, ਜਾਂਚਣਾ ਹੈ ਅਤੇ ਸੰਪਾਦਿਤ ਕਰਨਾ ਹੈ। ਮੈਨੂੰ ਉਮੀਦ ਹੈ ਕਿ ਇਨ੍ਹੀਂ ਦਿਨੀਂ ਟੀਮਾਂ ਮੇਰੇ ਨਾਲ ਸਬਰ ਰੱਖਣਗੀਆਂ ਕਿਉਂਕਿ ਕਈ ਵਾਰ ਮੈਂ ਸੰਪਾਦਿਤ ਜਾਂ ਜਾਂਚੇ-ਹੋਏ ਪ੍ਰੋਗਰਾਮਾਂ ਨੂੰ ਆਮ ਵਾਂਗ ਜਲਦੀ ਨਹੀਂ ਭੇਜਦੀ। ਪਰ ਮੈਂ ਇਹ ਸਮੇਂ ਸਿਰ ਵੀ ਕਰਾਂਗੀ।

ਇੰਝ ਜਾਪਦਾ ਹੈ ਕਿ ਹਾਲ ਹੀ ਦੇ ਦਿਨਾਂ ਵਿੱਚ ਸ਼ਾਂਤੀ ਲਈ ਨਵੀਂ ਨਿਯਮਿਤ ਅਖੌਤੀ ਇੱਛਾ ਸ਼ਕਤੀ ਨੇ ਸ਼ਾਂਤੀ ਪ੍ਰਕਿਰਿਆ ਨੂੰ ਥੋੜ੍ਹਾ ਤੇਜ਼ ਕਰਨ ਵਿੱਚ ਮਦਦ ਕੀਤੀ ਹੈ। ਪਰ ਸਾਨੂੰ ਸਬਰ ਰੱਖਣਾ ਪਵੇਗਾ। ਸਾਨੂੰ ਸਬਰ ਰੱਖਣਾ ਪਵੇਗਾ। ਯਹੋਵਾਹ ਦੀ ਉਸਤਤਿ ਕਰੋ। ਯਹੋਵਾਹ ਦਾ ਧੰਨਵਾਦ। ਬੱਸ ਇੰਨਾ ਹੀ ਹੈ ਕਿ ਬਹੁਤ ਕੰਮ ਹੈ ਮੈਂਨੂੰ ਕਰਨਾ ਪਵੇਗਾ ਮੈਂ ਇਹ ਓਨੀ ਤੇਜ਼ੀ ਨਾਲ ਨਹੀਂ ਕਰ ਸਕੀ ਜਿੰਨੀ ਮੈਂ ਚਾਹੁੰਦੀ ਸੀ ਅਤੇ ਉਸ ਸਮੇਂ ਜਦ ਮੈਂ ਚਾਹੁੰਦੀ ਸੀ। ਨਾਲੇ, ਮੇਰਾ ਖਾਣਾ ਹੁਣ ਸਮੇਂ ਸਿਰ ਨਹੀਂ ਹੋ ਸਕਦਾ। ਪਹਿਲਾਂ ਵੀ, ਇਹ ਪਹਿਲਾਂ ਹੀ ਅਨਿਯਮਿਤ ਕਿਸਮ ਦਾ ਸੀ। ਹੁਣ ਇਹ ਹੋਰ ਵੀ ਅਨਿਯਮਿਤ ਹੈ। ਕਈ ਵਾਰ ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਕੁਝ ਖਾਣ ਲਈ ਜਾਣਾ ਚਾਹੀਦਾ ਹੈ, ਪਰ ਮੈਂ ਨਹੀਂ ਜਾ ਸਕਦੀ ਕਿਉਂਕਿ ਮੈਨੂੰ ਆਪਣੇ ਤੰਬੂ ਵਿੱਚ ਹੀ ਰਹਿਣਾ ਪੈਂਦਾ ਹੈ, ਉਦਾਹਰਣ ਵਜੋਂ। ਅਤੇ ਕੁਝ ਦਿਨ, ਕਾਫ਼ੀ ਗਰਮੀ ਹੁੰਦੀ ਹੈ, ਪਰ ਮੈਂ ਹਵਾ ਦਾ ਲਾਭ ਲੈਣ ਲਈ ਖੁੱਲ੍ਹੇ ਵਿੱਚ ਨਹੀਂ ਜਾ ਸਕਦੀ ਸੀ। ਫਿਰ ਵੀ, ਇਹ ਸਭ ਕੁਝ ਕਰਨ ਯੋਗ ਹੈ, ਸਭ ਕੁਝ ਸਹਿਣਯੋਗ ਹੈ। ਅਤੇ ਮੈਂ ਠੀਕ ਹਾਂ। ਮੇਰੇ ਬਾਰੇ ਚਿੰਤਾ ਨਾ ਕਰੋ। ਮੈਂ ਬਸ ਇਹ ਚਾਹੁੰਦੀ ਹਾਂ ਕਿ ਤੁਸੀਂ ਜਦੋਂ ਵੀ ਹੋ ਸਕੇ ਆਪਣੇ ਮੈਡੀਟੇਸ਼ਨ ਦੇ ਸਮੇਂ 'ਤੇ ਧਿਆਨ ਕੇਂਦਰਿਤ ਕਰੋ। ਅਤੇ ਪ੍ਰਮਾਤਮਾ ਦੀ ਉਸਤਤ ਕਰੋ, ਪ੍ਰਮਾਤਮਾ ਨੂੰ ਹਰ ਸਮੇਂ ਪਿਆਰ ਕਰੋ। ਹੋਰ ਕੁਝ ਵੀ ਇਸ ਤੋਂ ਮਹੱਤਵਪੂਰਨ ਨਹੀਂ ਹੈ, ਇਥੋਂ ਤਕ ਮੈਂ ਵੀ ਨਹੀਂ। ਮੈਂ ਇਕ ਵੱਡੀ ਕੁੜੀ ਹਾਂ। ਮੈਂ ਤਕੜੀ ਹਾਂ। ਮੈਂ ਆਪਣਾ ਖਿਆਲ ਰੱਖ ਸਕਦੀ ਹਾਂ।

ਕੁਝ ਵੀ ਬੀਤ ਜਾਵੇਗਾ। ਚੰਗੀ ਖ਼ਬਰ, ਬੁਰੀ ਖ਼ਬਰ, ਸਭ ਕੁਝ ਲੰਘ ਜਾਵੇਗਾ। ਪਰ ਸਾਡੇ ਕੋਲ ਇੱਕ ਵੀਗਨ ਸੰਸਾਰ ਅਤੇ ਇੱਕ ਸ਼ਾਂਤੀ ਸੰਸਾਰ ਹੋਣਾ ਚਾਹੀਦਾ ਹੈ, ਨਹੀਂ ਤਾਂ ਅਸੀਂ ਇੱਕ ਗ੍ਰਹਿ ਦੇ ਤੌਰ 'ਤੇ ਪੂਰੀ ਤਰ੍ਹਾਂ ਤਬਾਹ ਹੋ ਜਾਵਾਂਗੇ। ਇਸ ਲਈ ਸਾਰੀਆਂ ਆਤਮਾਵਾਂ ਅੱਗੇ ਤਰੱਕੀ ਨਹੀਂ ਕਰ ਸਕਣਗੀਆਂ, ਸਿਵਾਏ ਉਨ੍ਹਾਂ ਦੇ ਜੋ ਕਿਸੇ ਗਿਆਨਵਾਨ ਗੁਰੂ ਦੁਆਰਾ ਅਤੇ ਮੇਰੇ ਖੁਦ ਦੁਆਰਾ, ਪ੍ਰਮਾਤਮਾ ਦੀ ਇੱਛਾ ਅਤੇ ਪ੍ਰਮਾਤਮਾ ਦੀ ਕਿਰਪਾ ਦੁਆਰਾ ਦੀਖਿਆ ਪ੍ਰਾਪਤ ਹਨ। ਉਹ ਹੋਰ ਗ੍ਰਹਿਆਂ 'ਤੇ, ਅਧਿਆਤਮਿਕ ਹੋਂਦ ਦੇ ਹੋਰ ਪੱਧਰਾਂ 'ਤੇ ਜਾਰੀ ਰਹਿਣਗੇ। ਪਰ ਬਾਕੀਆਂ ਨੂੰ ਆਪਣੇ ਕਰਮਾਂ ਅਨੁਸਾਰ ਜਾਣਾ ਪਵੇਗਾ। ਇਸ ਲਈ, ਜਾਂ ਤਾਂ ਉਹ ਕਿਸੇ ਹੇਠਲੇ ਸਵਰਗ ਵਿੱਚ ਜਾਣਗੇ, ਤਿੰਨ ਲੋਕਾਂ ਦੇ ਅੰਦਰ, ਤਿੰਨ ਵਿਨਾਸ਼ਕਾਰੀ ਲੋਕਾਂ ਦੇ ਅੰਦਰ, ਜਾਂ ਉਹ ਨਰਕ ਵਿੱਚ ਜਾਣਗੇ, ਦੁੱਖ ਸਹਿਣ ਕਰਦੇ ਹੋਏ, ਜਾਂ ਤਾਂ ਇਕ ਥੋੜ੍ਹੇ ਸਮੇਂ ਲਈ ਜਾਂ ਹਮੇਸ਼ਾ ਲਈ। ਪਰ ਉਨ੍ਹਾਂ ਕੋਲ ਹੁਣ ਕੋਈ ਮੌਕਾ ਨਹੀਂ ਹੋਵੇਗਾ। ਜੇਕਰ ਇਹ ਗ੍ਰਹਿ ਤਬਾਹ ਹੋ ਜਾਂਦਾ ਹੈ, ਤਾਂ ਉਹਨਾਂ ਕੋਲ ਹੁਣ ਕਿਸੇ ਵੀ ਗੁਰੂ ਨੂੰ ਇਸ ਗ੍ਰਹਿ 'ਤੇ ਆਪਣੀ ਮਦਦ ਲਈ ਆਉਂਦੇ ਹੋਏ ਦੇਖਣ ਦਾ ਕੋਈ ਮੌਕਾ ਨਹੀਂ ਹੋਵੇਗਾ। ਉਨ੍ਹਾਂ ਦੀਆਂ ਰੂਹਾਂ ਬੰਦੀ ਨਹੀਂ ਹੋਣਗੀਆਂ, ਪਰ ਫਿਰ ਵੀ ਹਮੇਸ਼ਾ ਲਈ ਇੱਕ ਸਥਿਰ ਸਥਿਤੀ ਵਿੱਚ ਰਹਿਣਾ ਪਵੇਗਾ - ਸਾਨੂੰ ਕਦੇ ਨਹੀਂ ਪਤਾ ਕਿ ਕਿੰਨੇ ਯੁੱਗਾਂ ਤਕ; ਜਦੋਂ ਤੱਕ ਉਹ ਆਜ਼ਾਦ ਨਹੀਂ ਹੋ ਜਾਂਦੇ ਜਾਂ ਉਨ੍ਹਾਂ ਨੂੰ ਦੁਬਾਰਾ ਆਜ਼ਾਦੀ ਚੁਣਨ ਦਾ ਇੱਕ ਮੌਕਾ ਨਹੀਂ ਮਿਲਦਾ।

ਇਸ ਵੇਲੇ, ਉਹ ਅਜੇ ਵੀ ਦੀਖਿਆ ਲੈ ਕੇ ਆਜ਼ਾਦੀ ਦੀ ਚੋਣ ਕਰ ਸਕਦੇ ਹਨ। ਇੱਕ ਗਿਆਨਵਾਨ ਗੁਰੂ ਤੋਂ ਦੀਖਿਆ ਪ੍ਰਾਪਤ ਕਰਕੇ। ਗੁਰੂ ਦਾ ਅਧਿਆਤਮਿਕ ਤੌਰ ਤੇ ਪੱਧਰ ਜਿੰਨਾ ਉੱਚਾ ਹੋਵੇਗਾ, ਤੁਹਾਡੇ ਲਈ ਓਨਾ ਹੀ ਬਿਹਤਰ ਹੋਵੇਗਾ, ਬੇਸ਼ੱਕ। ਪਰ ਤੁਸੀਂ ਬਹੁਤ ਜ਼ਿਆਦਾ ਨਹੀਂ ਜਾਣਦੇ ਹੋਵੋਗੇ ਜਦੋਂ ਤੱਕ ਤੁਸੀਂ ਕਿਸੇ ਹੱਦ ਤੱਕ ਸਿਆਣੇ ਨਹੀਂ ਹੋ, ਜਾਂ ਸੱਚਮੁੱਚ ਇਮਾਨਦਾਰ ਅਤੇ ਦਿਲੋਂ ਸ਼ੁੱਧ ਨਹੀਂ ਹੋ। ਫਿਰ ਤੁਹਾਨੂੰ ਪਤਾ ਲੱਗ ਸਕਦਾ ਹੈ, ਤੁਸੀਂ ਮਹਿਸੂਸ ਕਰ ਸਕਦੇ ਹੋ ਕਿ ਇਸ ਗ੍ਰਹਿ 'ਤੇ ਤੁਹਾਡੇ ਲਈ ਕਿਹੜਾ ਗੁਰੂ ਸਭ ਤੋਂ ਉੱਚਾ ਹੈ। ਨਹੀਂ ਤਾਂ, ਤੁਹਾਨੂੰ ਪ੍ਰਾਰਥਨਾ ਕਰਨੀ ਪਵੇਗੀ, ਪ੍ਰਾਰਥਨਾ ਕਰਨੀ ਪਵੇਗੀ, ਪ੍ਰਮਾਤਮਾ ਨੂੰ ਸਾਡਾ MAPA, ਸਾਡੇ ਮਾਤਾ-ਪਿਤਾ ਨੂੰ, ਦਿਲੋਂ ਪ੍ਰਾਰਥਨਾ ਕਰਨੀ ਪਵੇਗੀ, ਤਾਂ ਜੋ ਉਹ ਤੁਹਾਨੂੰ ਮਾਰਗਦਰਸ਼ਨ ਕਰ ਸਕੇ, ਤੁਹਾਨੂੰ ਪ੍ਰਮਾਣਿਤ ਕਰ ਸਕੇ। ਕਈ ਵਾਰ ਇੱਕ ਗੁਰੂ ਨੂੰ ਤੁਹਾਡੇ ਲਈ ਇਕ ਅੰਦਰੂਨੀ ਦ੍ਰਿਸ਼ਟੀ ਦੁਆਰਾ ਗੁਰੂ ਬਾਰੇ ਜਾਂ ਹੋਰ ਗੁਰੂਆਂ ਦੁਆਰਾ ਪ੍ਰਮਾਣਿਤ ਕੀਤਾ ਜਾਂਦਾ ਹੈ।

