Дэлгэрэнгүй
Татаж авах Docx
Дэлгэрэнгүй уншаарай
Бид юу ч хийсэн муу үйлийн үрээ ч, сайн үйлийн үрээ ч өөрсдөө хүртэнэ. Мэдээж Диваажин бидэнд тусалж чадна л даа. Гэвч бид Диваажинтай хэрхэн холбогдохоо мэддэггүй. Диваажин өөртэй тань холбогдохыг хүсдэг ч та ч бас энэ холбоо, энэ Адис ерөөл, энэ зааврыг хүлээн авч чаддаггүй. Тэгээд бид ядуурал, хүнд хэцүү байдлаасаа гарах боломжгүй болдог. Дайн ч мөн адил. Би өөрөө хүмүүс дайнд зовохыг, амьтан-хүмүүс зовохыг хараад зүрх минь шимширч, маш их шаналдаг. Гэвч энэ бүхэн ийм л... энэ дэлхий ийм л байдаг. Хүмүүс сэрж сэхээрдэггүй, дээрддэггүй, үүнийгээ засдаггүй.Усны хоолой тань эвдэрвэл засах ёстой лугаа юм л даа. Хэрэв дайн зөвхөн оролцсон улсад ч биш, бүх дэлхийд муу гэдгийг харж байвал түүнийг засахыг хичээх ёстой. Жинхэнэ шалтгааныг нь харах ёстой. Зөвхөн залбирах нь тус болохгүй. Уучлаарай. Ингэж хэлж байгаад уучлаарай. Гол нь ихэнхдээ бид залбирахдаа зүрх сэтгэлээ үгэндээ шингээдэггүй. Бид ярьж, хүссэнээ хэлдэг ч хэлж буй үгэндээ зүрх сэтгэлээ шингээдэггүй. Бид чин сэтгэлтэй байдаггүй. Гол нь энэ. Дэлхийн энх тайвны төлөө залбирахын тулд бид эхлээд энх тайвныг бүтээх ёстой. Бид энх тайван ирвэл зохих буяныг хураах хэрэгтэй. Би үүнийг та нарт олон удаа хэлсээр ирсэн. Дахиад нэг хэлэх нь та нарт ямар нэг өөрчлөлт авчрах эсэхийг ч мэдэхгүй байна. Гэхдээ байдал ийм л байдаг. Ийм байдаг. Бид сүнслэг байдлаараа сохор, дүлий, хэлгүй явж ирсэн болохоор хардаггүй ч тарьсан зүйлээ хураах ёстой. Бид жинхэнэ ертөнцийг хардаггүй. Бид жинхэнэ үйлийг мэддэггүй. Өөрсдийн үйлийн араас ирдэг жинхэнэ үйлийн үр, гэсгээлийг хардаггүй.Саяхан би та нарт дор хаяж дөрвөн хааныг сэнтийгээс нь буулгаж, эрх мэдлээс нь салгаж, цөлж, өөр гараг руу, өөрсдийнх нь харьяалагдах догшин, дайтдаг гараг руу явуулсан гэж хэлсэн. Тэгээгүй байсан бол тэд энэ дэлхийд илүү их дайн, илүү их гай тарих байсан юм. Гэхдээ тэр бол тэдний асуудал. Бурхан, Диваажингийн Баг тэдэнтэй тэмцэж эцэст нь ялж чадна, мэдээж. Гэтэл хэрэв хүмүүс хуучин дадал болсон харгис амьдралын хэв маягаа үргэлжлүүлсээр байвал сул дорой, гэмгүй, хөөрхий амьтдыг огтхон ч тоохгүйгээр нүдээ ч цавчилгүй хөнөөгөөд, тэдний хаанаас ирснийг, хэдий хэмжээний зовлон шаналал, ямар их тарчлаан, ямар их өвдөлт тэдгээр үхсэн амьтан-хүмүүсийн маханд шингэснийг огт бодохгүйгээр амандаа чихдэг. Эсвэл жишээ нь үр хөндөлтийн үед эхийн хэвлийд байгаа гэмгүй бяцхан хүүхэд ямар их зовж тарчлахыг ч боддоггүй.