ਵਿਸਤਾਰ
ਡਾਓਨਲੋਡ Docx
ਹੋਰ ਪੜੋ
ਇਸ ਐਪੀਸੋਡ ਵਿੱਚ ਪਰਮ ਸਤਿਗੁਰੂ ਚਿੰਗ ਹਾਈ ਜੀ ਸਮਝਾਉਂਦੇ ਹਨ ਕਿ ਜਦੋਂ ਸਾਨੂੰ ਤੁਰੰਤ ਗਿਆਨ ਪ੍ਰਾਪਤ ਹੁੰਦਾ ਹੈ, ਤਾਂ ਅਸੀਂ ਅੰਦਰੂਨੀ ਸਵਰਗੀ ਪ੍ਰਕਾਸ਼ ਨੂੰ ਵੇਖਦੇ ਹਾਂ ਅਤੇ ਪ੍ਰਮਾਤਮਾ ਨਾਲ ਦੁਬਾਰਾ ਜੁੜ ਜਾਂਦੇ ਹਾਂ। ਸਤਿਗੁਰੂ ਸਾਡੇ ਸਥਿਰ ਕਰਮ ਨੂੰ ਸੋਧਦਾ ਹੈ ਤਾਂ ਜੋ ਸਾਨੂੰ ਦੁਬਾਰਾ ਇਸ ਜੀਵਨ ਵਿੱਚ ਵਾਪਸ ਨਾ ਆਉਣਾ ਪਵੇ, ਅਤੇ ਸਿਰਫ਼ ਇੱਕ ਜੀਵਤ ਸਤਿਗੁਰੂ ਹੀ ਪ੍ਰਮਾਤਮਾ ਤੋਂ ਇਹ ਕਿਰਪਾ ਪ੍ਰਦਾਨ ਕਰ ਸਕਦਾ ਹੈ।ਅੰਦਰਲੀ ਆਤਮਾ ਸਰਬ-ਗਿਆਤਾ ਹੈ। ਜਦੋਂ ਉਹ ਜਾਗਣਾ ਚਾਹੁੰਦਾ ਹੈ, ਉਹ ਸਭ ਕੁਝ ਸਮਝਦਾ ਹੈ; ਤੁਸੀਂ ਪ੍ਰਮਾਤਮਾ ਕੋਲ ਵਾਪਸ ਜਾਣ ਲਈ ਸਭ ਕੁਝ ਕਰੋਗੇ। ਪਰ ਸਿਰਫ਼ ਉਦੋਂ ਜਦੋਂ ਆਤਮਾ ਤਿਆਰ ਰਹਿਣ ਦੀ ਚੋਣ ਕਰਦੀ ਹੈ।“ਮੈਨੂੰ ਲੱਗਦਾ ਹੈ ਕਿ ਇਹ ਜੀਵ ਪ੍ਰਮਾਤਮਾ ਦੁਆਰਾ ਭੇਜਿਆ ਗਿਆ ਹੈ। ਸਭ ਕੁਝ ਉਨਾਂ ਦੇ ਦਿਲ ਤੋਂ ਆਉਂਦਾ ਹੈ ਉਨਾਂ ਨੂੰ ਇਸਨੂੰ ਪੜ੍ਹਨ ਤੋਂ ਬਿਨਾਂ, ਕਿਉਂਕਿ ਇਹ ਸਭ ਕੁਝ ਉਨ੍ਹਾਂ ਦੇ ਦਿਲ ਵਿੱਚ ਲਿਖਿਆ ਹੋਇਆ ਹੈ। ਪ੍ਰਮਾਤਮਾ ਉਨ੍ਹਾਂ ਨੂੰ ਅਸੀਸ ਦੇਵੇ ਅਤੇ ਉਨ੍ਹਾਂ ਦੀ ਰੱਖਿਆ ਕਰੇ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ।”) (“ਮੈਨੂੰ ਲੱਗਦਾ ਹੈ ਕਿ ਇਹ ਜੀਵ ਪ੍ਰਮਾਤਮਾ ਦੁਆਰਾ ਭੇਜਿਆ ਗਿਆ ਹੈ।”) ਜੀਵ? ਕਿਹੜਾ? (ਤੁਸੀਂ। ਤੁਸੀਂ। (ਓਹ।) ਕਿ ਤੁਹਾਨੂੰ ਪ੍ਰਮਾਤਮਾ ਦੁਆਰਾ ਭੇਜਿਆ ਗਿਆ ਹੈ।) (“ਕਿ ਤੁਸੀਂ ਜੋ ਵੀ ਕਹਿੰਦੇ ਹੋ ਉਹ ਦਿਲੋਂ ਆਉਂਦਾ ਹੈ। ਅਤੇ ਇਹ ਬਿਨਾਂ ਪੜਨ ਦੇ ਹੈ ਕਿਉਂਕਿ ਸਭ ਕੁਝ ਤੁਹਾਡੇ ਦਿਲ ਵਿੱਚ ਲਿਖਿਆ ਹੋਇਆ ਹੈ, ਅਤੇ ਪ੍ਰਮਾਤਮਾ ਤੁਹਾਨੂੰ ਅਸੀਸ ਦੇਵੇ ਅਤੇ ਤੁਹਾਡੀ ਰੱਖਿਆ ਕਰੇ। ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ”।") ਤੁਹਾਡਾ ਧੰਨਵਾਦ। ਪ੍ਰਮਾਤਮਾ ਤੁਹਾਨੂੰ ਹੋਰ ਅਸੀਸ ਦੇਵੇ। ਪ੍ਰਮਾਤਮਾ ਤੁਹਾਨੂੰ ਹੋਰ ਵੀ ਪਿਆਰ ਕਰਦਾ ਹੈ।“ਮੈਂ ਕਲਪਨਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ, ਪਰ ਮੈਂ ਇਹ ਨਹੀਂ ਕਰ ਸਕਦੀ। ਕੀ ਸਿੱਖਣ ਲਈ ਕੋਈ ਤਕਨੀਕਾਂ ਹਨ?”) (“ਮੈਂ ਕਲਪਨਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹਾਂ, ਪਰ ਮੈਂ ਇਹ ਨਹੀਂ ਕਰ ਪਾ ਰਹੀ । ਕੀ ਕੋਈ ਤਕਨੀਕਾਂ ਹਨ ਜੋ ਮੈਂ ਸਿੱਖ ਸਕਦੀ ਹਾਂ?”) ਹਾਂਜੀ। ਸਾਡੀ ਤਕਨੀਕ ਅਜ਼ਮਾਓ। ਕਲਪਨਾ ਕਰਨ ਦੀ ਕੋਈ ਲੋੜ ਨਹੀਂ ਹੈ। ਪ੍ਰਮਾਤਮਾ ਆਪਣੇ ਆਪ ਹੀ ਆ ਜਾਂਦਾ ਹੈ। ਪ੍ਰਮਾਤਮਾ ਸਾਡੀ ਕਲਪਨਾ ਨਹੀਂ ਹੈ, ਇਸ ਲਈ ਸਾਨੂੰ ਉਨਾਂ ਦੀ ਵਿਅਕਤ ਕਰਨ ਜਾਂ ਉਨਾਂ ਦੀ ਕਲਪਨਾ ਕਰਨ ਦੀ ਜ਼ਰੂਰਤ ਨਹੀਂ ਹੈ। ਉਹ ਉੱਥੇ ਹੈ। ਸਾਨੂੰ ਸਿਰਫ਼ ਇਹ ਜਾਣਨਾ ਹੋਵੇਗਾ ਕਿ ਕਿੱਥੇ ਦੇਖਣਾ ਹੈ।("ਵਿਹਾਰਕ ਰੂਪ ਵਿੱਚ, ਤੁਰੰਤ ਗਿਆਨ ਦਾ ਕੀ ਅਰਥ ਹੈ, ਅਤੇ ਇਹ ਕਿਵੇਂ ਪ੍ਰਾਪਤ ਹੁੰਦਾ ਹੈ?") (“ਵਿਹਾਰਕ ਰੂਪ ਵਿੱਚ, ਤੁਰੰਤ ਗਿਆਨ ਦਾ ਕੀ ਅਰਥ ਹੈ, ਅਤੇ ਅਸੀਂ ਇਸਨੂੰ ਕਿਵੇਂ ਪ੍ਰਾਪਤ ਕਰ ਸਕਦੇ ਹਾਂ?”) ਹਾਂਜੀ। ਤੁਰੰਤ ਗਿਆਨ ਪ੍ਰਾਪਤ ਕਰਨ ਦਾ ਮਤਲਬ ਹੈ ਕਿ ਤੁਸੀਂ ਤੁਰੰਤ ਗਿਆਨ ਪ੍ਰਾਪਤ ਕਰ ਸਕਦੇ ਹੋ। ਜਿਸ ਪਲ ਤੁਸੀਂ ਉੱਥੇ ਬੈਠਦੇ ਹੋ ਅਤੇ ਕਹਿੰਦੇ ਹੋ, "ਠੀਕ ਹੈ, ਮੈਨੂੰ ਇਹ ਚਾਹੀਦਾ ਹੈ।" ਮੈਂ ਤੁਹਾਨੂੰ ਦਿਖਾਵਾਂਗੀ ਕਿ ਕਿਵੇਂ, ਅਤੇ ਤੁਸੀਂ ਤੁਰੰਤ ਪ੍ਰਮਾਤਮਾ ਨੂੰ ਦੇਖੋਗੇ। ਅਤੇ ਇਹੀ ਗਿਆਨ ਪ੍ਰਾਪਤੀ ਦਾ ਅਰਥ ਹੈ - ਇਸਦਾ ਅਰਥ ਹੈ ਕਿ ਤੁਸੀਂ (ਅੰਦਰੂਨੀ ਸਵਰਗੀ) ਰੌਸ਼ਨੀ ਨੂੰ ਦੇਖਦੇ ਹੋ। ਅੰਦਰੂਨੀ (ਸਵਰਗੀ) ਰੌਸ਼ਨੀ, ਪ੍ਰਮਾਤਮਾ ਦੀ ਰੌਸ਼ਨੀ ਦਾ ਰਾਜ ਚਮਕਦਾਰ ਹੈ। ਇਹ ਇਸ ਰੋਸ਼ਨੀ ਵਰਗਾ ਨਹੀਂ ਹੈ। ਅਤੇ ਤੁਹਾਨੂੰ ਇਸਨੂੰ ਦੇਖਣ ਲਈ ਅੱਖਾਂ ਦੀ ਲੋੜ ਨਹੀਂ ਹੈ।ਗਿਆਨ ਪ੍ਰਾਪਤੀ ਦਾ ਅਰਥ ਹੈ ਗਿਆਨਵਾਨ ਹੋਣਾ - (ਅੰਦਰੂਨੀ ਸਵਰਗੀ) ਰੌਸ਼ਨੀ ਨੂੰ ਵੇਖਣਾ, ਅਤੇ (ਅੰਦਰੂਨੀ ਸਵਰਗੀ) ਰੌਸ਼ਨੀ ਕੇਵਲ ਪ੍ਰਮਾਤਮਾ ਤੋਂ ਆਉਂਦੀ ਹੈ। (ਅੰਦਰੂਨੀ ਸਵਰਗੀ) ਰੌਸ਼ਨੀ ਹਨੇਰੇ ਤੋਂ ਨਹੀਂ ਆ ਸਕਦੀ, ਜੋ ਕਿ ਹਨੇਰੀ ਸ਼ਕਤੀ ਹੈ। ਇਸ ਲਈ (ਅੰਦਰੂਨੀ ਸਵਰਗੀ) ਰੌਸ਼ਨੀ ਦਾ ਅਰਥ ਪ੍ਰਮਾਤਮਾ ਹੈ । ਅਤੇ ਜਦੋਂ ਤੁਸੀਂ (ਅੰਦਰੂਨੀ ਸਵਰਗੀ) ਰੌਸ਼ਨੀ ਨੂੰ ਤੁਰੰਤ ਦੇਖਦੇ ਹੋ, ਤਾਂ ਉਸੇ ਪਲ, ਤੁਸੀਂ ਗਿਆਨਵਾਨ ਹੋ ਜਾਂਦੇ ਹੋ, ਤੁਸੀਂ ਪ੍ਰਮਾਤਮਾ ਦੇ ਸੰਪਰਕ ਵਿੱਚ ਹੁੰਦੇ ਹੋ। ਕਿਉਂਕਿ ਪ੍ਰਮਾਤਮਾ ਸਾਡੇ ਅੰਦਰ ਹੈ, ਅਤੇ ਪ੍ਰਮਾਤਮਾ ਦਾ ਸਾਰ ਰੌਸ਼ਨੀ ਹੈ, ਸੰਗੀਤ ਹੈ, ਮਹਿਮਾ ਹੈ। ਇਸ ਲਈ ਇਸਨੂੰ ਦੇਖਣਾ ਬਹੁਤ ਸੌਖਾ ਹੈ, ਕਿਉਂਕਿ ਪ੍ਰਮਾਤਮਾ ਸਾਡੇ ਅੰਦਰ ਹੈ। ਇਸੇ ਲਈ ਅਸੀਂ ਇਸਨੂੰ ਤੁਰੰਤ ਦੇਖ ਸਕਦੇ ਹਾਂ। ਲੈਕਚਰ ਤੋਂ ਬਾਅਦ, ਮੈਂ ਤੁਹਾਨੂੰ ਦਿਖਾਵਾਂਗੀ ਕਿ ਕਿਵੇਂ।