ਭਵਿਖਬਾਣੀ ਭਾਗ 415 - ਬਿਪਤਾ ਨੂੰ ਦੂਰ ਕਰਨ ਲਈ ਮੁਕਤੀਦਾਤੇ ਨਾਲ ਸਚੇ ਪਿਆਰ ਨੂੰ ਜਗਾਉ

ਅਤੇ ਮੈਂ ਕਹਾਂਗਾ, ਸੂਰਜੀ ਮੰਡਲ ਵਿੱਚ ਵਾਪਰ ਰਹੀਆਂ ਘਟਨਾਵਾਂ - ਹਾਂਜੀ, ਉਹ ਦਰਸਾਉਂਦੀਆਂ ਹਨ ਕਿ ਸਭ ਕੁਝ ਇੱਕ ਲੰਬੇ ਸਮੇਂ ਤੋਂ ਰੁਕਣ ਤੋਂ ਬਾਅਦ ਅੱਗੇ ਵਧਣਾ ਸ਼ੁਰੂ ਹੋ ਗਿਆ ਹੈ, ਅਤੇ ਹੁਣ ਇੱਕ ਲਗਾਤਾਰ ਵਧਦੀ ਗਤੀ ਨਾਲ ਅੱਗੇ ਵਧ ਰਿਹਾ ਹੈ। ਇਹ ਹੈ ਜੋ ਹੋ ਰਿਹਾ ਹੈ।

ਰੂਸੀ ਦਾਰਸ਼ਨਿਕ ਅਤੇ ਦੂਰਦਰਸ਼ੀ ਡਾ. ਲੇਵ ਕਲਾਈਕੋਵ ਦੇ ਅਨੁਸਾਰ, ਬ੍ਰਹਿਮੰਡ ਵਿੱਚ ਧਰਤੀ ਕਿਸੇ ਵੀ ਹੋਰ ਜਗ੍ਹਾ ਤੋਂ ਵੱਖਰੀ ਹੈ, ਕਿਉਂਕਿ ਗ੍ਰਹਿ ਵਿੱਚ ਕੁਝ ਅਜਿਹਾ ਖਾਸ ਹੈ ਕਿ ਬ੍ਰਹਿਮੰਡੀ ਤਾਕਤਾਂ ਇਸ ਉੱਤੇ ਲੜ ਰਹੀਆਂ ਹਨ।

ਗੱਲ ਇਹ ਹੈ ਕਿ ਧਰਤੀ ਦੂਜੇ ਗ੍ਰਹਿਆਂ ਤੋਂ ਇਸ ਪੱਖੋਂ ਵੱਖਰੀ ਹੈ ਕਿ ਇਸਦੇ ਅੰਦਰ ਇੱਕ ਲੋਗੋਜ਼ ਹੈ। ਅਤੇ ਲੋਗੋਜ਼ - ਇਹ ਇੱਕ ਅਜਿਹੀ ਚੀਜ਼ ਹੈ ਜੋ ਪੂਰੇ ਬ੍ਰਹਿਮੰਡ ਨੂੰ ਨਿਯੰਤਰਿਤ ਕਰਦੀ ਹੈ। ਇੱਕ ਸਮੇਂ, ਇਹ ਡਿਸਕਨੈਕਟ ਹੋ ਗਿਆ ਸੀ। ਅਤੇ ਇਸੇ ਲਈ, ਅਸਲ ਵਿੱਚ, ਧਰਤੀ ਉੱਤੇ ਇਸ ਤਰ੍ਹਾਂ ਦੀ ਜੰਗ ਹੈ। ਤੁਸੀਂ ਕਹਿ ਸਕਦੇ ਹੋ ਕਿ ਦੇਵਤਿਆਂ ਦੀ ਇੱਕ ਜੰਗ ਜਾਂ ਪਰਦੇਸੀਆਂ ਦੀ ਇੱਕ ਜੰਗ।

ਬ੍ਰਹਿਮੰਡ ਵਿੱਚ ਧਰਤੀ ਦੀ ਵਿਲੱਖਣ ਸਥਿਤੀ ਦਾ ਖੁਲਾਸਾ ਡੈਲਟਾਵਾਸ਼ ਦੁਆਰਾ ਵੀ ਕੀਤਾ ਗਿਆ ਹੈ, ਜੋ ਕਿ ਪਲੀਏਡਜ਼ ਤੋਂ ਇੱਕ ਪਰਦੇਸੀ ਜੀਵ ਹੈ। ਉਸਦਾ ਸੁਨੇਹਾ ਜੇਮਜ਼ ਕਾਰਵਿਨ ਦੁਆਰਾ ਉਸਦੀ ਕਿਤਾਬ "ਪਲੀਏਡੀਅਨ ਪ੍ਰੋਫਸੀ 2020: ਦ ਨਿਊ ਗੋਲਡਨ ਏਜ" ਵਿੱਚ ਸਾਂਝਾ ਕੀਤਾ ਗਿਆ ਸੀ।

"ਜਿਵੇਂ ਤੁਹਾਡੇ ਸਰੀਰ ਵਿੱਚ ਕਈ ਚੱਕਰ ਜਾਂ ਊਰਜਾ ਬਿੰਦੂ ਹਨ, ਉਸੇ ਤਰ੍ਹਾਂ ਬ੍ਰਹਿਮੰਡ ਦੇ ਵੀ ਆਪਣੇ ਚੱਕਰ ਕੇਂਦਰ ਹਨ। ਧਰਤੀ ਬ੍ਰਹਿਮੰਡ ਦੇ ਮੁੱਖ ਅਤੇ ਸਭ ਤੋਂ ਮਹੱਤਵਪੂਰਨ ਚੱਕਰ ਬਿੰਦੂਆਂ ਵਿੱਚੋਂ ਇੱਕ 'ਤੇ ਸਥਿਤ ਹੈ। ਇਸ ਗਠਜੋੜ ਨੂੰ ਬਦਲ ਕੇ, ਵਿਅਕਤੀ ਵਿੱਚ ਪੂਰੇ ਬ੍ਰਹਿਮੰਡ ਨੂੰ ਬਦਲਣ ਦੀ ਸਮਰੱਥਾ ਹੈ। ਇਸ ਕਾਰਨ ਕਰਕੇ, ਅਸੀਂ ਧਰਤੀ ਨੂੰ ਬ੍ਰਹਿਮੰਡ ਦਾ ਤਾਜ ਕਹਿੰਦੇ ਹਾਂ। [...]

ਤੁਸੀਂ ਮਨੁੱਖ ਪੂਰੇ ਬ੍ਰਹਿਮੰਡ ਵਿੱਚ ਜੀਵਾਂ ਦੀ ਇੱਕ ਬਹੁਤ ਹੀ ਜਾਣੀ-ਪਛਾਣੀ ਜਾਤੀ ਹੋ। ਬ੍ਰਹਿਮੰਡ ਦੇ ਸਾਰੇ ਕੋਨਿਆਂ ਤੋਂ, ਅਤੇ ਖਾਸ ਕਰਕੇ ਇਸ ਗਲੈਕਸੀ ਤੋਂ, ਬਿਲੀਅਨ, ਅਰਬਾਂ ਹੀ ਜੀਵ ਸ਼ਾਬਦਿਕ ਤੌਰ 'ਤੇ ਹਨ, ਜੋ ਧਰਤੀ ਦੇ ਖੇਤਰ ਵੱਲ ਆਕਰਸ਼ਿਤ ਹੁੰਦੇ ਹਨ ਕਿਉਂਕਿ ਇਸਦੀ ਯੂਨੀਵਰਸਲ ਮੈਟ੍ਰਿਕਸ ਨੂੰ ਦੁਬਾਰਾ ਜੋੜਨ ਦੀ ਯੋਗਤਾ ਹੈ। ਤੁਸੀਂ ਧਰਤੀ ਨੂੰ ਆਪਣੀਆਂ ਮਹਾਨ ਪਰੀ ਕਹਾਣੀਆਂ ਵਿੱਚੋਂ ਮਸ਼ਹੂਰ ਐਕਸਕੈਲੀਬਰ ਦੇ ਰੂਪ ਵਿੱਚ ਸੋਚ ਸਕਦੇ ਹੋ - ਇੱਕ ਮਹਾਨ ਸ਼ਕਤੀ ਦੀ ਵਸਤੂ ਜਿਸਦੀ ਬਹੁਤ ਸਾਰੇ ਲੋਕ ਭਾਲ ਕਰਦੇ ਹਨ। ਤੁਹਾਡੇ ਗ੍ਰਹਿ ਉੱਤੇ ਪੁਲਾੜ ਵਿੱਚ ਸੱਚਮੁੱਚ ਇੱਕ ਦੌੜ ਅਤੇ ਇੱਕ ਲੜਾਈ ਚੱਲ ਰਹੀ ਹੈ। ਪ੍ਰਕਾਸ਼ ਦੀਆਂ ਤਾਕਤਾਂ ਮਨੁੱਖਤਾ ਨੂੰ ਉੱਚਾ ਚੁੱਕਣਾ ਚਾਹੁੰਦੀਆਂ ਹਨ। ਅਜਿਹਾ ਕਰਕੇ, ਅਸੀਂ ਬਾਕੀ ਬ੍ਰਹਿਮੰਡ ਨੂੰ ਵੀ ਉੱਚਾ ਚੁੱਕਣ ਵਿੱਚ ਮਦਦ ਕਰ ਸਕਦੇ ਹਾਂ। ਦੂਜੇ ਪਾਸੇ, ਹਨੇਰੇ ਦੀਆਂ ਤਾਕਤਾਂ ਜ਼ੁਲਮ ਨੂੰ ਵਧਾਉਣਾ ਚਾਹੁੰਦੀਆਂ ਹਨ। ਜੇ ਉਹ ਸਫਲ ਹੋ ਜਾਂਦੇ ਹਨ, ਤਾਂ ਬ੍ਰਹਿਮੰਡ ਕਦੇ ਵੀ ਇਲਾਜ ਦਾ ਅਨੁਭਵ ਨਹੀਂ ਕਰ ਸਕਦਾ, ਅਤੇ ਇਸਦੇ ਅੰਦਰ ਮੌਜੂਦ ਸਾਰੇ ਯੁੱਧ ਅਤੇ ਭ੍ਰਿਸ਼ਟਾਚਾਰ ਹੋਰ ਤੇਜ਼ ਹੋ ਸਕਦੇ ਹਨ।"

ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ (ਵੀਗਨ) ਨੇ ਮਾਰਚ 2024 ਦੇ ਇੱਕ ਸੰਦੇਸ਼ ਵਿੱਚ ਦੱਸਿਆ ਕਿ ਮਨੁੱਖ ਇੱਕੋ ਸਮੇਂ ਵੱਖ-ਵੱਖ ਸੰਸਾਰਾਂ ਵਿੱਚ ਕਿਵੇਂ ਰਹਿ ਸਕਦੇ ਹਨ।

ਜੇਕਰ ਤੁਹਾਡੇ ਵਿੱਚ ਇਹ ਰੁਝਾਨ ਹੈ, ਈਰਖਾਲੂ ਹੋਣ ਦੀ ਭਾਵਨਾ - ਬੱਸ ਇੰਨਾ ਹੀ - ਤਾਂ ਤੁਸੀਂ ਈਰਖਾਲੂ ਦੁਨੀਆਂ ਵਿੱਚ ਡਿੱਗ ਜਾਓਗੇ, ਦੁਨੀਆਂ ਦੀ ਈਰਖਾਲੂ ਸ਼੍ਰੇਣੀ। ਤਾਂ ਇਹ ਇਸ ਤਰ੍ਹਾਂ ਹੈ ਜਿਵੇਂ ਤੁਹਾਡੀ ਦੁਨੀਆ ਵਿੱਚ ਇੱਕ ਹੋਰ ਦੁਨੀਆ ਹੈ। ਅਤੇ ਫਿਰ ਉਹ ਚੱਕਰ ਇੱਕ ਲੰਬੇ ਸਮੇਂ ਤੱਕ ਜਾਰੀ ਰਹੇਗਾ ਜਦੋਂ ਤੱਕ ਤੁਹਾਨੂੰ ਸ਼ਾਇਦ ਕਿਸੇ ਤਰ੍ਹਾਂ ਇਹ ਅਹਿਸਾਸ ਨਹੀਂ ਹੁੰਦਾ ਕਿ ਇਹ ਤੁਹਾਡੇ ਲਈ ਚੰਗਾ ਨਹੀਂ ਹੈ ਅਤੇ ਤੁਸੀਂ ਰੋਕਣ ਦੀ ਕੋਸ਼ਿਸ਼ ਕਰੋਗੇ। ਫਿਰ ਹੌਲੀ-ਹੌਲੀ, ਸ਼ਾਇਦ, ਤੁਸੀਂ ਉਸ ਈਰਖਾਲੂ ਦੁਨੀਆਂ ਤੋਂ ਬਾਹਰ ਆ ਜਾਓਗੇ। ਹਰ ਗੁਣ ਦੀ ਇੱਕ ਦੁਨੀਆਂ ਹੁੰਦੀ ਹੈ ਜੋ ਇਸਦੇ ਨਾਲ ਸਬੰਧਤ ਹੁੰਦੀ ਹੈ। ਇਹੀ ਸਮੱਸਿਆ ਹੈ। ਇਹ ਬਿਲਕੁਲ ਇਸ ਤਰ੍ਹਾਂ ਹੈ ਜਿਵੇਂ ਜੇਕਰ ਤੁਸੀਂ ਆਪਣਾ ਦੇਸ਼ ਛੱਡ ਕੇ ਕਿਸੇ ਹੋਰ ਦੇਸ਼ ਦੀ ਯਾਤਰਾ ਕਰਦੇ ਹੋ ਕਿਉਂਕਿ ਤੁਹਾਨੂੰ ਉਹ ਦੇਸ਼ ਪਸੰਦ ਹੈ - ਤੁਹਾਨੂੰ ਉੱਥੋਂ ਦੇ ਲੋਕ ਪਸੰਦ ਹਨ, ਤੁਹਾਨੂੰ ਖਾਣਾ ਪਸੰਦ ਹੈ, ਤੁਹਾਨੂੰ ਨਜ਼ਾਰੇ ਪਸੰਦ ਹਨ, ਤੁਹਾਨੂੰ ਸਿਰਫ਼ ਘੁੰਮਣਾ ਪਸੰਦ ਹੈ - ਤਾਂ, ਬੇਸ਼ੱਕ, ਤੁਸੀਂ ਉਸ ਦੇਸ਼ ਵਿੱਚ ਹੋ। ਫਿਲਹਾਲ, ਤੁਸੀਂ ਆਪਣੇ ਦੇਸ਼ ਵਿੱਚ ਬਿਲਕੁਲ ਵੀ ਨਹੀਂ ਹੋ।

