Түр зуурын дүр төрх нь ямар байхаас үл хамааран бүх оршихуй Бурханлаг Мөн чанартай байдаг. Гэгээнтэн биднийг адислах эсвэл заах зорилгоор ямар нэгэн дүрээр илэрсэн эсэхийг бид хэзээ ч мэдэхгүй тул аливааг үргэлж Тэнгэрлэг нүдээр харах нь хамгийн зөв юм.

Малайзаас Халима-гийн малай хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

Хүндэт Хамгаас Хайрт Их Багш аа, 2026 оны эхээр Их Багшдаа эрүүл энх, мөнхийн амар амгаланг хүндэтгэлтэйгээр хүсэн ерөөе. Бүх төрөлтөн даруй Их Багшийн хязгааргүй Энэрлээр хүрээлэгдэж, веган, энх тайван, эв зохиролт дэлхий рүү тэмүүлэх болтугай.

2-р сарын 9-нд манай баг Пенанг Ашрамд Онцлох мэдээний зураг авалт хийж байх хооронд, бид гэнэтийн зочин хүлээн авсан нь — нэгэн могой-хүн байв. Арьяабалын бясалгалын богинохон завсарлагааны үеэр нэгэн авшигтан ах гэнэт ер бусын зүйл мэдэрч, нүдээ нээв. Тэр могой-хүн манай нүүр будалтын эгч рүү маш ойртож байгааг хараад эгчид урагшлахыг зөөлөн анхааруулав. Могой-хүн сэртхийж, чимээгүйхэн эргэн, ойролцоох майхан руу алга болов. Өмнө нь би могой-хүнээс маш их айдаг байсан. Холоос нэгийг харсан ч гэсэн би цочирдож сандардаг. Гэхдээ энэ удаад, ямар нэгэн зүйл өөр байв. Би тайван байсан. Би бүр ойртож очоод могой-хүнээс чимээгүйхэн зураг авалтаа тайван дуусгахыг бидэнд зөвшөөрөөч гэж гуйсан.

Тэр мөчид, Их Багшийн сургаал миний сэтгэлд тодхон бууж ирэв. Их Багшийн бясалгалын үеэр могой-хүмүүс ойртож очоод, зөөлөн тоглож, бүр Их Багшийн эргэн тойронд “дуулдаг” тухай хуваалцаж байсныг би саналаа. Их Багш бидэнд, могой-хүмүүс, хүмүүсийн боддог шиг хорон муу биш — тэд зөвхөн аюул заналхийлэл мэдэрсэн үедээ л хариу үйлдэл үзүүлдэг гэж хэлсэн. Манай бясалгагч нар мөн ижил төстэй туршлагыг хуваалцсан: бясалгалын үеэр могой-хүмүүстэй тааралдаж, заримдаа бясалгалын дараа ойролцоо чимээгүйхэн амарч байгаа нэгнийг ч харжээ. Хүн төрөлхтөн ба амьтан-хүмүүс хоёулаа тайван, хүндэтгэлтэй уулзах үед байгалийн жамаар амар амгалан салдаг.

Тэр өдөр би айдас минь арилсан гэдгийг үнэхээр ойлгосон. Энэхүү жижигхэн учрал Их Багшийн бидэнд үргэлж заадаг зүйлийг илүү гүнзгий ойлгоход надад тусалсан: айдас нь үл ойлголцлоос, эв найрамдал нь хайраас ирдэг.

Бидний ухамсрыг нээж, хуучин өрөөсгөл ойлголтоос ангижрахад тусалсан Их Багшдаа би гүнээ талархаж байна. Их Багшийнхаа удирдлагаар би хүн төрөлхтөн ба амьтан-хүмүүс бүгд л амар амгалан амьдрахыг хүсдэг гэдгийг мэдэж авлаа. Бид тэдэнд чин сэтгэлээсээ, энэрэнгүй сэтгэлээр хандахад тэд ч мөн адил хариу үзүүлдэг аж. Энэ туршлага надад, сүнслэг төлөвшил өдөр тутмын амьдралаас тусдаа биш гэдгийг санууллаа. Заримдаа өөр оршихуйтай өнгөрөөсөн ганц мөч нь итгэлцэл, сайхан сэтгэл, эв нэгдлийн хүчирхэг хичээл болж чаддаг. Биднийг анхдагч хайрын мөн чанарт маань буцаан чиглүүлсэн Их Багшдаа гүнээ талархаж байна. Таны шавь, Халима, Малайзаас

Нээлттэй Халима, сэтгэлийн үгэнд тань баярлалаа. Их Багш бодолтой хариу өглөө:

“Сэрсэн Халима, Арьяабалын сайн бясалгагч байж, хүлээн авсан сургаалаа өөртөө шингээж байгаад тань баярлалаа. Таны мэдэрсэн ухамсар нь бид оршин тогтнолынхоо үндсэн зорилгыг ойлгох, бүх амьдралын Нэгдмэл байдал болон Бурханлаг чанарыг мэдрэхэд чухал ач холбогдолтой. Түр зуурын дүр төрх нь ямар байхаас үл хамааран бүх оршихуй Бурханлаг Мөн чанартай байдаг. Гэгээнтэн биднийг адислах эсвэл заах зорилгоор ямар нэгэн дүрээр илэрсэн эсэхийг бид хэзээ ч мэдэхгүй тул аливааг үргэлж Тэнгэрлэг нүдээр харах нь хамгийн зөв юм. Веган Дэлхий, Энх тайван Дэлхий удахгүй биелэн цогцолж, ингэснээр хамаг төрөлтөн манай үзэсгэлэнт гараг дээр эв найртай амьдрахын төлөө үргэлжлүүлэн бясалгалаа сайн хийж, залбирсаар байгаарай. Та болон цог жавхлант Малайз улс ямагт Бурханы хайрын Хамгаалал, Ээлд амьдрах болтугай.

Миний мөнхийн Хайр, Халамж үргэлж тантай хамт байдаг.”