("ਪਿਆਰੇ [ਪਰਮ] ਸਤਿਗੁਰੂ ਚਿੰਗ ਹਾਈ ਜੀ, ਕੀ ਕਿਸਮਤ ਵਰਗੀ ਕੋਈ ਇੱਕ ਚੀਜ਼ ਹੈ? ਕੀ ਹਰ ਵਿਅਕਤੀ ਕੋਲ ਪਹਿਲਾਂ ਹੀ ਇੱਕ ਮਾਰਗ ਹੈ ਜੋ ਪ੍ਰਮਾਤਮਾ ਦੁਆਰਾ ਦਿੱਤਾ ਗਿਆ ਹੈ ਅਤੇ ਪਹਿਲਾਂ ਤੋਂ ਹੀ ਨਿਰਧਾਰਤ ਕੀਤਾ ਗਿਆ ਹੈ? ਜਾਂ ਕੀ ਕਿਸੇ ਨੂੰ ਆਪਣੀ ਕਿਸਮਤ ਆਪ ਲੱਭਣੀ ਚਾਹੀਦੀ ਹੈ? ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ। ਤੁਹਾਡਾ ਧੰਨਵਾਦ।") (“ਪਿਆਰੇ [ਪਰਮ] ਸਤਿਗੁਰੂ ਚਿੰਗ ਹਾਈ ਜੀ, ਕੀ ਕਿਸਮਤ, ਤਕਦੀਰ ਮੌਜੂਦ ਹੈ? ਕੀ ਹਰੇਕ ਮਨੁੱਖ ਕੋਲ ਪਹਿਲਾਂ ਹੀ ਪ੍ਰਮਾਤਮਾ ਦੁਆਰਾ ਦਿੱਤਾ ਗਿਆ ਇੱਕ ਮਾਰਗ ਹੈ, ਜਾਂ ਉਸਨੂੰ ਆਪਣਾ ਰਸਤਾ, ਮਾਰਗ ਖੁਦ ਲੱਭਣਾ ਪੈਂਦਾ ਹੈ? ਮੈਂ ਤੁਹਾਨੂੰ ਪਿਆਰ ਕਰਦੀ ਹਾਂ। ਤੁਹਾਡਾ ਧੰਨਵਾਦ।”) ਮੈਂ ਵੀ ਤੁਹਾਨੂੰ ਪਿਆਰ ਕਰਦੀ ਹਾਂ। ਤੁਹਾਡਾ ਧੰਨਵਾਦ।ਕਿਸਮਤ ਦੋ ਤਰ੍ਹਾਂ ਦੀ ਹੁੰਦੀ ਹੈ। ਇੱਕ ਨੂੰ ਸਥਿਰ ਕਿਸਮਤ ਕਿਹਾ ਜਾਂਦਾ ਹੈ, ਜਿਸਦੀ ਯਾਤਰਾ ਸਾਨੂੰ ਇਸ ਜੀਵਨ ਵਿੱਚ ਕਰਨੀ ਪੈਂਦੀ ਹੈ। ਇੱਕ ਹੋਰ ਨੂੰ ਭਵਿੱਖ ਦੀ ਕਿਸਮਤ ਕਿਹਾ ਜਾਂਦਾ ਹੈ, ਜੋ ਕਿ ਇਸ ਜੀਵਨ ਵਿੱਚ ਸਾਡੇ ਕੀਤੇ ਕੰਮਾਂ ਦਾ ਨਤੀਜਾ ਹੈ - "ਜਿਵੇਂ ਤੁਸੀਂ ਬੀਜੋਗੇ, ਉਸੇ ਤਰ੍ਹਾਂ ਤੁਸੀਂ ਵੱਢੋਗੇ।" ਅਤੇ ਨਾਲ ਹੀ, ਕਈ ਵਾਰ ਪਿਛਲੀਆਂ ਕਾਰਵਾਈਆਂ ਦੇ ਬਚੇ-ਹੋਏ ਹਿੱਸੇ ਜਿਨ੍ਹਾਂ ਨੂੰ ਅਸੀਂ ਠੀਕ ਨਹੀਂ ਕੀਤਾ ਹੁੰਦਾ।