ਤਾਂ ਇਹ ਉਨ੍ਹਾਂ ਦੁਨੀਆਵਾਂ ਦੇ ਸਮਾਨ ਹੈ ਜੋ ਸਾਨੂੰ ਫਸਾਉਣ ਲਈ ਜਾਲ ਹਨ। ਅਤੇ ਜੇਕਰ ਅਸੀਂ ਸਾਵਧਾਨ ਨਹੀਂ ਰਹਿੰਦੇ, ਤਾਂ ਅਸੀਂ ਹਮੇਸ਼ਾ ਹਰ ਤਰ੍ਹਾਂ ਦੇ ਜਾਲਾਂ ਵਿੱਚ ਫਸ ਸਕਦੇ ਹਾਂ - ਹਰ ਸਮੇਂ - ਅਤੇ ਇਸ ਤੋਂ ਬਾਹਰ ਨਿਕਲਣਾ ਬਹੁਤ ਮੁਸ਼ਕਲ ਹੈ। ਅਤੇ ਜੇਕਰ ਕਿਸੇ ਤਰ੍ਹਾਂ ਤੁਹਾਡਾ ਕਿਸੇ ਤੋਂ ਕੁਝ ਚੋਰੀ ਕਰਨ ਦਾ ਇਰਾਦਾ ਹੈ ਜਾਂ ਤੁਸੀਂ ਸੱਚਮੁੱਚ ਅਜਿਹਾ ਕਰਦੇ ਹੋ... ਖੈਰ, ਇਸ ਬਾਰੇ ਸੋਚਣਾ ਅਜੇ ਇੰਨਾ ਬੁਰਾ ਨਹੀਂ ਹੈ। ਜੇਕਰ ਤੁਸੀਂ ਆਪਣੇ ਮਨ ਨੂੰ ਕਾਬੂ ਵਿੱਚ ਰੱਖਦੇ ਹੋ ਅਤੇ ਸੋਚਣਾ ਬੰਦ ਕਰ ਦਿੰਦੇ ਹੋ, ਤਾਂ ਇਹ ਬਹੁਤਾ ਬੁਰਾ ਨਹੀਂ ਹੈ। ਫਿਰ ਤੁਸੀਂ ਪਿੱਛੇ ਮੁੜਦੇ ਹੋ ਅਤੇ ਇਹ ਨਹੀਂ ਕਰਦੇ। ਪਰ ਜੇ ਤੁਸੀਂ ਚੋਰੀ ਵਰਗੀ ਕੋਈ ਕਾਰਵਾਈ ਕੀਤੀ ਹੈ ਜਾਂ ਕਰਦੇ ਹੋ, ਤਾਂ ਤੁਸੀਂ ਚੋਰੀ ਦੀ ਦੁਨੀਆਂ ਵਿੱਚ ਫਸ ਜਾਂਦੇ ਹੋ, ਜਿੱਥੇ ਤੁਸੀਂ ਇਕੱਲੇ ਨਹੀਂ, ਸਗੋਂ ਬਹੁਤ ਸਾਰੇ ਲੋਕ ਉਸ ਦੁਨੀਆਂ ਨਾਲ ਸਬੰਧਤ ਹਨ। ਅਤੇ ਫਿਰ ਇੱਕ ਦਿਨ, ਤੁਹਾਡੀਆਂ ਚੀਜ਼ਾਂ ਚੋਰੀ ਹੋ ਜਾਣਗੀਆਂ। ਅਤੇ ਫਿਰ ਬਦਲਾ ਲੈਣ ਲਈ, ਤੁਸੀਂ ਉਸ ਵਿਅਕਤੀ ਤੋਂ ਦੁਬਾਰਾ ਚੋਰੀ ਕਰਦੇ ਹੋ ਅਤੇ ਇਹ ਚੱਕਰ ਨਹੀਂ ਰੁਕੇਗਾ - ਜਦੋਂ ਤੱਕ ਤੁਸੀਂ ਨਹੀਂ ਰੁਕਦੇ।

ਇਸੇ ਤਰ੍ਹਾਂ, ਜੇਕਰ ਤੁਸੀਂ ਜਾਨਵਰ-ਲੋਕਾਂ ਦਾ ਮਾਸ ਖਾਂਦੇ ਹੋ, ਤਾਂ ਤੁਸੀਂ ਕਤਲ ਦੀ ਦੁਨੀਆਂ ਵਿੱਚ ਡਿੱਗ ਜਾਂਦੇ ਹੋ। ਇਸ ਸਭ ਦੇ ਨਾਲ ਕਰਮ ਜੁੜੇ ਹੋਣਗੇ। ਹਰ ਕਿਰਿਆ, ਪ੍ਰਤੀਕ੍ਰਿਆ, ਦੇ ਨਾਲ ਕਰਮ ਜੁੜਿਆ ਹੁੰਦਾ ਹੈ। ਇਸੇ ਕਰਕੇ ਬਾਹਰ ਨਿਕਲਣਾ ਮੁਸ਼ਕਲ ਹੈ। ਇਸਦੇ ਨਤੀਜੇ ਹਨ। ਤੁਹਾਡੇ ਕੰਮ ਦੇ ਹਮੇਸ਼ਾ ਨਤੀਜੇ ਹੁੰਦੇ ਹਨ - ਚੰਗੇ ਜਾਂ ਮਾੜੇ। ਜੇਕਰ ਤੁਸੀਂ ਚੋਰੀ ਦੀ ਦੁਨੀਆਂ ਵਿੱਚ ਫਸ ਜਾਂਦੇ ਹੋ, ਤਾਂ ਤੁਸੀਂ ਉਸ ਦੁਨੀਆਂ ਵਿੱਚ ਵੀ ਦੌੜਦੇ ਰਹੋਂਗੇ, ਉਨ੍ਹਾਂ ਦੂਜੀਆਂ ਦੁਨੀਆਂ ਦੇ ਨਾਲ-ਨਾਲ ਜਿਨ੍ਹਾਂ ਵਿੱਚ ਤੁਸੀਂ ਫਸ ਜਾਂਦੇ ਹੋ ਜਾਂ ਸ਼ਾਮਲ ਹੋ ਜਾਂਦੇ ਹੋ। ਇਸ ਲਈ, ਕਤਲੇਆਮ ਦੀ ਦੁਨੀਆਂ, ਜਿਸ ਵਿੱਚ ਜਾਨਵਰ-ਲੋਕਾਂ ਦਾ ਮਾਸ ਖਾਣਾ ਸ਼ਾਮਲ ਹੈ ਕਿਉਂਕਿ ਇਸ ਵਿੱਚ ਦੂਜੇ ਜੀਵਾਂ ਦੀ ਹੱਤਿਆ ਸ਼ਾਮਲ ਹੈ।

