Харанхуйг хөөн зайлуулж, энэ гараг дээрх болон чанагш орших бүх сүнсэнд туслахын тулд бидний Хайрт Их Багш буюу Майдар Бурхан, эргэн ирсэн Есүс Христтэй нэгдэн ажиллаж байгаа маш олон Будда, Бодисадва, Сахиусан тэнгэртэй нэгэн цаг үед амьдарч байгаа нь бидний аз завшаан юм.

Ау Лак буюу Вьетнам улсаас Диу Нгокийн илгээсэн сэтгэлийн үгийг одоо хүргэе:

Эрхэм Хайрт Их Багш болон Суприм Мастер Телевизийн хамт олон, Би дотоод ахуй ойлголтдоо Их Багшийг том цагаан бадамлянхуа дээр сууж байхыг харсан боловч материалыг нь ялгаж чадаагүй. Их Багш бас цагаан хувцас өмссөн байв. Түүний урт, туяарсан алтан үс нь гялтганаж, бадамлянхуа титэм толгойг нь чимэглэсэн байсан. Их Багшийн бүх бие нь гялалзсан Гэрлээр цацарч байв. Будда, Бодисадва, Есүс Христ, Сахиусан тэнгэрүүд Их Багшийн эргэн тойронд цугларахаар янз бүрийн газраас нисэж ирэв. Хэн нь ч үг дуугараагүй боловч бүгд эмх цэгцтэй жагсав. Оршихуй бүр Өөрийн бадамлянхуа дээр зогсох буюу сууж, тэдгээр нь өнгө, материалаар ялгаатай байв. Би алт, цагаан хаш, ногоон хаш, болор, эсвэл алмаз шиг гялалзсан тунгалаг материалаар хийсэн бадамлянхуаг харсан... Би өөрөө ягаан бадамлянхуа дээр суугаад энэ гайхамшигт үзэгдлийг гайхан харж байлаа.

Дараа нь харанхуй болов. Бүх Будда Их Багштай нэгдэн гараа өргөснөөр Гэрлийн хүчирхэг урсгал тэрхүү харанхуйн хүчийг зайлуулсан. Үүний дараа би өөрийгөө дэвшиж байгааг харсан. Миний бадамлянхуа алтан болж, дараа нь алмаазан бадамлянхуа болон хувирсан. Дэлбээ нь тасралтгүй хийсэж нээгдэж, хаагдаж байв. Дэлбээ бүр дээр видео дуудлага хийж байгаа мэт Будда гарч ирэв. Хэдийгээр Тэд үг хэлээгүй ч Тэдний дууг би сонсож байлаа. Эрүүл саруул, аз жаргал, амар амгалангийн гүн гүнзгий мэдрэмж намайг бүрхэв. Надад яг л Сүр жавхлантай, сэтгэл татам цугларалтад оролцсон мэт санагдсан бөгөөд Их Багш домогт гардаг Номын Хүрд Эргүүлэгч Ариун Их хаан буюу Майдар Бурхан байлаа.

Миний гэрт Суприм Мастер Телевиз олон дэлгэцтэй олон төхөөрөмж дээр долоо хоногийн 24 цагаар тоглогддог. Яги хар салхи Ау Лак (Вьетнам)-ийн хойд мужуудыг дайрах үед надад айдас төрөөгүй, зүгээр л тайван хүлээж авсан. Би хоёр долоо хоногт хангалттай хүрэлцэхүйц хүнс бэлдэж, гэр бүлээ хамгаалах зорилгоор Арьяабалын Аргаар бясалгалаа. Нүдээ анимагц алмаазан бадамлянхуа гарч ирээд манай байшинг бүхэлд нь бүрхтэл ургасан. Маргааш өглөө нь гэр бүлийнхэн маань байтугай хөршүүд маань ч эсэн мэнд, эрүүл саруул байхад гадаа моднууд хаа сайгүй уначихсан байхыг би харлаа. Бусад газарт цахилгаан, ус тасарсан ч манай хороололд нөлөөлсөнгүй.

Хүн төрөлхтөн, авшигтнуудыг маань байнга хайрлаж, хамгаалдаг Их Багшдаа чин сэтгэлээсээ талархъя. Хүн төрөлхтөн хурдан сэрж, Таны бүх хүсэл биелэх болтугай. Ау Лак (Вьетнам) улсаас шавь Диу Нгок

Гэрэлт Диу Нгок, Сэтгэлийн үгээ бидэнтэй хуваалцсанд баярлалаа. Хар салхины үеэр та, таны гэр бүл, хөршүүд аюулгүй байсанд бид тун их баяртай байна. Харанхуйг хөөн зайлуулж, энэ гараг дээрх болон чанагш орших бүх сүнсэнд туслахын тулд бидний Хайрт Их Багш буюу Майдар Бурхан, эргэн ирсэн Есүс Христтэй нэгдэн ажиллаж байгаа маш олон Будда, Бодисадва, Сахиусан тэнгэртэй нэгэн цаг үед амьдарч байгаа нь бидний аз завшаан юм. Та болон авьяаслаг аулак (вьетнам)-чууд үргэлж Диваажингийн хамгаалагч гарт байх болтугай, Суприм Мастер ТВ-ийн баг

Жич: Их багш танд дараах хайр дүүрэн хариуг өгч байна: “Чин сэтгэлт Диу Нгọк, дотоод гэгээрсэн зарим ахуй ойлголт, гадаад таатай үр дүнгээр тань баталгаажсанчлан, Итгэлдээ хүчтэй, Арьяабалын аргын хичээнгүй чин сэтгэлт бясалгагч байгаад баярлалаа. Арьяабалын Бясалгалын Аргыг дадуулах бидний итгэлийн хүч, чин зориуллаар Бурхан болон сахиусан тэнгэрүүд биднийг аливаа шуурганаас үргэлж хамгаалж байх болно. Та, таны хайртай хүмүүс ямарваа хор хөнөөлөөс хамгаалагдсанд үнэхээр баяртай байна. Хонгор минь, үргэлжлүүлэн сайн бясалгаж, ийм эгзэгтэй үед энэ дэлхийн энергийг зохицуулахад туслахын тулд манай суваг дээр хуваалцсан бүх хэрэгслийг ашиглаарай. Та болон мартагдашгүй Ау Лак (Вьетнам) улс ямагт хамгаалагдаж, Буддагийн Гэрэлд цэцэглэж байх болтугай. Танд болон найрсаг Ау Лак (Вьетнам)- д Хайраа илгээе."