Дэлгэрэнгүй
Татаж авах Docx
Дэлгэрэнгүй уншаарай
Энэ дугаарт Төгс Гэгээрсэн Их Багш Чин Хай БУРХАН ба Будда чанарын тухай тайлбарлаж, Бурхан Багш (веган), Эзэн Есүс Христ (цагаан хоолтон)-ийн адил төстэй талыг хэлэлцэн, бид энэ ертөнцийг орхисны дараа юу болдгийг өгүүлсэн юм. (Өмнө нь Танаас асуусан асуултаас улбаалсан асуулт байна.) Зөв. (Буддатай холбогдох БУРХАНЫ холбоо юу вэ? Будда ба БУРХАНЫГ ярих үедээ Та нэг оршихуйг хэлж байна уу эсвэл Таны ашиглаж буй энэ хоёр нэр томьёоны хамаарал юу вэ? ) Ойлголоо. Будда бол Гэгээрсэн Их Багшийг нэрлэх нэр томьёо юм. Христийн нэр томьёогоор энэ бол Ариун Сүнсний бодит биет хэлбэр, БУРХАНЫ Элч гэсэн утгатай. Энэ Буддаг ойлгох зөв нэр томьёо болно. БУРХАН гэдэг нь бүхнийг хамарсан Энерги буюу Хүч, эсвэл хайрлахуй буюу Оршихуй юм. Одоо, хэрэв Буддаг хүний бодит биеэр биежсэн БУРХАН гэдэг утгаар ойлговол Будда бол яв цав тийм. Харин Буддаг бүхнийг хамарсан, БУРХАН гэж ойлговол мөн бас БУРХАН мөн. Ийнхүү Будда гэдэг нь Будда Чанарын буюу БУРХАНЫ, БУРХАНЫ Хүчний бодит биеийн хэлбэржилт гэж хэлэх боломжтой. Будда Чанар бол БУРХАН юм. Христ бол БУРХАНЫ, БУРХАНЫ Хүчний бодит биеийн хэлбэржилт гэдэгтэй адилхан. Гэхдээ үнэн хэрэгтээ энэ хоёрын хооронд ялгаа байхгүй. Будда бол Будда Чанар, Будда Чанараас ирдэг, хүмүүст туслахын тулд Будда Чанарыг бодит биеэр хэлбэржүүлдэг. Эсвэл Христ бол хүмүүст БУРХАН руу буцаж очиход нь туслахаар бодит биеэр биежсэн БУРХАН юм. Гэхдээ Тэр Өөрөө БУРХАН. Иймд Тэр хэлсэн: “ЭЦЭГ бид хоёр нэг”. Гэхдээ бүх Гэгээнтнүүдийн даруу байдал, бүх Гэгээнтнүүдийн даруу байдлын улмаас, Тэд “Би бол БУРХАН, Би Оройн Дээд нь” гэх мэтээр хэлдэггүй. Тэд “Би бол БУРХАНЫ үйлчлэгч. Би БУРХАНЫ Хүү. Би бол Будда, БУРХАНЫ Элч” гэх мэтээр хэлдэг. Харин заримдаа урам зоригоор, Тэд “Би бол БУРХАН, ЭЦЭГ бид хоёр нэг” гэж хэлдэг. Гэхдээ энэ нь Христ эсвэл Будда омог бардам байсан гэсэн үг биш. Үгүй, үүнээс хол. Тэд маш даруу, даруу. Тэдний даруу байдлыг бид огт төсөөлж чадахгүй. Даруу байдлын хувьд бидний боддог зүйл бол хэрэв хэн нэгэн бидэнд юу хийхийг хэлбэл, бид “Тийм, тийм, би хийе, эрхэм ээ. Тийм, эрхэм ээ” гэж хэлдэг. Эсвэл хэн нэгэн биднийг загнавал бид даруухнаар, “Өө! Уучлаарай. Намайг өршөөгөөрэй” гэж хэлдэг, энэ бол даруу байдал. Үгүй, үгүй, үгүй. Энэ бол хэт доогуур, тун бага даруу байдал. Даруу байдал бол (Эзэн Бурхан) Есүс, Буддатай адил; Тэд Орчлонд хамгийн агуу нь атлаа хамгийн дорд байдлаар үзэгддэг. Будда гуйлгачин шиг болж, Тэр бол хүний төрөлтөн байсан гэж хүмүүст бодогдуулсан. Тэр зовлон амссан, амь үрэгдсэн, өвдсөн, хоол гуйх хэрэгтэй болсон. Энэ бол даруу байдал. Тэр Өөрийн агуу байдлаа харуулах боломжгүй, Тэр бүр огт харуулаагүй. Тэр үүнийг онцлон харуулах гэж оролдоогүй. (Эзэн Бурхан) Есүс Христ Тэр Дэлхий болон Диваажинд хамгийн агуу нь байсан ч, хүмүүсээр Өөрийгөө цовдлуулсан, тэр ч байтугай Өөрийг нь цовдолсон хүмүүсийг өршөөхийн төлөө залбирсан. Энэ бол жинхэнэ даруу байдал юм. Хамгийн агуу даруу байдалд бид энгийн нийгмийн зан төлөв, тогтсон заншил, буюу ёс суртахууны хэм хэмжээнээс бус гагцхүү Гэгээнтнүүдээс суралцаж чадна. Энэ бол зөвхөн хүний бүтээсэн даруу байдал. Жинхэнэ даруу байдал гагцхүү Бурханы Хүүгээс ирсэн. (Аулак (вьетнам) хэлээр бичигдсэн ахиад хоёр асуулт байна.) (“Будда сургахдаа сүнслэг дадлага төрөх, үхэхийн тойргоос чөлөөлнө. Гэхдээ хүн одоо ч дадуулсаар байх нь хараахан гэгээрээгүй гэсэн утгатай. Өмнөх амьдралдаа би юу байснаа мэдэхгүй. Чөлөөлөгдсөн эсэхээ би яаж мэдэх вэ? Эсвэл би ямар түвшинд хүрсэн бэ, гэдгээ.”) Энэ асуулт бол, Будда биднийг төрөх, үхэхээс чөлөөлөгдөхийг заадаг. Харин одоо, энэ хүн хамгийн дээд гэгээрэлд хараахан хүрээгүй. Иймээс тэр төрж, үхэхийг гэтэлсэн үү, эсвэл хараахан гэтлээгүй юу гэдгээ мэдэхгүй байна. Мөн тэр өмнөх амьдрал нь ямар байсныг мэдэхийг хүсэж байна? Иймээс миний хариулт бол дадуулахаа үргэлжлүүл, тэгвэл нэг өдөр та мэдэж магадгүй юм, эсвэл мэдэхгүй ч байж магадгүй. Хэрэв та жинхэнэ гэгээрсэн Их Багшийг дагахгүй бол таныг мэднэ, эсвэл мэдэхгүй, гэгээрнэ, эсвэл гэгээрэхгүйг зааж хэлэх амаргүй. Хэрэв та жинхэнэ Их Багшийг дагавал мэдэхэд хялбар байна. Аюулгүй; илүү баталгаатай. Тэр танд үүнийг олж авна гэдгийг хэлнэ, цаг нь болохоор та мэднэ. “Өршөөгөөрэй, Танаас хоёр асуулт асууя. Бидний Эзэн Бурханы төлөөлөгч хэн бэ? Үхлийн дараа бид хаашаа явах вэ?” Та нар ойлгож байна уу? (Үгүй.) Үгүй? Энэ франц хэл дээр байна. “Өршөөгөөрэй, Танаас хоёр асуулт асууя. Эхнийх нь БУРХАНЫГ, Таны БУРХАНЫГ хэн төлөөлж байна вэ?” Энэ зөв үү? Би зөв орчуулсан уу? Энэ хэн бэ? Энэ найз хэн бэ? (Би байна.) Та юу. Яагаад францаар бичив? (Та франц хэлээр ярьж чадах учраас.) Өө. Гэхдээ би бас англи хэл мэднэ, тийм ээ?) (Тийм, гэхдээ өршөөгөөрэй Их Багш аа англиар би бага зэрэг л ойлгодог учраас.) За, за. Эхний асуулт бол: “Таны БУРХАНЫГ хэн төлөөлдөг вэ?” Ийнхүү, миний хувьд, хэн БУРХАНЫ төлөөлөл вэ? Миний бодлоор, тийм үү? Зөв үү? Хэн БУРХАН бэ, зөв үү? (Үгүй… миний санаа бол БУРХАН руу биднийг буцахад хөтлөх БУРХАНЫ төлөөлөгч хэн бэ?) Зөв. Зөв. За. Хоёр дахь асуулт бол: “Үхлийн дараа бид хаашаа явдаг вэ?” Танд ойлгуулахын тулд би аулак (вьетнам) хэлээр ярих уу? БУРХАНЫГ төлөөлөх нэгэн бол БУРХАНЫ илгээсэн нэгэн байна. Тэд энд ирэх үедээ Тэд энгийн хүний төрөлтөнтэй яг адилхан байдаг. Гэхдээ БУРХАНЫГ Ивээлийг хүлээн авсныхаа дараа, Тэд хэн болохоо санадаг. Тэд БУРХАНААС илгээгдсэнээ БУРХАНЫ төлөө ажиллахаар энд байгаагаа санадаг. Эдгээр төрөлтнүүд биднийг (дотоодын Диваажингийн) Гэрэл, жинхэнэ Билиг Ухаан руу хөтөлнө. Тэд биднийг (Эзэн Бурхан) Есүс Христ, Будда, Анхдагч Буддатай адилаар Үүрдийн чөлөөлөлт рүү хөтөлнө. Тэд бүгд БУРХАНЫ Төлөөлөгчид. Тэд биднийг БУРХАН руу буцааж хөтөлнө. БУРХАН гэж юу вэ? Аулак (вьетнам) хэлээр бид үүнийг Анхдагч Чанар - бидний жинхэнэ Би гэж нэрлэдэг. Энэ бол бидний дотоодод орших Төгс Дээдийн Хүч. Нас эцэслэснийхээ дараа хаашаа явах нь бидний үйлийн үрээс хамаардаг. Жишээ нь, энэ амьдралдаа бид сайн үйл хийвэл Диваажин руу явна, эсвэл бид илүү жаргалтай, илүү үзэсгэлэнтэй, илүү азтай хүн төрөлтөн болж эргэн төрдөг. Хэрэв бид муу үйл хийвэл илүү их зовлонтой доогуур ертөнцүүд рүү унадаг, тэгээд хэсэг хугацааны дараа эргэн ирдэг. Хэрэв бид амьд Их Багштай амьд Буддатай эсвэл БУРХАНЫ төлөөлөгчтэй хамт дадуулбал Буддагийн орон буюу Диваажин руу явна. Иймд, БУРХАНЫ төлөөлөгчид бол БУРХАНЫ илгээсэн төрөлтнүүд болохыг би түүнд хэлсэн. Бүхнээс Агуу БУРХАН, Орчлонгийн хамгийн дээд Хүчнээс ирсэн Буддатай адил, (Эзэн Бурхан) Есүс Христтэй адил. Үүнийг бид БУРХАНЫ Төлөөлөгч гэж нэрлэдэг. Хэрэв бид эдгээр Хүмүүсийг дагавал, Тэд бидэнд Диваажин руу, Буддын Орон руу буцах замыг харуулдаг. Тэд бидэнд (дотоодын Диваажингийн) Гэрэл өгнө… өгөх биш, харин бидэнд бидний дотоод дахь, хэдийн оршин буй, биднийх болох (дотоодын Диваажингийн) Гэрлийг нээж өгнө. Их Багш Эрдэнэс тань хаана буйг, тэр үнэт зүйл таны дотор, өөрт тань байгааг заахаас бус, юуг ч “өгч” чадахгүй. Гэхдээ мэдээж Их Багш дэргэд байдаг, Их Багш ач буян, нигүүлслээрээ бидний замыг тэгшитгэхэд, бидний замыг цэвэрлэхэд ихэд тусалдаг, тийнхүү бид илүү сайн явж, өөрсдийгөө гэмтээдэггүй. Иймд Их Багш маш нигүүлсэнгүй. Одоо хоёр дахь асуулт бол: “Үхлийн дараа бид хаашаа явдаг вэ?” Хаана харьяалагдана тийшээ явдаг. Энэ амьдралдаа ач буянтай, сайн үйлс хийвэл бид Диваажин руу явна. Эсвэл бид буцаад ахин хүний төрөл авч цэцэглэсэн, эрүүл, тухтай амьдралаар амьдарна. Хэрэв бид хуулийн эсрэг хорон муу үйл хийвэл бид нэг оршихуйгаас нөгөөд шилжин төрөх, эсвэл ямар нэг төрлийн доогуур илүү зовлонтой амьдрал руу доошилно. Хэрэв гэхдээ бид Буддын Орны эсвэл БУРХАНЫ Хаант Улсын замыг заах Амьд Багшийг дагавал нас эцэслэхдээ бид тийш явна. Гурван төрлийн хүн байдаг. Өөр зүйл байна уу? (Аан, алга. Нэг хором авч болох уу?) За. (Маргааш бид авшиг хүртэхээр явна. Чиглэл, газрын зураг урд ширээн дээр байгаа. Цагтаа ирээрэй, учир нь үүнийг бид нэг нэгээрээ биш хамтдаа нэгэн зэрэг хийнэ. Цагтаа ирээрэй. Их баярлалаа, Их Багш аа.) Өчигдөр бидэнд ийм их цаг байгаагүй. Өчигдөр орой бид хэдэн цагт унтсаныг та нар мэднэ. Өглөөний дөрөв, таван цагийн үед. Их орой болтол би унтаагүй. Би ном, судар уншсан, мөн... Би тийм их унтаагүй. Тэгтэл цаг болж, бид явах хэрэгтэй болсон. Тэд энд их эрт байх ёстой болсон. Уг лекцийн дараа бид хамтдаа цугларсан, юм ууж, идсэн, багахан зүйлсийг, энэ тэр зүйлсийг ярьсан. Дараа нь бид өглөөний дөрөв, таван цаг хүртэл салаагүй. (Тийм.) Тийм. Дараа нь тэд гэр рүүгээ өөрсдийн байр руугаа явцгаасан. Тэд угаалга хийж, усанд орж, юм засах ёстой. Магадгүй дараа нь хэдэн цаг амарна. Дараа нь энэ бүгдийг бэлдэхийн тулд тэд энд эрт ирнэ. Эдгээр зүйлсийг бэлдэхэд урт хугацаа орно, олон цаг авна. Иймд та нар нэг цагийн үед ирнэ, харин тэднийг эндээс явах үед магадгүй... (Арав гуч.) Арав гуч аа? (Тийм.) Арав гуч. Тийм, энэ юу вэ? (Би шашнаа өөрчлөх ёстой юу?) Үгүй, үгүй. Үгүй. Та ямар шашинтай вэ, католик уу? (Тийм.) Тийм, зүгээр л тэндээ бай. (Эзэн Бурхан) Есүс зүгээр. Би ч мөн Түүнийг шүтдэг. Бид ижилхэн Их Багшийг шүтдэг. Photo Caption: “Байгаагаа өргөл болго, энхрий байдал эсвэл гоо үзэсгэлэн”