ਮਨੁੱਖਾਂ ਵਿੱਚ ਬਹੁਤ ਸਾਰੇ ਗੁਣ ਹੋ ਸਕਦੇ ਹਨ, ਚੰਗੇ ਜਾਂ ਮਾੜੇ; ਇਹ ਸਮਝਣਾ ਔਖਾ ਹੈ ਕਿ ਮਨੁੱਖੀ ਸਮੂਹ ਦੇ ਜਾਲ ਵਿੱਚ ਕਿੰਨੀਆਂ ਵੱਖ-ਵੱਖ ਕਿਸਮਾਂ ਦੀਆਂ ਦੁਨੀਆਵਾਂ ਆਪਸ ਵਿੱਚ ਜੁੜੀਆਂ ਹੋਈਆਂ ਹਨ। ਕੁਝ ਵਿਗਿਆਨੀਆਂ ਅਤੇ ਭੌਤਿਕ ਵਿਗਿਆਨੀਆਂ ਨੇ ਮਨੁੱਖੀ ਹਕੀਕਤ ਦੇ ਬਹੁਪੱਖੀ ਸੁਭਾਅ ਨੂੰ ਅਹਿਸਾਸ ਕਰਨਾ ਸ਼ੁਰੂ ਕਰ ਦਿੱਤਾ ਹੈ, ਅਤੇ ਇਹ ਕਿ ਸਮਾਂ ਅਤੇ ਸਥਾਨ ਓਨੇ ਸਥਿਰ ਨਹੀਂ ਜਿਵੇਂ ਲੋਕ ਸੋਚਦੇ ਹਨ ਕਿ ਇਹ ਹਨ।

ਤੁਸੀਂ ਇੱਕ ਵੀ ਬਿੰਦੂ 'ਤੇ ਮੌਜੂਦ ਨਹੀਂ ਹੋ। ਤੁਸੀਂ ਇੱਕ ਸਪੇਸ-ਟਾਈਮ ਕੀੜਾ ਹੋਂ, ਬਲਾਕ ਵਿੱਚੋਂ ਇੱਕ ਖਿੱਚੀ-ਹੋਈ-ਲਾਈਨ। ਤੁਹਾਡਾ ਹਰ ਰੂਪ, ਹਰ ਵਿਚਾਰ, ਹਰ ਸਾਹ ਉਸੇ ਧਾਗੇ ਨਾਲ ਜੁੜਿਆ ਹੋਇਆ ਹੈ। ਅਤੇ ਇੱਕ ਉੱਚ ਦ੍ਰਿਸ਼ਟੀਕੋਣ ਤੋਂ, ਜੋ ਸਮੇਂ ਤੋਂ ਬਾਹਰ, ਤੁਸੀਂ ਇੱਕ ਪੂਰੇ ਆਕਾਰ ਵਾਂਗ ਦਿਖਾਈ ਦੇਵੋਗੇ, ਇੱਕ ਗਤੀਸ਼ੀਲ ਬਿੰਦੂ ਵਾਂਗ ਨਹੀਂ। ਇਹ ਵਿਚਾਰ ਸਿਰਫ਼ ਕੁਝ ਹੱਦ ਤੱਕ ਸਿਧਾਂਤਕਾਰਾਂ ਤੱਕ ਸੀਮਤ ਨਹੀਂ ਹੈ। ਇਹ ਦਹਾਕਿਆਂ ਤੋਂ ਮੁੱਖ ਧਾਰਾ ਦੇ ਭੌਤਿਕ ਵਿਗਿਆਨ ਦਾ ਹਿੱਸਾ ਰਿਹਾ ਹੈ, ਪਰ ਬਹੁਤ ਘੱਟ ਲੋਕ ਇਹ ਸਮਝਦੇ ਹਨ ਕਿ ਇਸਦਾ ਅਸਲ ਅਰਥ ਕੀ ਹੈ।

ਤੁਸੀਂ ਇੱਕ ਸਮਤਲ ਸੜਕ 'ਤੇ ਨਹੀਂ ਚੱਲ ਰਹੇ ਹੋ। ਤੁਸੀਂ ਰਸਤਿਆਂ ਦੇ ਇੱਕ ਸੰਘਣੇ ਜੀਵਤ ਇਲਾਕੇ ਦੀ ਪੜਚੋਲ ਕਰ ਰਹੇ ਹੋ। ਕੁਝ ਦਿਖਾਈ ਦਿੰਦੇ ਹਨ, ਕੁਝ ਨਹੀਂ। ਤੁਹਾਨੂੰ ਯਾਦ ਆਇਆ ਅਤੀਤ ਇੱਕ ਰਸਤਾ ਹੈ। ਪਰ ਤੁਹਾਡੇ ਕੁਝ ਸੰਸਕਰਣ ਹਨ ਜੋ ਥੋੜੇ ਜਿਹੇ ਵੱਖਰੇ ਹਨ। ਪਿਛਲੇ ਹਫ਼ਤੇ ਇੱਕ ਨੇ ਵੱਖਰਾ ਫੈਸਲਾ ਲਿਆ। ਇੱਕ ਦੀ ਗੱਡੀ ਛੁੱਟ ਗਈ। ਇਕ ਨੇ ਕਦੇ ਉਹ ਫ਼ੋਨ ਨਹੀਂ ਕੀਤਾ। ਤੁਸੀਂ ਇਹਨਾਂ ਸੰਸਕਰਣਾਂ ਨੂੰ ਕਦੇ ਨਹੀਂ ਮਿਲੋਗੇ, ਪਰ ਇਹ ਕਲਪਨਾ ਨਹੀਂ ਹਨ। ਇਹ ਉਸੇ 4D ਜਿਓਮੈਟਰੀ ਵਿੱਚ ਸ਼ਾਮਲ ਹਨ ਜੋ ਤੁਹਾਡੇ ਮੌਜੂਦਾ ਸਵੈ ਨੂੰ ਸੰਭਾਲਦੀ ਹੈ। ਅਤੇ ਇਹ ਫ੍ਰੈਕਟਲ ਬਣਤਰ ਸਿਰਫ਼ ਤੁਹਾਡੀ ਨਿੱਜੀ ਜ਼ਿੰਦਗੀ 'ਤੇ ਲਾਗੂ ਨਹੀਂ ਹੁੰਦੀ। ਇਹ ਪਰਮਾਣੂਆਂ ਤੋਂ ਲੈ ਕੇ ਅਰਥਵਿਵਸਥਾਵਾਂ ਅਤੇ ਗਲੈਕਸੀਆਂ ਤੱਕ ਸਾਰੇ ਪ੍ਰਣਾਲੀਆਂ 'ਤੇ ਲਾਗੂ ਹੁੰਦਾ ਹੈ।

ਜੇਕਰ ਸਮਾਂ ਸਪੇਸ ਹੈ ਅਤੇ ਚੋਣਾਂ ਟ੍ਰੈਜੈਕਟਰੀਆਂ ਬਣਾਉਂਦੀਆਂ ਹਨ, ਤਾਂ ਬ੍ਰਹਿਮੰਡ ਆਪਣੇ ਆਪ ਵਿੱਚ ਸਮਾਂ-ਰੇਖਾਵਾਂ, ਸ਼ਾਖਾਵਾਂ, ਲੂਪਿੰਗ ਅਤੇ ਕ੍ਰਾਸਿੰਗ ਦਾ ਇੱਕ ਉਲਝਣ ਹੈ ਜਿਸ ਨੂੰ ਅਸੀਂ ਹੁਣੇ ਹੀ ਸਮਝਣਾ ਸ਼ੁਰੂ ਕੀਤਾ ਹੈ। ਤੁਸੀਂ ਇੱਕ ਲਾਈਨ ਨਹੀਂ ਹੋ। ਤੁਸੀਂ ਸੰਭਾਵਨਾਵਾਂ ਦਾ ਇੱਕ ਨੈੱਟਵਰਕ ਹੋ, ਅਤੇ ਇਹ ਸਭ ਕੁਝ ਬਦਲ ਦਿੰਦਾ ਹੈ।

ਜਿਵੇਂ ਕਿ ਇਹ ਸੁਨੇਹੇ ਦਰਸਾਉਂਦੇ ਹਨ, ਧਰਤੀ ਬ੍ਰਹਿਮੰਡ ਦੇ ਮਹੱਤਵਪੂਰਨ ਕੇਂਦਰ ਬਿੰਦੂਆਂ ਵਿੱਚੋਂ ਇੱਕ ਹੈ ਜੋ ਅਣਗਿਣਤ ਸੰਸਾਰਾਂ ਨੂੰ ਇਕੱਠਾ ਰੱਖਦਾ ਹੈ। ਧਰਤੀ ਨਾਲ ਜੋ ਵਾਪਰਦਾ ਹੈ ਉਹ ਕਈ ਹੋਰ ਸੰਸਾਰਾਂ ਦੀ ਕਿਸਮਤ ਅਤੇ ਦਿਸ਼ਾ ਨਿਰਧਾਰਤ ਕਰ ਸਕਦਾ ਹੈ। ਇਹ ਧਰਤੀ ਉੱਤੇ ਹੋਣ-ਵਾਲੀਆਂ ਪ੍ਰਕਾਸ਼ ਅਤੇ ਹਨੇਰੀਆਂ ਤਾਕਤਾਂ ਵਿਚਕਾਰ ਤਿੱਖੀ ਲੜਾਈ ਦੀ ਵਿਆਖਿਆ ਕਰਦਾ ਹੈ। ਹਾਲਾਂਕਿ, ਹਜ਼ਾਰਾਂ ਸਾਲਾਂ ਤੋਂ ਨਕਾਰਾਤਮਕ ਸ਼ਕਤੀ ਦੇ ਪ੍ਰਭਾਵ ਹੇਠ, ਮਨੁੱਖਾਂ ਨੇ ਅਜੇ ਤੱਕ ਪ੍ਰਕਾਸ਼ ਸ਼ਕਤੀ ਲਈ ਇਸ ਲੜਾਈ ਨੂੰ ਜਿੱਤਣ ਲਈ ਇੱਛਾ ਸ਼ਕਤੀ ਇਕੱਠੀ ਨਹੀਂ ਕੀਤੀ ਹੈ। ਡਾ. ਕਲਾਈਕੋਵ ਨੇ ਦੇਖਿਆ ਕਿ ਇੱਕ ਖੁਸ਼ਕਿਸਮਤ ਬ੍ਰਹਮ ਦਖਲਅੰਦਾਜ਼ੀ ਹੋ ਰਹੀ ਹੈ।

(ਭਾਵ, ਜੇ ਮੈਂ ਸਹੀ ਢੰਗ ਨਾਲ ਸਮਝਦੀ ਹਾਂ, ਤਾਂ ਧਰਤੀ ਹੁਣ ਇਕ ਅਜਿਹੀ ਸਥਿਤੀ ਵਿੱਚ ਹੈ...)

ਅਸੀਂ ਇਹ ਆਪਣੇ ਆਪ ਨਹੀਂ ਕਰ ਸਕਦੇ, ਤੁਸੀਂ ਸਮਝੇ? ਇਸੇ ਲਈ, ਖੈਰ, ਸਾਡੀ ਦੇਖਭਾਲ ਕੀਤੀ ਜਾ ਰਹੀ ਹੈ, ਅਤੇ ਇਹ ਗਲੈਕਟਿਕ ਫੈਡਰੇਸ਼ਨ ਆਫ਼ ਲਾਈਟ ਹੈ। ਉਹ ਇੱਥੇ ਇੱਕ ਬਹੁਤ ਲੰਮੇਂ ਸਮੇਂ ਤੋਂ ਮੌਜੂਦ ਹਨ ਅਤੇ ਜਿਵੇਂ ਕਿ ਉਹ ਕਹਿੰਦੇ ਹਨ, ਇੱਥੇ ਚੀਜ਼ਾਂ ਦੀ ਪੂਰੀ ਵਿਵਸਥਾ ਨੂੰ ਬਦਲਣ ਲਈ ਕਈ ਤਰ੍ਹਾਂ ਦੇ ਯਤਨ ਕਰ ਰਹੇ ਹਨ। ਮੁਕਤੀ ਦੀ ਸਾਰੀ ਪ੍ਰਕਿਰਿਆ ਸਰਵ ਸ਼ਕਤੀਮਾਨ ਦੁਆਰਾ ਨਿਰਦੇਸ਼ਤ ਕੀਤੀ ਜਾ ਰਹੀ ਹੈ।

(ਤਾਂ, ਸਾਰੇ ਇਤਿਹਾਸ ਦੌਰਾਨ, ਕੁਝ ਮਹੱਤਵਪੂਰਨ ਪਲਾਂ 'ਤੇ, ਇੱਕ ਆਤਮਾ ਵੱਖ-ਵੱਖ ਰੂਪਾਂ ਵਿੱਚ ਦੁਨੀਆਂ ਵਿੱਚ ਆਈ ਜਿਸਨੇ ਕਿਸੇ ਕਿਸਮ ਦੀ ਗੰਭੀਰ ਤਬਦੀਲੀ ਲਿਆਂਦੀ?)

ਖੈਰ, ਮਸੀਹ ਅਸਲ ਵਿੱਚ ਹੁਣ ਵੀ ਅਵਤਾਰ ਧਾਰਨ ਕਰ ਰਿਹਾ ਹੈ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਹੈ।

ਇਹ ਬ੍ਰਹਮ ਦਖਲ ਸਾਡੇ ਸਭ ਤੋਂ ਪਿਆਰੇ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਦਾ ਰੂਪ ਲੈਂਦਾ ਹੈ, ਜਿਨ੍ਹਾਂ ਨੇ ਜੁਲਾਈ 2024 ਵਿੱਚ ਸੁਪਰੀਮ ਮਾਸਟਰ ਟੈਲੀਵਿਜ਼ਨ 'ਤੇ ਆਪਣੀ ਅਸਲ ਪਛਾਣ ਅਤੇ ਮਿਸ਼ਨ ਪ੍ਰਗਟ ਕੀਤਾ।

ਅਤੇ ਮੈਂ ਤੁਹਾਨੂੰ ਹੁਣ ਦੱਸ ਰਹੀ ਹਾਂ: ਮੈਂ ਇੱਕ ਬੁੱਧ ਹਾਂ। ਜੇ ਮੈਂ ਕੱਲ੍ਹ ਮਰ ਜਾਵਾਂ ਤਾਂ। ਅਤੇ ਮੈਂ ਮਨੁੱਖੀ ਆਫ਼ਤ ਦੇ ਇਸ ਸਮੇਂ ਲਈ ਇੱਕ ਬਹੁਤ ਹੀ ਖਾਸ ਬੁੱਧ ਹਾਂ। ਮੰਨੋ ਜਾਂ ਨਾ ਮੰਨੋ; ਇਹ ਤੁਹਾਡੇ 'ਤੇ ਨਿਰਭਰ ਕਰਦਾ ਹੈ। ਮੈਂ ਸਰਬਸ਼ਕਤੀਮਾਨ ਪ੍ਰਮਾਤਮਾ ਦੇ ਸਾਹਮਣੇ, ਜਾਂ ਪੂਰੇ ਬ੍ਰਹਿਮੰਡ ਦੇ ਸਾਰੇ ਸੰਤਾਂ ਅਤੇ ਰਿਸ਼ੀਆਂ ਦੇ ਸਾਹਮਣੇ ਝੂਠ ਬੋਲਣ ਦੀ ਹਿੰਮਤ ਨਹੀਂ ਕਰਦੀ।

ਮੈਂ ਉਹ ਮੈਤ੍ਰੇਯ ਬੁੱਧ ਹਾਂ ਜਿਸਦੀ ਤੁਸੀਂ ਉਡੀਕ ਕਰ ਰਹੇ ਸੀ। ਮੈਂ ਯਿਸੂ ਵੀ ਹਾਂ, ਜਾਂ ਉਹ ਮਸੀਹਾ ਜਿਸਦੀ ਤੁਸੀਂ ਉਡੀਕ ਕਰ ਰਹੇ ਹੋ। ਮੈਂ ਇਹ ਇੱਕ ਵਾਰ ਅਤੇ ਹਮੇਸ਼ਾ ਲਈ ਕਹਿੰਦੀ ਹਾਂ। ਪ੍ਰਮਾਤਮਾ ਚਾਹੁੰਦਾ ਹੈ ਕਿ ਮੈਂ ਤੁਹਾਨੂੰ ਇਹ ਦੱਸਾਂ! ਇਸ ਲਈ ਹੁਣ ਉਡੀਕ ਕਰਨ ਵਿੱਚ ਆਪਣਾ ਕੀਮਤੀ ਸਮਾਂ ਬਰਬਾਦ ਨਾ ਕਰੋ। ਬਸ ਨੈਤਿਕ ਤੌਰ 'ਤੇ ਚੰਗੇ ਬਣੋ, ਪ੍ਰਮਾਤਮਾ ਦੀ ਉਸਤਤ ਕਰੋ ਜੋ ਤੁਹਾਨੂੰ ਪਿਆਰ ਕਰਦਾ ਹੈ ਅਤੇ ਤੁਹਾਨੂੰ ਉੱਚਾ ਚੁੱਕਦਾ ਹੈ। ਸਾਰੇ ਗੁਰੂਆਂ, ਬੁੱਧਾਂ ਦਾ ਧੰਨਵਾਦ ਕਰੋ, ਤੁਹਾਨੂੰ ਜੋ ਕੁਝ ਦਿੱਤਾ ਗਿਆ ਹੈ। ਅਤੇ ਜੇ ਤੁਸੀਂ ਮੰਗੋ ਤਾਂ ਹੋਰ ਵੀ। ਆਪਣੀ ਮੁਕਤੀ ਲਈ ਧੰਨਵਾਦ ਕਰੋ।

ਪਹਿਲਾਂ, ਕਈ ਮੌਕਿਆਂ 'ਤੇ, ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਹੋਰਾਂ ਨੇ ਸਾਡੇ ਐਸੋਸੀਏਸ਼ਨ ਦੇ ਮੈਂਬਰਾਂ ਨੂੰ ਸਮਝਾਇਆ ਕਿ ਉਹ ਇਸ ਸਮੇਂ ਅਸਾਧਾਰਨ ਪ੍ਰਮਾਤਮਾ ਸ਼ਕਤੀ ਨਾਲ ਧਰਤੀ 'ਤੇ ਕਿਉਂ ਆਏ ਹਨ।

ਅਸਲ ਵਿਚ, ਮੈਂ ਇੱਕ ਗੁਰੂ ਨਹੀਂ ਹਾਂ। ਇਹ ਮੇਰਾ ਕੰਮ ਨਹੀਂ ਹੈ। ਮੈਂ ਗ੍ਰਹਿ ਦੀ ਮੁਰੰਮਤ ਕਰਨ ਆਈ ਹਾਂ। ਵੈਸੇ, ਮੈਂ ਤੁਹਾਨੂੰ ਘਰ ਜਾਣ ਲਈ ਇੱਕ ਲਿਫਟ ਦਿੰਦੀ ਹਾਂ ਕਿਉਂਕਿ ਮੈਂ ਉੱਥੇ ਜਾ ਰਹੀ ਹਾਂ।