ਨਿਸ਼ਚਿਤ ਕਿਸਮਤ, ਹਰ ਕਿਸੇ ਨੂੰ ਗੁਜ਼ਰਨਾ ਪੈਂਦਾ ਹੈ - ਗਿਆਨਵਾਨ ਹੋਵੇ ਜਾਂ ਗਿਆਨਵਾਨ ਨਾ ਹੋਵੇ। ਪਰ ਗਿਆਨਵਾਨ ਵਿਅਕਤੀ ਆਪਣੀ ਕਿਸਮਤ ਨੂੰ ਸੁਚਾਰੂ ਬਣਾ ਸਕਦਾ ਹੈ, ਇਸਨੂੰ ਹੋਰ ਸਹਿਣਯੋਗ, ਸੁਹਾਵਣਾ ਬਣਾ ਸਕਦਾ ਹੈ, ਜਾਂ ਦੁੱਖਾਂ ਦੇ ਆਕਾਰ ਨੂੰ ਘਟਾ ਸਕਦਾ ਹੈ, ਜੇਕਰ ਉਸਨੂੰ ਦੁੱਖ ਝੱਲਣਾ ਪਵੇ। ਅਤੇ ਕਈ ਵਾਰ, ਗਿਆਨਵਾਨ ਵਿਅਕਤੀ ਆਪਣੀ ਕਿਸਮਤ, ਆਪਣੇ ਦੁੱਖ, ਇੱਕ ਸੁਪਨੇ ਵਿੱਚ ਵੀ ਸਹਿ ਸਕਦਾ ਹੈ। ਉਸਨੂੰ ਭੌਤਿਕ ਜੀਵਨ ਵਿੱਚ ਇਸ ਵਿੱਚੋਂ ਨਹੀਂ ਗੁਜ਼ਰਨਾ ਪੈਂਦਾ। ਅਤੇ ਭਵਿੱਖ ਦੀ ਕਿਸਮਤ, ਸਿਰਫ਼ ਵਿਅਕਤੀ ਜਿਹੜਾ ਗਿਆਨਵਾਨ ਨਹੀਂ ਹੈ ਉਸ ਨੂੰ ਹੀ ਝੱਲਣੀ ਪੈਂਦੀ ਹੈ। ਗਿਆਨਵਾਨ ਵਿਅਕਤੀ ਲਈ, ਸਤਿਗੁਰੂ ਸ਼ਕਤੀ ਜਾਂ ਪ੍ਰਮਾਤਮਾ ਦੀ ਕਿਰਪਾ ਦੇਖਭਾਲ ਕਰਦੀ ਹੈ ਅਤੇ ਇਸਨੂੰ ਉਸਦੇ ਰਸਤੇ ਤੋਂ ਮਿਟਾ ਦਿੰਦੀ ਹੈ, ਜਿਵੇਂ ਰਸਤਾ ਸਾਫ਼ ਕਰਨਾ।ਪ੍ਰਮਾਤਮਾ ਨਾਲ ਮੁੜ ਜੁੜਨ ਦੇ ਸਮੇਂ, ਸਤਿਗੁਰੂ ਸ਼ਕਤੀ ਸਥਿਰ ਕਰਮ - ਸਥਿਰ ਕਿਸਮਤ - ਨੂੰ ਸੋਧਦਾ ਹੈ ਅਤੇ ਭਵਿੱਖ ਦੀ ਕਿਸਮਤ ਨੂੰ ਸਾੜ ਦਿੰਦਾ ਹੈ। ਇਸ ਲਈ ਭਰਾਵਾਂ ਜਾਂ ਭੈਣਾਂ ਨੂੰ ਇਸ ਜੀਵਨ ਵਿੱਚ ਵਾਪਸ ਨਹੀਂ ਆਉਣਾ ਪੈਂਦਾ, ਜਾਂ ਉਨ੍ਹਾਂ ਨੂੰ ਉਨਾਂ ਦੀ ਉਡੀਕ ਵਿੱਚ ਉਸ ਦੁੱਖ ਵਿੱਚੋਂ ਨਹੀਂ ਗੁਜ਼ਰਨਾ ਪੈਂਦਾ।("ਇਸ ਤਕਨੀਕ ਅਤੇ ਦੂਜੇ ਅਨੁਭਵੀ ਗੁਰੂਆਂ ਜਿਵੇਂ ਯੋਗਾਨੰਦ, ਸ੍ਰੀ ਚਿਨਮੋਏ, ਅਤੇ ਕਿਰਪਾਲ ਸਿੰਘ ਜੀ ਵਰਗਿਆਂ ਵਿਚਕਾਰ ਕੀ ਅੰਤਰ ਹੈ?") (“ਇਸ ਤਕਨੀਕ ਅਤੇ ਹੋਰ ਅਨੁਭਵੀ, ਗਿਆਨਵਾਨ ਗੁਰੂਆਂ ਵਿਚਕਾਰ ਜਿਵੇਂ ਕਿ ਯੋਗਾਨੰਦ, ਸ੍ਰੀ ਚਿਨਮੋਏ, ਅਤੇ ਕਿਰਪਾਲ ਸਿੰਘ ਜੀ ਵਿੱਚ ਕੀ ਅੰਤਰ ਹੈ?”)