ਕਈ ਵਾਰ ਹੋਰ ਗੁਰੂ, ਉਪਰ ਚਲੇ ਗਏ ਗੁਰੂ, ਤੁਹਾਨੂੰ ਇੱਕ ਜੀਵਤ ਗੁਰੂ ਦੀ ਸਿਫ਼ਾਰਸ਼ ਕਰਨਗੇ, ਜਿਵੇਂ ਕਿ ਮੇਰੇ ਭਿਕਸ਼ੂਆਂ ਵਿਚੋਂ ਇੱਕ ਦੇ ਮਾਮਲੇ ਵਿੱਚ। ਉਹ ਹਤਾਸ਼ ਸੀ। ਉਹ ਇੱਕ ਵਿਦਿਆਰਥੀ ਵਾਂਗ ਜ਼ਿੰਦਗੀ ਜੀ ਰਿਹਾ ਸੀ, ਇੱਕ ਆਮ ਵਰਕਰ, ਕੁਆਰਾ, ਅਤੇ ਉਸਦੇ ਮਾਤਾ-ਪਿਤਾ, ਰਿਸ਼ਤੇਦਾਰ ਜਾਂ ਦੋਸਤ ਨਹੀਂ ਸਨ, ਉਹ ਕਿਸੇ ਵੀ ਪਾਰਟੀ ਲਈ ਬਾਹਰ ਜਾਂਦਾ ਸੀ, ਕਿਸੇ ਨਾਲ ਵੀ, ਸ਼ਰਾਬ ਪੀਂਦਾ ਸੀ ਅਤੇ ਸਿਗਰਟ ਪੀਂਦਾ ਸੀ, ਅਤੇ ਇਸ ਤਰ੍ਹਾਂ ਦਾ ਮਾਹੌਲ ਅਤੇ ਸਥਿਤੀ - ਕੁੜੀਆਂ ਨੂੰ ਲਭਦਾ ਅਤੇ ਬਿਮਾਰ ਹੁੰਦਾ ਅਤੇ ਉਨ੍ਹਾਂ ਨੂੰ ਗਰਭਵਤੀ ਕਰਦਾ ਅਤੇ ਜ਼ਿੰਮੇਵਾਰ ਹੋਣਾ ਪਿਆ, ਜਾਂ ਇੱਕ ਗਰਭਪਾਤ ਕਰਵਾਉਣ ਦਾ ਫੈਸਲਾ ਕਰਨਾ ਪਿਆ, ਇਸ ਤਰ੍ਹਾਂ ਦੀਆਂ ਚੀਜ਼ਾਂ। ਇਸ ਲਈ ਉਹ ਥੋੜ੍ਹਾ ਜਿਹਾ ਬੇਚੈਨ ਸੀ ਅਤੇ ਉਸਨੇ ਸੱਚਮੁੱਚ ਮਾਸਟਰ ਪਰਮਹੰਸ ਯੋਗਾਨੰਦ ਨੂੰ ਪ੍ਰਾਰਥਨਾ ਕੀਤੀ। ਉਸਨੇ ਇੰਨੀ ਬੇਸਬਰੀ ਨਾਲ, ਇੰਨੀ ਇਮਾਨਦਾਰੀ ਨਾਲ ਪ੍ਰਾਰਥਨਾ ਕੀਤੀ। ਇਸ ਲਈ, ਮਾਸਟਰ ਯੋਗਾਨੰਦ ਨੇ ਉਸਨੂੰ ਕਿਹਾ ਕਿ ਜਾ ਕੇ ਪਰਮ ਸਤਿਗੁਰੂ ਚਿੰਗ ਹਾਈ ਨੂੰ ਲੱਭੋ।

ਇਹ ਕਹਾਣੀ ਹੈ ਜੋ ਉਸਨੇ ਮੈਨੂੰ ਦੀਖਿਆ ਤੋਂ ਬਾਅਦ ਦੱਸੀ ਸੀ। ਪਰ ਉਸਨੇ ਮੈਨੂੰ ਦੀਖਿਆ ਤੋਂ ਤੁਰੰਤ ਬਾਅਦ ਨਹੀਂ ਦੱਸਿਆ। ਉਸਨੂੰ ਕਈ ਦਹਾਕੇ ਲੱਗ ਗਏ ਜਦੋਂ ਤੱਕ ਉਸਨੂੰ ਮੇਰੇ ਨਾਲ ਨਿੱਜੀ ਤੌਰ 'ਤੇ ਗੱਲ ਕਰਨ ਦਾ ਇੱਕ ਮੌਕਾ ਨਹੀਂ ਮਿਲਿਆ। ਅਤੇ ਉਸਨੇ ਮੈਨੂੰ ਇਹ ਕਹਾਣੀ ਸੁਣਾਈ। ਜਦੋਂ ਅਸੀਂ ਰਿਟਰੀਟ ਵਿੱਚ ਹੁੰਦੇ ਹਾਂ ਤਾਂ ਮੈਂ ਕਦੇ ਕਿਸੇ ਨੂੰ ਮੇਰੇ ਨਾਲ ਗੱਲ ਕਰਨ ਜਾਂ ਚਿੱਠੀਆਂ ਲਿਖਣ ਤੋਂ ਨਹੀਂ ਵਰਜਿਆ। ਪਰ ਉਸਨੇ ਇੰਨੇ ਦਹਾਕਿਆਂ ਤੱਕ ਇਸਨੂੰ ਆਪਣੇ ਤੱਕ ਹੀ ਰੱਖਿਆ, ਉਦੋਂ ਵੀ ਜਦੋਂ ਅਸੀਂ ਇੱਕ ਆਸ਼ਰਮ ਵਿੱਚ ਰਹਿ ਰਹੇ ਸੀ, ਇਕਠੇ ਹੋਰ ਬਹੁਤ ਸਾਰੇ ਪੱਛਮੀ ਲੋਕਾਂ ਦੇ ਨਾਲ। ਪਰ ਉਹ ਸ਼ਾਇਦ ਇੱਕ ਅੰਤਰਮੁਖੀ ਹੈ, ਬਹੁਤ ਸ਼ਰਮੀਲਾ ਹੈ, ਬਹੁਤ ਘੱਟ ਬੋਲਦਾ ਹੈ। ਇਸ ਲਈ, ਉਸਨੂੰ ਇਹ ਕਹਾਣੀ ਦੱਸਣ ਲਈ ਆਪਣੀ ਦੀਖਿਆ ਤੋਂ ਲੈ ਕੇ, ਦੋ ਦਹਾਕਿਆਂ ਤੋਂ ਵੱਧ, ਲਗਭਗ ਤਿੰਨ ਦਹਾਕ‌ਿਆਂ ਦਾ ਸਮਾਂ ਲਗ ਗਿਆ।

ਤੁਹਾਨੂੰ ਆਪਣੀ ਪ੍ਰਵਿਰਤੀ 'ਤੇ ਭਰੋਸਾ ਕਰਨਾ ਪਵੇਗਾ ਜਾਂ ਤੁਸੀਂ ਪ੍ਰਾਰਥਨਾ ਕਰੋ। ਪ੍ਰਮਾਤਮਾ ਅੱਗੇ ਪ੍ਰਾਰਥਨਾ ਕਰੋ, ਅਤੇ ਪ੍ਰਮਾਤਮਾ ਤੁਹਾਨੂੰ ਇਹ ਦੱਸਣ ਲਈ ਕਿਸੇ ਸਾਧਨ ਦੀ ਵਰਤੋਂ ਕਰੇਗਾ ਕਿ ਤੁਹਾਡੇ ਲਈ ਗੁਰੂ ਕਿਹੜਾ ਹੈ, ਜਾਂ ਤੁਹਾਡੇ ਲਈ ਗੁਰੂ ਕੌਣ ਹੈ। ਫਿਰ ਵੀ ਮੈਂ ਤੁਹਾਨੂੰ ਸਾਰਿਆਂ ਨੂੰ ਸ਼ੁਭਕਾਮਨਾਵਾਂ ਦਿੰਦੀ ਹਾਂ। ਜਿਨ੍ਹਾਂ ਦੇ ਕੋਲ ਕੋਈ ਗੁਰੂ ਨਹੀਂ ਹੈ, ਜਿਨ੍ਹਾਂ ਨੂੰ ਕਿਸੇ ਗਿਆਨਵਾਨ ਗੁਰੂ ਤੋਂ ਦੀਖਿਆ ਨਹੀਂ ਮਿਲੀ ਹੈ, ਪ੍ਰਾਰਥਨਾ ਕਰੋ, ਇਮਾਨਦਾਰ ਰਹੋ। ਜਦੋਂ ਤੱਕ ਤੁਹਾਨੂੰ ਯਕੀਨ ਨਾ ਹੋ ਜਾਵੇ, ਪ੍ਰਾਰਥਨਾ ਕਰੋ। ਅਤੇ ਨਾਲ ਹੀ, ਘੱਟੋ ਘੱਟ ਵੀਗਨ ਬਣੋ, ਤਾਂ ਜੋ ਸਵਰਗ ਤੋਂ ਜਾਂ ਪ੍ਰਮਾਤਮਾ ਤੋਂ ਸੰਦੇਸ਼ ਤੁਹਾਡੇ ਕੋਲ ਆਸਾਨੀ ਨਾਲ ਪਹੁੰਚੇ। ਪ੍ਰਮਾਤਮਾ ਬਹੁਤ ਸਾਰੇ ਯੰਤਰਾਂ ਦੀ ਵਰਤੋਂ ਕਰਦਾ ਹੈ। ਤੁਹਾਨੂੰ ਸਿਰਫ਼ ਧਿਆਨ ਦੇਣਾ ਪਵੇਗਾ, ਸੁਚੇਤ ਰਹਿਣਾ ਪਵੇਗਾ, ਇਮਾਨਦਾਰ ਰਹਿਣਾ ਪਵੇਗਾ, ਸ਼ੁੱਧ ਰਹਿਣਾ ਪਵੇਗਾ ਆਪਣੀਆਂ ਪ੍ਰਾਰਥਨਾਵਾਂ ਵਿਚ, ਆਪਣੀ ਤਾਂਘ ਵਿੱਚ । ਇਸ ਵੱਡੀ, ਵੱਡੀ ਜੇਲ੍ਹ ਜਿਸਨੂੰ ਅਸੀਂ "ਦੁਨੀਆ" ਕਹਿੰਦੇ ਹਾਂ, ਤੋਂ ਬਚਣ ਲਈ ਘਰ ਜਾਣ ਦੀ ਆਪਣੀ ਤਾਂਘ ਵਿੱਚ ਇਮਾਨਦਾਰ ਰਹੋ।

ਅਸੀਂ ਸੱਚਮੁੱਚ ਆਪਣੀ ਚੋਣ ਦੇ ਅੰਤਮ ਸਮੇਂ 'ਤੇ ਹਾਂ। ਜੇਕਰ ਅਸੀਂ ਹੁਣੇ ਨਹੀਂ ਚੁਣਦੇ, ਬ੍ਰਹਿਮੰਡ ਦਾ ਇਹ ਹਿੱਸਾ ਜਿਸਨੂੰ ਅਸੀਂ ਆਪਣਾ ਗ੍ਰਹਿ ਕਹਿੰਦੇ ਹਾਂ, ਸਾਡਾ ਸੰਸਾਰ, ਜੋ ਕਿ ਇੱਥੇ ਰਹਿਣ-ਵਾਲੇ ਜੀਵਾਂ ਦੀ ਪੂਰੀ ਚੇਤਨਾ ਤੋਂ ਬਣਿਆ ਹੈ, ਅਤੇ ਜੇਕਰ ਅਸੀਂ ਨਹੀਂ ਅਗੇ ਰਲਦੇ, ਜੇਕਰ ਅਸੀਂ ਸੱਚਮੁੱਚ ਮਨ, ਵਿਚਾਰ, ਕਿਰਿਆਵਾਂ ਦੀ ਇੱਕ ਉੱਤਮ ਸਥਿਤੀ ਵਿੱਚ ਨਹੀਂ ਬਦਲਦੇ, ਤਾਂ ਬ੍ਰਹਿਮੰਡ ਦਾ ਇਹ ਹਿੱਸਾ ਨਾ-ਮੁੜਨਯੋਗ ਢੰਗ ਨਾਲ ਤਬਾਹ ਹੋ ਜਾਵੇਗਾ। ਮਾਫ਼ ਕਰਨਾ, ਮੈਨੂੰ ਬੁਰੀਆਂ ਖ਼ਬਰਾਂ ਦੇਣ ਵਾਲਾ ਬਣਨਾ ਪਸੰਦ ਨਹੀਂ, ਪਰ ਇਹ ਸਥਿਤੀ ਪਹਿਲਾਂ ਹੀ ਤਬਾਹੀ ਦੇ ਕੰਢੇ 'ਤੇ ਹੈ। ਜੇ ਮੈਂ ਤੁਹਾਨੂੰ ਹੁਣੇ ਨਹੀਂ ਦੱਸਦੀ, ਤਾਂ ਮੇਰੇ ਕੋਲ ਤੁਹਾਨੂੰ ਦੱਸਣ ਦਾ ਸਮਾਂ ਨਹੀਂ ਹੋਵੇਗਾ। ਮੈਨੂੰ ਤੁਹਾਨੂੰ ਪਹਿਲਾਂ ਦੱਸ ਦੇਣਾ ਚਾਹੀਦਾ ਸੀ। ਹੋ ਸਕਦਾ ਹੈ ਕਿ ਮੈਂ ਦ‌ਸਿਆ ਹੋਵੇ, ਪਰ ਇੱਥੇ ਅਤੇ ਉੱਥੇ, ਅਤੇ ਤੁਸੀਂ ਮੇਰੇ ਤੇ ਵਿਸ਼ਵਾਸ ਨਹੀਂ ਕੀਤਾ।