Хүний ураг ямар их зовлон туулах шаардлагатай болдгийг, ингэснээр та нар Бурханаас өгсөн тэрхүү бэлгээс “чөлөөлөгдөх” болдгийг нүдээрээ харж буй мэт жинхэнээр нь ойлгоосой гэсэндээ бид үүнийг үзүүлэхийг хичээсэн. Тэр хүүхэд хожим хэн болохыг та нар хэзээ ч мэдэхгүй. Би өмнө нь хэлсэн дээ. Тэр сайн ерөнхийлөгч болох байсан ч байж мэднэ. Тэр ирээдүйн энэрэнгүй хаан байх байсан байж ч мэднэ. Тэр гайхалтай эрдэмтэн, эмч, эсвэл энэ дэлхийд илүү их алдар, тав тух авчрахад хувь нэмэр оруулах хүн болох байсан ч байж мэднэ. Гэвч хүмүүс тэднийг нүдээ ч цавчилгүй алаад, өөрсдөө тайван амьдрал, амар амгаланг хүсдэг.Гэтэл бодит байдлын илэн далангүй хуулбар болсон, бидний харуулсан гэрэл зураг, бичлэгүүдээр гэмгүй бяцхан хүүхдүүдийн зовлонг харж болох боловч тэдгээрийг цацахыг зөвшөөрдөггүй. Хүчирхийллийн кинонууд дэлхий даяар байхад яагаад гэдгийг нь би мэдэхгүй юм. Мэдээж бид хаагуур нэвтрүүлж, ямар компанитай хамтран ажиллахаас хамааран бид тэдний дүрмийг дагах ёстой. Гэхдээ би яагаад гэдгийг ойлгодоггүй. Эдгээр бичлэгт харгис зорилго, хүчирхийлэл хийх санаа байхгүй. Энэ бол харин хүмүүст өөрсдийн алуурчин үйлдлийг, жишээ нь үр хөндөлт, амьтан-хүмүүсийг ингэж алах явдлын талаар дахин бодож үзэг гэж камерт буулгасан жинхэнэ бодит үнэн үйл явдал. Ийм... Бурхан минь, үнэхээр зэрлэг, чөтгөрийн шинжтэй зүйлийг би хэлэхээс өөр аргагүй нь.Олон хүн амьтан-хүний мах иддэг. Гэхдээ зүсэж бэлтгэн, цэвэрхэн баглаж савласан тэрхүү хэсэг махыг тэд нядлуулсан тухайн амьтан-хүний зовлон тарчлалтай холбож ойлгодоггүй. Хүмүүс үр хөндөлтийг бас “За, ердөө л нэг тариа хийлгээд хүүхэдгүй болчихно.” гэж боддог. Гэвч тэд бодит байдал дээр юу болдгийг, бяцхан үр хэвлийдээ тэр тарилгаас, эсвэл гар, мөч, бүх хэсгийг нь бүхэл биеэс нь мөчлөн тастаж, хэмхлэх гэж оролдож буй хутга, хавчаар мэтийн мэснээс зайлсхийх гээд чадахгүй хэчнээн их туйлдан тэмцдэгийг хардаггүй. Үүнийг хүмүүст үзүүлж байх хэрэгтэй. Учир нь олон нийтэд үүнийг таниулах үйлдэл бол нигүүлсэнгүй үйл бөгөөд өөрт тань асар их, асар их, асар их, асар их буян болно. Учир нь амь аврах, тэр дундаа хүний амь аврах үйл юм. Та ганц амь аврахад л ай даа, гарцаагүй Диваажинд очно.Веган хоол идсэнээр та нар амьдралынхаа турш зуу, мянга, олон арван мянган амь авардаг. Ай, Диваажингийн ажиглалт, шүүлтээр та нар ямар их итгэмээргүй, агуу их буян хурааж байна гэж бодно.