(ਸਤਿਗੁਰੂ ਜੀ, ਕੀ ਤੁਸੀਂ ਕਦੇ ਆਪਣੇ ਪਿਛਲੇ ਜਾਂ ਅਤੀਤ ਦੇ ਜਨਮਾਂ ਵਿੱਚ ਇਹਨਾਂ ਪੱਧਰਾਂ 'ਤੇ ਪਹੁੰਚੇ ਹੋ?) ਛੋਟੇ, ਹਾਂਜੀ ਹੇਠਲਾ ਪੱਧਰ, ਪਰ ਉਹ ਨਹੀਂ ਜੋ ਹੁਣ ਮੇਰੇ ਕੋਲ ਹੈ। ਉਦਾਹਰਣ ਵਜੋਂ, ਬ੍ਰਹਿਮੰਡ ਦੇ ਪੱਧਰ ਦੀ ਮੁਰੰਮਤ, ਮੈਂ ਉਸ ਤੱਕ ਨਹੀਂ ਪਹੁੰਚੀ ਸੀ। ਕਿਉਂਕਿ ਸਾਨੂੰ ਇਸਦੀ ਲੋੜ ਨਹੀਂ ਸੀ।

(ਸਤਿਗੁਰੂ ਜੀ, ਤੁਸੀਂ ਇਸ ਜੀਵਨ ਕਾਲ ਵਿੱਚ ਇਨ੍ਹਾਂ ਪੱਧਰਾਂ ਤੱਕ ਕਿਵੇਂ ਪਹੁੰਚਣ ਦੇ ਯੋਗ ਹੋਏ ਹੋਂ?) ਮੈਂ ਤੁਹਾਨੂੰ ਦੱਸਿਆ ਸੀ, ਤੀਬਰ ਮੈਡੀਟੇਸ਼ਨ ਦੇ ਕਾਰਨ। ਕਿਉਂਕਿ ਦੁਨੀਆਂ ਇੰਨੀ ਇੱਕ ਹਫੜਾ-ਦਫੜੀ ਵਿੱਚ ਹੈ, ਅਤੇ ਬ੍ਰਹਿਮੰਡ, ਇਸਨੂੰ ਕਦੇ-ਕਦੇ ਠੀਕ ਕਰਨ ਦੀ ਲੋੜ ਹੈ। (ਸਮਝੇ, ਸਤਿਗੁਰੂ ਜੀ।) ਬ੍ਰਹਿਮੰਡ ਨੂੰ ਠੀਕ ਕਰਨ ਦੀ ਲੋੜ ਹੈ। ਸਿਰਫ਼ ਭੌਤਿਕ ਹੀ ਨਹੀਂ ਸਗੋਂ ਸੂਖਮ ਵੀ। ਨਹੀਂ ਤਾਂ, ਉਹ ਇੱਕ ਦੂਜੇ ਨੂੰ ਪ੍ਰਭਾਵਿਤ ਕਰਦੇ ਹਨ।

ਤੁਸੀਂ ਜਾਣਦੇ ਹੋ, ਹੁਣ ਮੈਂ ਸਚਮੁਚ ਆਪਣੇ ਸਮੇਂ ਦੀ ਬਹੁਤ ਕਦਰ ਕਰਦੀ ਹਾਂ। ਮੈਨੂੰ ਨਹੀਂ ਪਤਾ ਕਿ ਮੈਂ ਇਸਨੂੰ ਮੈਡੀਟੇਸ਼ਨ ਅਤੇ ਬ੍ਰਹਿਮੰਡ ਵਿੱਚ ਖੋਜ ਕਰਨ ਤੋਂ ਇਲਾਵਾ ਕਿਸੇ ਹੋਰ ਚੀਜ਼ 'ਤੇ ਖਰਚ ਕਰ ਸਕਦੀ ਹਾਂ ਤਾਂ ਜੋ ਹੁਣ ਪੂਰੇ ਬ੍ਰਹਿਮੰਡ ਦੀ ਮਦਦ ਕਰਨ ਲਈ ਸਾਰੀ ਚੰਗਿਆਈ ਅਤੇ ਸ਼ਕਤੀ ਲੱਭੀ ਜਾ ਸਕੇ। ਇਹ ਹੁਣ ਸਿਰਫ਼ ਦੁਨੀਆਂ ਨਹੀਂ ਰਹੀ। ਸਿਰਫ਼ ਇਹ ਸੰਸਾਰ ਹੀ ਨਹੀਂ, ਸਗੋਂ ਬਹੁਤ ਸਾਰੇ ਸੰਸਾਰ ਅਤੇ ਬ੍ਰਹਿਮੰਡ। ਚੀਜ਼ਾਂ ਦੀ ਮੁਰੰਮਤ ਕਰਨ ਲਈ, ਕਿਉਂਕਿ ਇਹ ਸਭ ਠੀਕ ਨਹੀਂ ਹੈ। ਕਿਉਂਕਿ ਭੌਤਿਕ ਬ੍ਰਹਿਮੰਡ, ਧਰਤੀ ਅਤੇ ਗ੍ਰਹਿ ਪੰਜਵੇਂ ਨਾਲੋਂ ਇੱਕ ਹੇਠਲੇ ਪੱਧਰ ਦੀ ਰਚਨਾਤਮਕ ਸ਼ਕਤੀ ਦੁਆਰਾ ਕੀਤੇ ਜਾਂਦੇ ਹਨ, ਅਤੇ ਇਹ ਸੰਪੂਰਨ ਨਹੀਂ ਹੈ। ਇਸੇ ਕਰਕੇ ਅਜਿਹੀਆਂ ਚੀਜ਼ਾਂ ਵਾਪਰਦੀਆਂ ਹਨ ਜੋ ਬਹੁਤ ਮੰਦਭਾਗੀਆਂ ਹੁੰਦੀਆਂ ਹਨ, ਅਤੇ ਜੰਗ ਅਤੇ ਉਹ ਸਭ ਕੁਝ, ਅਤੇ ਲੋਕਾਂ ਦੇ ਮਨ ਬਹੁਤ ਸਪੱਸ਼ਟ ਨਹੀਂ ਹੁੰਦੇ। ਇਸ ਲਈ ਸਾਨੂੰ ਇਸਦੀ ਮੁਰੰਮਤ ਕਰਨੀ ਪਵੇਗੀ।