ਮੈਂ ਤੁਹਾਨੂੰ ਹੁਣ ਵੀ ਦੱਸ ਰਹੀ ਹਾਂ ਭਾਵੇਂ ਤੁਸੀਂ ਮੇਰੇ 'ਤੇ ਵਿਸ਼ਵਾਸ ਕਰੋ ਜਾਂ ਨਾ ਕਰੋ, ਪਰ ਮੈਨੂੰ ਲੱਗਦਾ ਹੈ ਕਿ ਮੈਨੂੰ ਇਹ ਕਰਨਾ ਪਵੇਗਾ ਕਿਉਂਕਿ ਮੇਰਾ ਦਿਲ ਤੁਹਾਡੇ ਲਈ ਦੁਖੀ ਹੈ। ਕਿਉਂਕਿ ਜੇ ਤੁਸੀਂ ਇਹ ਮੌਕਾ ਗੁਆ ਦਿੰਦੇ ਹੋਂ, ਤਾਂ ਤੁਸੀਂ ਹਮੇਸ਼ਾ ਲਈ ਗੁਆਚ ਜਾਓਗੇ, ਲਗਭਗ ਹਮੇਸ਼ਾ ਲਈ, ਅਤੇ ਅਪੂਰਣ, ਅਟਲ, ਅਗਲੇ ਮੌਕੇ ਤੱਕ, ਜੋ ਕਿ ਯੁੱਗਾਂ, ਯੁੱਗਾਂ, ਯੁੱਗਾਂ ਦੂਰ ਹੈ। ਮੈਨੂੰ ਨਹੀਂ ਪਤਾ ਕਿ ਕਿੰਨੇ ਗਜ਼ਿਲੀਅਨ, ਗਜ਼ਿਲੀਅਨ ਯੁਗਾਂ ਦੀਆਂ ਜ਼ਿੰਦਗੀਆਂ ਦਾ ਸਮਾਂ ਹੋਵੇਗਾ ਜਦੋਂ ਤੱਕ ਤੁਸੀਂ ਉਸ ਪਲੇਟਫਾਰਮ 'ਤੇ ਨਹੀਂ ਖੜ੍ਹੇ ਹੁੰਦੇ ਜੋ ਤੁਹਾਨੂੰ ਆਪਣੇ ਆਪ ਨੂੰ ਆਜ਼ਾਦ ਕਰਨ ਅਤੇ ਅਸਲ ਸੰਸਾਰ ਵਿੱਚ ਵਾਪਸ ਜਾਣ ਲਈ ਇਕ ਮੌਕਾ ਪ੍ਰਦਾਨ ਕਰਦਾ ਹੈ, ਉਸ ਸੰਸਾਰ ਵਿੱਚ ਜਿਸਦੇ ਤੁਸੀਂ ਅਸਲ ਵਿੱਚ ਹੋ, ਉਸ ਘਰ ਵਿੱਚ ਜੋ ਅਸਲ ਵਿੱਚ ਤੁਹਾਡਾ ਹੈ ਪ੍ਰਮਾਤਮਾ ਦੀ ਸ਼ਾਨ ਵਿੱਚ - ਅਸੀਸ, ਖੁਸ਼ੀ, ਸ਼ਾਂਤੀ ਅਤੇ ਗਿਆਨ, ਜੋ ਸਭ ਤੁਹਾਡੇ ਹਨ, ਜੋ ਤੁਹਾਡਾ ਜਨਮ ਸਿੱਧ ਅਧਿਕਾਰ ਹਨ। ਇਹ ਸਿਰਫ਼ ਇਹੀ ਹੈ ਕਿ ਨਕਾਰਾਤਮਕ ਅਤੇ ਸਮੂਹਿਕ ਕਰਮ ਤੁਹਾਨੂੰ ਪ੍ਰਭਾਵਿਤ ਕਰਦੇ ਹਨ ਅਤੇ ਤੁਹਾਨੂੰ ਮਜ਼ਬੂਤ ਬਣਾਉਂਦੇ ਹਨ, ਲਗਭਗ ਹਰ ਦਿਨ ਮਜ਼ਬੂਤ ਹੁੰਦੇ ਜਾਂਦੇ ਹੋਂ।

ਤੁਸੀਂ ਦੇਖੋ, ਅਸੀਂ ਪੂਰੇ ਬ੍ਰਹਿਮੰਡ ਦੀ ਇੱਕ ਮਹਾਨ, ਮਹਾਨ, ਮਹਾਨ ਯੋਜਨਾ ਨਾਲ ਸਬੰਧਤ ਹਾਂ। ਅਤੇ ਅਸੀਂ ਛੋਟਾ ਜਿਹਾ ਹਿੱਸਾ ਹਾਂ; ਭਾਵੇਂ ਹੁਣ ਦੁਨੀਆਂ ਤੁਹਾਡੇ ਲਈ ਵੱਡੀ ਹੈ, ਅਤੇ ਤੁਸੀਂ ਹੁਣ ਇੱਕ ਆਮ ਜ਼ਿੰਦਗੀ ਵਾਂਗ ਜੀਉਂਦੇ ਹੋ, ਕਿਉਂਕਿ ਤੁਸੀਂ ਆਪਣੀ ਜ਼ਿੰਦਗੀ ਨੂੰ ਆਮ ਵਾਂਗ ਦਿਖਣ ਜਾਂ ਦਿਖਾਈ ਦੇਣ ਲਈ ਬਰਦਾਸ਼ਤ ਕਰ ਸਕਦੇ ਹੋ, ਕਿਉਂਕਿ ਤੁਹਾਡੇ ਕੋਲ ਇਕ ਅਖੌਤੀ ਆਮ ਜ਼ਿੰਦਗੀ ਜਾਰੀ ਰਖਣ ਲਈ ਕਾਫੀ ਵਿਤੀ ਜਾਂ ਸਾਧਨ ਹਨ । ਪਰ ਇਹ ਇਸ ਤਰ੍ਹਾਂ ਨਹੀਂ ਚੱਲੇਗਾ। ਪ੍ਰਗਤੀਸ਼ੀਲ ਵਿਕਾਸ ਦੀ ਇਹ ਮਹਾਨ ਯੋਜਨਾ ਬਹੁਤ, ਬਹੁਤ ਸਾਰੀਆਂ ਥਾਵਾਂ ਲਈ ਹੈ। ਮੈਂ "ਸਥਾਨਾਂ" ਕਹਿ ਸਕਦੀ ਹਾਂ, ਪਰ ਅਸਲ ਵਿੱਚ ਇਹ ਬ੍ਰਹਿਮੰਡ ਦਾ ਇੱਕ ਵਿਸ਼ਾਲ, ਵਿਸ਼ਾਲ, ਵਿਸ਼ਾਲ ਸਥਾਨ ਹੈ।

ਅਤੇ ਜ਼ਿਆਦਾਤਰ ਥਾਵਾਂ ਪਹਿਲਾਂ ਹੀ ਵੱਖ-ਵੱਖ ਵਿਅਕਤੀਗਤ ਪੱਧਰਾਂ ਜਾਂ ਜੀਵਾਂ ਦੇ ਵਿਅਕਤੀਗਤ ਸਮੂਹਾਂ ਅਤੇ/ਜਾਂ ਵਿਅਕਤੀਗਤ ਜੀਵਾਂ ਦੇ ਗਿਆਨ ਅਤੇ ਗੁਣਾਂ ਦੁਆਰਾ ਉੱਚੀਆਂ ਕੀਤੀਆਂ ਗਈਆਂ ਹਨ ਜੋ ਪਹਿਲਾਂ ਹੀ ਇੱਕ ਤਰ੍ਹਾਂ ਨਾਲ ਬਚਾਏ ਗਏ ਹਨ, ਉੱਚੇ ਕੀਤੇ ਗਏ ਹਨ ਅਤੇ ਵਧੇਰੇ ਗਿਆਨ ਦੇ ਰਾਹ 'ਤੇ ਹਨ। ਅਤੇ ਇਸ ਸਮੇਂ, ਉਹ ਸੁਰੱਖਿਅਤ ਹਨ। ਉਹ ਬ੍ਰਹਿਮੰਡ ਦੇ ਵਿਨਾਸ਼ਕਾਰੀ ਸਪੇਸ ਵਿੱਚ ਜਾਰੀ ਨਹੀਂ ਰਹਿਣਗੇ। ਉਹ ਵਿਕਸਤ ਹੁੰਦੇ ਰਹਿੰਦੇ ਹਨ ਅਤੇ ਹੋਰ ਵੀ ਸਿਆਣੇ ਅਤੇ ਹੋਰ ਗਿਆਨਵਾਨ, ਅਤੇ ਹੋਰ ਗਿਆਨਵਾਨ, ਹੋਰ ਵੀ ਗਿਆਨਵਾਨ ਹੁੰਦੇ ਜਾਂਦੇ ਹਨ। ਜਦੋਂ ਤੱਕ ਇੱਕ ਦਿਨ, ਕੋਈ ਵੀ ਜਾਂ ਇੱਕ ਜਾਂ ਕੋਈ ਮਹਾਨ ਗਿਆਨਵਾਨ ਗੁਰੂ ਉਹਨਾਂ ਨੂੰ ਪੂਰੀ ਤਰ੍ਹਾਂ ਇਸ ਅਵਸਥਾ ਵਿੱਚ ਉੱਚਾ ਕਰ ਦਿੰਦਾ ਹੈ ਕਿ ਉਹ ਦੁਬਾਰਾ ਕਦੇ ਵੀ ਡਿੱਗਣ ਦੀ ਸਥਿਤੀ ਵਿਚ ਨਾ ਪੈਣ, ਕਦੇ ਵੀ ਇੱਕ ਅਜਿਹੀ ਨੀਵੀਂ-ਪੱਧਰੀ ਦੁਨੀਆਂ ਵਿੱਚ ਗੁਲਾਮ ਨਹੀਂ ਬਣਨਗੇ ਜਿਵੇਂ ਕਿ ਅਸੀਂ ਹੁਣ ਰਹਿ ਰਹੇ ਹਾਂ।

Photo Caption: "ਰੋਸ਼ਨੀ ਹਮੇਸ਼ਾ ਚਮਕਦੀ ਰਹੇਗੀ"

ਫੋਟੋ ਡਾਊਨਲੋਡ ਕਰੋ