Хүмүүн заяаг олж төрөхийн тулд маш их буянтай байх ёстой. Би өмнө нь ном тайлж байхдаа энэ тухай олонтоо дурдаж байсан. Энд дахин давтмааргүй байна. Гэхдээ ийм л байдаг. Хэрэв та амьтан-хүнийг идсээр, эсвэл үр ургийг хөнөөсөөр байвал өөрийн тань хүүхэд биш байсан ч та нар эмч, сувилагч байгаад үүнд оролцож байгаа бол, эсвэл бүр засгийн газар байсан ч үүнийг зөвшөөрөн, хүмүүст үр хөндөхийг зөвшөөрч, үрсээ хөнөөх төлбөрийг нь төлж туслан, ямар нэгэн байдлаар дэмжиж, эсвэл эмч, сувилагчийн хувьд өөрөө үүнийг үйлдэж байгаа бол, хүмүүст амьтан-хүнийг хөнөөхийг, амьтан-хүнийг хорьж байгаад хороохыг зөвшөөрч байгаа бол эдгээр нь аймшгийн нүгэлт үйл юм. Хүн болж төрөх, эрүүл саруул, аз жаргалтай, эсвэл бүр баян чинээлэг байхын тулд маш их буянтай байх ёстой. Та нар урьд төрлийнхөө их буян заяаны ачаар сайн гэр бүлтэй байгаа юм. Гэтэл одоо, хэрэв та үрээ хөнөөж, амьтан-хүнийг шууд болон шууд бусаар хөнөөвөл энэ бүх буян заяа тань үгүй болж, үйлийн үрийн өр төлөөсөнд орон, ингэснээр нядалгааны газрын амьтан-хүн хэрхэн зовдог шиг яг тийм зовлонг амсах болно. Мөн тэр нялх үр хүүхэдтэй яг адил зовох ёстой болно. Тэгэхдээ ердөө ганц удаа биш, маш олон дахин үржигдэх болно. Бүх зүйл хүүтэй байдаг. Банканд мөнгө хадгалахад хүү тооцдог шиг амь таслахад ч бас “алах-үйлийн үрийн хүү” гэж бий.Бид, Диваажингийн баг, намайг оролцуулаад – Би бол хүмүүсийг аврах, гараг дэлхийг аврах болон хүмүүсийн сүнсийг аврах, хүмүүс бол Бурхны хүүхдүүд, Диваажингийн ханхүү, гүнж нар гэдгийг нь тэдэнд сануулах, хүмүүний чанарын хэм хэмжээг аврахаар ажиллаж буй Диваажингийн Багуудын удирдагч юм. Энэ бол Бидний ажил. Бид үүнийг маш сайн хийж, мөн маш их хичээж байгаа. Гэвч хүмүүс өөрсдөө үүнийг ойлгож, хүлээн зөвшөөрч, Диваажингийн Чанартаа, түүний дотор энэрэл, нигүүлсэл, бусдад тусыг бүтээдэг байдалдаа эргэн очих ёстой. Хамгийн чухал зүйл бол хэзээ ч өөрсдийн үрсийг бүү хөнөө, эсвэл хүмүүст үр нялхсаа хөнөөхөд нь хэзээ ч бүү тусал, мөн гэм зэмгүй амьтан-хүнийг бүү хороо, эсвэл гэм зэмгүй амьтан-хүнийг хөнөөхөд бүү оролц, бүр идэх ч хэрэггүй.Та нар бүгд дор бүрдээ үйлийн үр хэрхэн үйлчилж, дараа нь таныг хэрхэн зовоож буй тэр дүр зургийг хэзээ нэгэн өдөр дотроо хараасай гэж би чин сэтгэлээсээ залбирч байна. Зарим нь шууд зовлонгоо эдэлдэг. Нохой-хүн, эсвэл амьтан-хүнийг хөнөөсөн хүмүүс бараг тэр даруйдаа аймшигтай зовлон үзсэн тухай бодит түүх олон байдаг. Зарим нь бүр хожим илүү удаан хугацааны дараа зовох болдог. Учир нь тэдэнд урьд насны, эсвэл урьд төрлүүдийнх нь их буян байж болох бөгөөд тэр нь тэднийг тодорхой хэмжээнд, эсвэл тодорхой хугацаанд хамгаалдаг. Гэвч эцсийн эцэст өрөө төлөх цаг тэдэнд хожим ирэх л болно. Учир нь муу үйлийн үрээс хамгаалж чадах тийм барагдашгүй их буян заяа хэнд ч байхгүй.Photo Caption: “Зуурдын Жаргал Амтлах Гэж Аюулт Эрсдэл Туулна! Энэ Бол Амьдрал!”