ਸਰਬਸ਼ਕਤੀਮਾਨ ਪ੍ਰਮਾਤਮਾ ਬੁਨਿਆਦ ਤੋਂ ਸ਼ੁਰੂ ਕਰਕੇ ਬ੍ਰਹਿਮੰਡ ਦੀ ਇੱਕ ਪੂਰੀ ਸਫਾਈ ਅਤੇ ਪੁਨਰਗਠਨ ਕਰੇਗਾ। ਇਸ ਪ੍ਰਕਿਰਿਆ ਦੀ ਭਵਿੱਖਬਾਣੀ ਜਾਪਾਨੀ ਪੈਗੰਬਰ ਟੇਨਮੇਈ ਓਕਾਮੋਟੋ (ਸ਼ਾਕਾਹਾਰੀ) ਦੁਆਰਾ ਕੀਤੀ ਗਈ ਹੈ।

"ਪੁਨਰ ਨਿਰਮਾਣ ਆਖਰਕਾਰ ਚੱਲ ਰਿਹਾ ਹੈ, ਅਤੇ ਮੈਂ ਦੇਵਤਿਆਂ ਦੇ ਮੂਲ ਯੁੱਗ ਨਾਲੋਂ ਇੱਕ ਹੋਰ ਸ਼ਾਨਦਾਰ ਯੁੱਗ ਦਾ ਨਿਰਮਾਣ ਕਰਾਂਗਾ, ਇਸ ਲਈ ਇਹ ਕਾਫ਼ੀ ਇੱਕ ਵਡਾ ਕੰਮ ਹੋਵੇਗਾ। ਇਹ ਸੰਪੂਰਨ ਪੁਨਰ ਨਿਰਮਾਣ ਆਉਣ-ਵਾਲੀਆਂ ਪੀੜ੍ਹੀਆਂ ਤੱਕ ਚੱਲੇਗਾ। ਜਦੋਂ ਤੱਕ ਪੁਨਰ ਨਿਰਮਾਣ ਨੀਂਹ ਤੋਂ ਨਹੀਂ ਕੀਤਾ ਜਾਂਦਾ, ਇਹ ਕੰਮ ਨਹੀਂ ਕਰੇਗਾ। ਕੀ ਤੁਹਾਨੂੰ ਕਾਰਨ ਨਜ਼ਰ ਨਹੀਂ ਆਉਂਦਾ?" 16 ਫਰਵਰੀ, 1946

ਇਸ ਯਾਦਗਾਰੀ ਵਿਸ਼ਵਵਿਆਪੀ ਪੁਨਰਗਠਨ ਪ੍ਰਕਿਰਿਆ ਦੇ ਸਮੇਂ ਅਤੇ ਮੌਜੂਦਾ ਪ੍ਰਗਤੀ ਬਾਰੇ, ਡਾ. ਕਲਾਈਕੋਵ ਨੇ ਆਪਣੀਆਂ ਸੂਝਾਂ ਸਾਂਝੀਆਂ ਕੀਤੀਆਂ।

ਇਸ ਸੰਸਾਰ ਨੂੰ ਤਬਾਹ ਕਰਨ ਦੀ ਉਹ ਪ੍ਰਕਿਰਿਆ, ਜੋ ਇੱਕ ਬਹੁਤ ਲੰਮਾਂ ਸਮਾਂ ਪਹਿਲਾਂ ਸ਼ੁਰੂ ਹੋਈ ਸੀ - ਲਗਭਗ 20 ਸਾਲ ਪਹਿਲਾਂ - ਸ਼ੁਰੂ ਵਿੱਚ ਮਾਨਸਿਕ ਪੱਧਰ 'ਤੇ ਹੋਈ ਸੀ, ਅਤੇ ਫਿਰ ਇਹ ਸਭ ਸੂਖਮ, ਐਸਟਰਲ ਪੱਧਰ 'ਤੇ ਚਲੀ ਗਈ। ਵਾਪਸੀ ਦੀ ਕੋਈ ਸੰਭਾਵਨਾ-ਨਾ-ਹੋਣ ਵਾਲੀ ਸਥਿਤੀ ਦੇ ਲੰਘਣ ਤੋਂ ਬਾਅਦ - ਅਤੇ ਉਹ 2011 ਵਿੱਚ ਸੀ - ਭੌਤਿਕ ਪੱਧਰ 'ਤੇ ਤਬਦੀਲੀ ਦੇ ਸਪੱਸ਼ਟ ਸੰਕੇਤ ਦਿਖਾਈ ਦਿੱਤੇ। ਇਸ ਤੋਂ ਇਲਾਵਾ, ਇਹ ਬਦਲਾਅ ਸਿਰਫ਼ ਧਰਤੀ 'ਤੇ ਹੀ ਨਹੀਂ - ਸਗੋਂ ਪੂਰੇ ਬ੍ਰਹਿਮੰਡ ਵਿੱਚ ਪ੍ਰਗਟ ਹੋਏ, ਕਿਉਂਕਿ ਜਿਸ ਗੱਲਬਾਤ ਵਿੱਚ ਅਸੀਂ ਇਸ ਸਮੇਂ ਹਿੱਸਾ ਲੈ ਰਹੇ ਹਾਂ ਉਹ ਪੂਰੇ ਬ੍ਰਹਿਮੰਡ ਬਾਰੇ ਇੱਕ ਗੱਲਬਾਤ ਹੈ। ਅਤੇ ਮੈਂ ਕਹਾਂਗਾ, ਸੂਰਜੀ ਮੰਡਲ ਵਿੱਚ ਵਾਪਰ ਰਹੀਆਂ ਘਟਨਾਵਾਂ - ਹਾਂਜੀ, ਉਹ ਦਰਸਾਉਂਦੀਆਂ ਹਨ ਕਿ ਸਭ ਕੁਝ ਇੱਕ ਲੰਬੇ ਸਮੇਂ ਤੋਂ ਰੁਕਣ ਤੋਂ ਬਾਅਦ ਅੱਗੇ ਵਧਣਾ ਸ਼ੁਰੂ ਹੋ ਗਿਆ ਹੈ, ਅਤੇ ਹੁਣ ਇੱਕ ਲਗਾਤਾਰ ਵਧਦੀ ਗਤੀ ਨਾਲ ਅੱਗੇ ਵਧ ਰਿਹਾ ਹੈ। ਇਹ ਹੈ ਜੋ ਹੋ ਰਿਹਾ ਹੈ।

ਜਿਵੇਂ ਕਿ ਧਰਤੀ 'ਤੇ ਚੀਜ਼ਾਂ ਤੇਜ਼ੀ ਨਾਲ ਵਧ ਰਹੀਆਂ ਹਨ, ਡਾ. ਲੇਵ ਕਲਾਈਕੋਵ ਦੇ ਅਨੁਸਾਰ 2026 ਅਤੇ 2027 ਵਿੱਚ ਕੀ ਹੋਵੇਗਾ? ਅਸੀਂ ਅਗਲੇ ਐਪੀਸੋਡ ਵਿੱਚ ਪਤਾ ਲਗਾਵਾਂਗੇ।