Бид хэдий чинээ их үйлчилнэ, төдий чинээ аминч бус болдог. Энэ бол Чин Хайн Өдрийн эцсийн зорилго юм.

Одоо Хятад улсаас Жя-Шуаний илгээсэн сэтгэгдлийг хүргэе:

Хүндэт, Хайрт Их Багш болон Суприм Мастер ТВ-ийн хамт олон, Жил бүрийн 2-р сарын 22-нд тэмдэглэдэг Төгс Гэгээрсэн Их Багш Чин Хайн Өдөр бол үнэхээр ер бусын өдөр билээ. Хоёрдугаар сард болдог Төгс Гэгээрсэн Их Багш Чин Хайн Өдрийн надад авчирсан онцгой ач ивээлийг би хуваалцахыг хүслээ.

1990-ээд онд Их Багш хувраг шавь нараа Хятадад Дээдийн номыг дэлгэрүүлэхээр илгээж, би 2-р сарын 19-нд буюу Төгс Гэгээрсэн Их Багш Чин Хайн Өдрөөс гурав хоногийн өмнө авшиг хүртэх аз тохиосон юм. Тэр үед миний амьдрал ч, ажил ч их мухардалд орсон байлаа. Арьяабалын Арга надад мухардлаас гарахад тусалж, маш олон ид шидийн, гайхалтай туршлагуудыг авчирсан.

2-р сарын 25-нд буюу олон жилийн дараа, Төгс Гэгээрсэн Их Багш Чин Хайн Өдрөөс гурав хоногийн дараа надад дахин нэг том Нигүүлсэл ирсэн. Би өдөр шөнөгүй санасан Төгс Гэгээрсэн Их Багш Чин Хайг анх удаа өөрийн биеэр харж, нандин Бэлгийг хүлээн авсан юм!

2023 оны 2-р сарын 23-ны өдөр, Төгс Гэгээрсэн Их Багш Чин Хайн Өдрөөс нэг өдрийн дараа тэр үед би хагас жил гаруй өвдөж, биеийн байдал дээрдээгүй байсан. Тэр өдөр би эмнэлэгт очиж хяналтын үзлэгт орж, шинэ эмчид үзүүлэхээр болов. Эмч миний эрүүл мэндийн бүртгэлийг уншсаны дараа надад стероид шүршигч хэрэглэх шаардлагагүй, шууд хэрэглэхээ болих боломжтой гэж баттай хэлсэн. Өмнөх эмч надад ийм төрлийн эмийг удаан хугацаагаар хэрэглэхийг зөвлөсөн тул би үүнийг сонсоод их гайхсан. Хэдийгээр миний биеийн байдалд тийм ч их нөлөө үзүүлэхгүй, зарим нэг гаж нөлөө үзүүлж байгаа юм шиг санагдаж байсан ч би өөрөө эмээ зогсоох нь бүү хэл, эргэлзэж байгаагаа ч эмчдээ хэлж зүрхлээгүй.

Гайхалтай нь энэ эмэгтэй эмч гарч ирэнгүүт миний асуудал шийдэгдсэн. Би маш их тайвширч, их баяртай байсан. Баяртай гэж хэлэхэд эмэгтэй эмч над руу алиалан нүд ирмэв. Тэр даруйд би түүний царайд Их Багшийн дүрийг олж харав. Дулаан урсгал гэнэт бүх биеийг минь дүүргэлээ. Хөөх! Их Багш надад түүгээр дамжуулан тусалсан нь тодорхой болсон! Тэр өдөр эргэлтийн цэг болсон. Эмийг зогсоосны дараа миний нөхцөл байдал аажмаар, тасралтгүй сайжирч өөрчлөгдсөн.

Өвчний шавар балчгаас гарахад минь тусалсан Таны хаа сайгүй орших Бурханлаг хүч чадалд баярлалаа, Их Багш аа. Төгс Гэгээрсэн Их Багш Чин Хайн Өдрийн надад авчирсан аз завшаан, Адислалд би гүнээ талархаж байна! Хятад улсаас Жя-Шуань

Мэдрэмжтэй Жя-Шуань, Таны түүх бол жинхэнэ Их Багшийн нигүүлслээр гайхамшгууд тохиолддогийн бас нэгэн амьд жишээ юм. Эдгэрснийг тань сонсоод бид баяртай байна. Танд одоо болон үргэлж эрүүл энх байхыг хүсэн ерөөе. Тэнгэр элч нар таныг болон Хятадын найрсаг ард түмнийг харж хандах болтугай, Суприм Мастер ТВ-ийн баг

Жич: Их Багш гүн гүнзгий бодлоо хуваалцаж байна: “Халамжтай Жя-Шуань, итгэл байгаа газарт найдвар оршдог. Нэг хэсэг металлыг гялалзуулахын тулд өнгөлсөн байх шаардлагатай. Үүний адил бидний дотоод чанар гадагш гэрэлтэхийн тулд заримдаа бэрхшээл зайлшгүй шаардлагатай байдаг. Бид хэдий чинээ их үйлчилнэ, төдий чинээ аминч бус болдог. Энэ бол Чин Хайн Өдрийн эцсийн зорилго юм. Буддагийн удирдамж дор, та болон сүр жавхлант Хятад улс сайн үйлсийн замаар явах болтугай. Та бүхэнд үүрд маш их Хайртай.”