ਮੈਨੂੰ ਲੱਗਦਾ ਹੈ ਕਿ ਅਧਿਆਪਕ ਵੱਖਰੇ ਹਨ। ਤੁਸੀਂ ਉਹ ਚੁਣੋ ਜੋ ਤੁਹਾਡੇ ਲਈ ਢੁਕਵਾਂ ਹੋਵੇ। ਉਥੇ ਕੋਈ ਤੁਲਨਾ ਨਹੀਂ ਹੋਣੀ ਚਾਹੀਦੀ। ਪ੍ਰਮਾਤਮਾ ਨੂੰ ਲੱਭਣ ਦੀ ਕੋਈ ਤਕਨੀਕ ਨਹੀਂ ਹੈ। ਉਥੇ ਸਿਰਫ਼ ਪ੍ਰਮਾਤਮਾ ਦੀ ਕਿਰਪਾ ਹੀ ਇੱਕ ਜੀਵਤ ਵਿਅਕਤੀ - ਸਤਿਗੁਰੂ ਦੇ ਅੰਦਰ ਵਗਦੀ ਹੈ। ਜੇਕਰ ਕੋਈ ਇੱਕ ਤਕਨੀਕ ਹੁੰਦੀ - ਇੱਕ ਅਖੌਤੀ ਤਕਨੀਕ - ਤਾਂ ਇਹ ਸਾਰੇ ਧਰਮਾਂ ਦੀਆਂ ਸਾਰੀਆਂ ਬਾਈਬਲਾਂ ਵਿੱਚ ਪਹਿਲਾਂ ਹੀ ਲਿਖੀ ਹੋਈ ਹੁੰਦੀ। ਮਨੁੱਖੀ ਭਾਸ਼ਾ ਵਿੱਚ ਸੰਚਾਰ ਦੀ ਖ਼ਾਤਰ, ਸਾਨੂੰ ਇਸਨੂੰ ਇੱਕ ਤਕਨੀਕ, ਜਾਂ ਇੱਕ ਢੰਗ, ਜਾਂ ਤਰੀਕਾ ਕਹਿਣਾ ਪਵੇਗਾ। ਦਰਅਸਲ, ਅਜਿਹੀ ਕੋਈ ਇੱਕ ਚੀਜ਼ ਨਹੀਂ ਹੈ। ਪ੍ਰਮਾਤਮਾ ਹਮੇਸ਼ਾ ਇੱਕ ਜੀਵਤ ਆਤਮਾ ਰਾਹੀਂ ਆਪਣੇ ਆਪ ਨੂੰ ਸਿਖਾਉਣਾ ਚੁਣਦਾ ਹੈ। ਇਸੇ ਲਈ ਇੱਕ ਜਿਉਂਦੇ ਦੋਸਤ, ਇੱਕ ਜਿਉਂਦੇ ਮਾਰਗਦਰਸ਼ਕ ਦੀ ਇਕ ਜ਼ਰੂਰਤ ਹੈ ਜਿਸਨੂੰ ਇਹ ਫਰਜ਼ ਸੌਂਪਿਆ ਗਿਆ ਹੈ।ਸਾਡੇ ਵਿੱਚੋਂ ਹਰ ਕੋਈ ਇਹ ਫਰਜ਼ ਸਮੇਂ ਸਿਰ ਨਿਭਾ ਸਕਦਾ ਹੈ, ਜਦੋਂ ਅਸੀਂ ਪ੍ਰਮਾਤਮਾ ਨੂੰ ਪੂਰੀ ਤਰ੍ਹਾਂ ਜਾਣਦੇ ਹਾਂ। ਇਸਦੇ ਲਈ, ਹੰਕਾਰ ਨੂੰ ਮਰਨਾ ਪਵੇਗਾ। ਵਿਅਕਤੀਗਤ ਸਵੈ - ਅਸੀਂ ਇਸਨੂੰ ਜੋ ਵੀ ਕਹਿੰਦੇ ਹਾਂ: ਮੈਂ, ਮੈਂ, ਮੇਰਾ” - ਇਹ ਪਹਿਲਾਂ ਜਾਣਾ ਪਵੇਗਾ। ਪਰ ਇਹ ਅਜਿਹਾ ਕਹਿਣ ਨਾਲ ਨਹੀਂ ਜਾਂਦਾ, ਜਾਂ ਸਾਡੀ ਇਹਦੇ ਜਾਣ ਦੀ ਇੱਛਾ ਨਾਲ ਨਹੀਂ ਜਾਂਦਾ। ਇਹ ਪ੍ਰਮਾਤਮਾ ਦੀ ਸਿਖਲਾਈ, ਪ੍ਰਮਾਤਮਾ ਦੀ ਕਿਰਪਾ, ਆਤਮਾ ਦੀ ਸ਼ੁੱਧਤਾ ਰਾਹੀਂ ਜਾਂਦਾ ਹੈ - ਉਹ ਪ੍ਰਕਿਰਿਆ ਜੋ ਉਸ ਵਿਅਕਤੀਗਤ ਆਤਮਾ ਦੇ ਅੰਦਰ ਚੱਲ ਰਹੀ ਹੈ। ਪਰ ਸਾਡੇ ਵਿੱਚੋਂ ਹਰ ਕੋਈ ਇਹ ਕਰ ਸਕਦਾ ਹੈ। ਅਤੇ ਇਸ ਲਈ ਭਾਵੇਂ ਇੱਕ ਤਕਨੀਕ ਵਰਗੀ ਅਜਿਹੀ ਕੋਈ ਚੀਜ਼ ਹੋਵੇ, ਬੇਸ਼ੱਕ, ਵਿਅਕਤੀਆਂ ਵਿਚਕਾਰ ਦੇਣ ਦਾ ਤਰੀਕਾ ਅਤੇ ਅਸੀਸ ਵੱਖ-ਵੱਖ ਹੁੰਦੀ ਹੈ। ਅਤੇ ਤੁਹਾਨੂੰ ਇਹ ਚੁਣਨਾ ਪਵੇਗਾ ਕਿ ਕਿਹੜਾ ਸਿੱਖਿਆ ਮਾਰਗ ਹੈ ਜਾਂ ਕਿਸ ਅਧਿਆਪਕ ਨਾਲ ਤੁਸੀਂ ਮਹਿਸੂਸ ਕਰਦੇ ਹੋ ਤੁਹਾਡੀ ਕੋਲ ਇਕ ਨੇੜਤਾ ਹੈ।ਮੇਰੀ ਜਾਣਕਾਰੀ ਅਨੁਸਾਰ, ਉੱਪਰ-ਦੱਸੇ ਗਏ ਸਾਰੇ ਮਹਾਨ ਅਧਿਆਪਕ ਹਨ। ਮੈਂ ਖੁਸ਼ ਹਾਂ, ਖੁਸ਼ ਹਾਂ, ਖੁਸ਼ ਹਾਂ ਜੇਕਰ ਤੁਸੀਂ ਉਨ੍ਹਾਂ ਵਿੱਚੋਂ ਕਿਸੇ ਨੂੰ ਵੀ ਚੁਣਦੇ ਹੋ - ਭਾਵੇਂ ਮੈਨੂੰ ਨਾ ਚੁਣਦੇ ਹੋਏ ਵੀ, ਉਨ੍ਹਾਂ ਵਿੱਚੋਂ ਕਿਸੇ ਨੂੰ ਵੀ ਚੁਣੋ, ਇਹ ਤੁਹਾਡੇ ਲਈ ਚੰਗਾ ਹੋਵੇਗਾ। ਪਰ ਇਕ ਜੀਉਂਦੇ ਨੂੰ ਚੁਣੋ। ਗੁਰੂ ਚਿਨਮੋਏ ਅਜੇ ਵੀ ਜ਼ਿੰਦਾ ਹਨ, ਪਰ ਬਾਕੀ ਦੋ, ਮੈਨੂੰ ਲੱਗਦਾ ਹੈ, ਉਹ ਪਹਿਲਾਂ ਹੀ ਅਲਵਿਦਾ ਕਹਿ ਚੁੱਕੇ ਹਨ। ਉਹ ਕੁਝ ਹੋਰ ਕਰ ਰਹੇ ਹਨ, ਕਿਤੇ ਹੋਰ। ਸਿਰਫ਼ ਜੀਵਤ ਗੁਰੂ ਹੀ ਤੁਹਾਨੂੰ ਪ੍ਰਮਾਤਮਾ ਦੀ ਇਹ ਕਿਰਪਾ ਦੇ ਸਕਦਾ ਹੈ। ਇਹ ਉਨਾਂ ਦਾ ਕਾਨੂੰਨ ਹੈ।(ਇਹ ਪਹਿਲਾਂ ਅੰਗਰੇਜ਼ੀ ਵਿੱਚ ਹੈ।) ਹਾਂਜੀ, ਪਰ ਤੁਸੀਂ ਇਤਾਲਵੀ ਵਿੱਚ ਅਨੁਵਾਦ ਕਰੋ ਅਤੇ ਫਿਰ ਅੰਗਰੇਜ਼ੀ ਵਿੱਚ। (ਠੀਕ ਹੈ।)(“ਤੁਸੀਂ ਲੋਕਾਂ ਨੂੰ ਸੱਚਾ ਗਿਆਨ ਪ੍ਰਾਪਤ ਕਰਨ ਦਾ ਤਰੀਕਾ ਕਿਵੇਂ ਸਿਖਾਓਗੇ? ਕੀ ਤੁਸੀਂ ਉਨ੍ਹਾਂ ਨੂੰ ਨਿੱਜੀ ਤੌਰ 'ਤੇ ਸਿਖਾਓਗੇ ਜਾਂ ਦੂਜਿਆਂ ਰਾਹੀਂ? ਕੀ ਇੱਥੇ ਕੋਈ ਸਮੂਹ ਹੈ ਜੋ ਕੁਆਨ ਯਿਨ ਵਿਧੀ ਸਿਖਾਉਂਦਾ ਹੈ? ਜਦੋਂ ਤੁਹਾਨੂੰ ਇਹ ਤਰੀਕਾ ਪਤਾ ਲੱਗਾ, ਕੀ ਤੁਸੀਂ ਆਪਣੇ ਪਰਿਵਾਰ ਨਾਲ ਮਿਲ ਕੇ ਇਸਦਾ ਅਧਿਐਨ ਕੀਤਾ ਸੀ? ਕੀ ਤੁਹਾਡੇ ਮਾਪੇ ਧਾਰਮਿਕ ਲੋਕ ਹਨ?”) (ਅਸਲ ਵਿੱਚ, ਇਹ ਸਵਾਲਾਂ ਦਾ ਇੱਕ ਝੁੰਡ ਹੈ।) ਓਹ, ਮੈਨੂੰ ਪਤਾ ਹੈ। ("ਤੁਸੀਂ ਲੋਕਾਂ ਨੂੰ ਅਸਲ (ਅੰਦਰੂਨੀ ਸਵਰਗੀ) ਰੌਸ਼ਨੀ ਤੱਕ ਪਹੁੰਚਣ ਦਾ ਰਸਤਾ ਕਿਵੇਂ ਸਿਖਾਓਗੇ? ਕੀ ਤੁਸੀਂ ਲੋਕਾਂ ਨੂੰ ਨਿੱਜੀ ਤੌਰ 'ਤੇ ਸਿਖਾਓਗੇ ਜਾਂ ਦੂਜੇ ਲੋਕਾਂ ਰਾਹੀਂ? ਕੀ ਰੋਮ ਵਿੱਚ ਕੋਈ ਅਜਿਹਾ ਇੱਕ ਸਮੂਹ ਹੈ ਜੋ ਕੁਆਨ ਯਿਨ ਤਰੀਕਾ ਸਿਖਾਉਂਦਾ ਹੈ? ਤੁਹਾਨੂੰ ਇਹ ਤਰੀਕਾ ਕਦੋਂ ਪਤਾ ਲੱਗਾ? ਕੀ ਤੁਸੀਂ ਇਸਨੂੰ ਆਪਣੇ ਪਰਿਵਾਰ ਨਾਲ ਪੜ੍ਹਿਆ ਹੈ? ਕੀ ਤੁਹਾਡੇ ਮਾਪੇ ਧਾਰਮਿਕ ਹਨ?") ਕਿਰਪਾ ਕਰਕੇ, ਇੱਕ ਛੋਟੀ ਜਿਹੀ ਨਮੂਨਾ ਕਿਤਾਬਚਾ ਹੈ; ਮੇਰਾ "ਗੈਰ-ਮਹੱਤਵਪੂਰਨ" ਡੇਟਾ ਸਭ ਉੱਥੇ ਵਿਚ ਹੀ ਹੈ। ਅਤੇ ਸਾਡੇ ਕੋਲ ਰੋਮ ਵਿੱਚ ਕੁਝ ਸੰਪਰਕ ਵਿਅਕਤੀ ਹਨ। ਅਤੇ ਮੈਂ ਕੁਝ ਸਮੇਂ ਲਈ ਕੁਝ ਭੈਣਾਂ-ਭਰਾਵਾਂ ਨੂੰ ਪਿੱਛੇ ਛੱਡਾਂਗੀ ਜੋ ਇਸ ਵਿਧੀ ਵਿੱਚ ਵਧੇਰੇ ਤਜਰਬੇਕਾਰ ਹਨ, ਤੁਹਾਡੇ ਸਾਰੇ ਸਵਾਲਾਂ ਦੇ ਜਵਾਬ ਦੇਣ ਅਤੇ ਤੁਹਾਨੂੰ ਕੁਝ ਹੋਰ ਬੁਨਿਆਦੀ ਗੱਲਾਂ ਸਿਖਾਉਣ ਲਈ। ਅਤੇ, ਬੇਸ਼ੱਕ, ਮੈਂ ਤੁਹਾਨੂੰ ਨਿੱਜੀ ਤੌਰ 'ਤੇ ਸਿਖਾਉਂਦੀ ਹਾਂ। ਪਰ ਤੁਹਾਨੂੰ ਸਿਰਫ਼ ਇੱਕ ਵਾਰ ਸਿੱਖਣਾ ਪੈਂਦਾ ਹੈ, ਅਤੇ ਤੁਸੀਂ ਇਹ ਹਰ ਰੋਜ਼ ਇਕੱਲੇ ਕਰ ਸਕਦੇ ਹੋ। ਜੇਕਰ ਤੁਹਾਡੇ ਕੋਈ ਸਵਾਲ ਹਨ, ਤਾਂ ਤੁਸੀਂ ਸਾਨੂੰ ਦੁਬਾਰਾ ਪੁੱਛ ਸਕਦੇ ਹੋ।Photo Caption: “ਛੋਟੇ ਊਰਜਾਵਾਨ ਨੌਜਵਾਨ ਜੰਗਲ ਪ੍ਰਾਚੀਨ ਜੰਗਲ ਦੇ ਅੰਦਰ ਵਧਦੇ-ਫੁਲਦੇ"
