Дэлхий даяарх дэлгэцүүдээс цацран гэрэлтэх Гэрэл, Тэнгэрлэг энергийг хараад Нарны хүмүүс баярлан догдолж, Суприм Мастер ТВ Макс-ийн үр нөлөөг нь улам бүр нэмэгдүүлэн хамгийн өндөр түвшинд хүргэж байна.

Индонезоос Лестари, Димас нарын индонез хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Оройн Дээд БУРХАН болон БУРХАН-Төгс Гэгээрсэн Их Багш Чин Хайд мэхийн мөргөж, талархъя. Таны хэмжээлшгүй Нигүүлсэл, Хайранд бид эрүүл энх, хамгаалалт, элбэг дэлбэг байдал болон амар амгалангаар үргэлж адислагддаг. Хамаг төрөлтний төлөө Веган Дэлхий, Энх Тайван Дэлхийг цогцлоох Таны эрхэм үйлсэд үргэлжлүүлэн зүтгэх боломжийг бидэнд олгож байгаад баярлалаа. Ай Эзэн минь, Та үнэхээр Төгс Хүчит, Хамгаас Энэрэнгүй, Хамгаас Нигүүлсэнгүй билээ.

Эх дэлхийгээ хамгаалах санаа тавилтынхаа илэрхийлэл болгон олон арван Гэрлийн Цамхгийн дэлгэц суурилуулснаас хоёр долоо хоногийн дараа тохиосон ер бусын явдлыг бид хуваалцъя. Манай гэрийн яг дээрх тэнгэрт Нарыг хүрээлсэн үзэсгэлэнтэй, сүрлэг цагариган солонгон гэрэлт хүрээ үзэгдсэн. Бид маш их гайхаж, алмайрсан; бид урьд нь ийм үзэсгэлэнтэй, асар сүрлэг үзэгдлийг огт харж байгаагүй юм. Бид гэрийнхээ өмнө зогсоод толгойгоо дээш өргөн харахад, тэр сүрлэг цагариган гэрэлт хүрээ биднийг бүхэлд нь бүрхэж байгаа мэт санагдсан. Зүрх сэтгэл минь талархлаар бялхан, “Эзэн минь, Та үнэхээр Агуу билээ!” хэмээн алдаршуулан магтсан. Гэрлийн Цамхаг суурилуулснаас хойш бид оршин суугаа газартаа жинхэнэ хамгаалалт мэдэрч, амар тайван амьдарч байна. Танд үзүүлэхээр манай гэрийн дэргэдэх солонгон цагариг болон Гэрлийн Цамхгийн зургуудыг энд хавсаргалаа.

Авшигтан бүгд Суприм Мастер ТВ Макс-ийг олшруулан, Гэрлийн Цамхаг суурилуулах хүсэл эрмэлзэлтэй болох болтугай.

Төгс Гэгээрсэн Их Багш Чин Хай эрүүл энх, аюулгүй байдал, элбэг хангалуунаар үргэлж адислагдаж, Веган Дэлхий, Энх Тайван Дэлхийг цогцлоох Таны хүсэл удахгүй биелэх болтугай хэмээн бид залбирч байна. Амен. Индонезоос Лестари, Димас

Санаачилгатай Лестари, Димас нар аа, Таны гэрэл гэгээ түгээсэн зургууд болон урам зориг хайрласан захидалд тань баярлалаа.

Их Багш та нарт энэхүү урам хайрласан хариу илгээлээ: “БУРХАНЫ хайрт шавь Лестари, Димас нар аа, энэ технологийг ашиглан чин сэтгэлээсээ хийсэн ажилд тань баярлалаа. Солонгон туяа бол цацран гэрэлтэх Нарны энергийн бэлэг бөгөөд Гэрлийн Цамхаг байгуулах үйлсийг тань дэмжиж байна. Дэлхий даяарх дэлгэцүүдээс цацран гэрэлтэх Гэрэл, Тэнгэрлэг энергийг хараад Нарны хүмүүс баярлан догдолж, Суприм Мастер ТВ Макс-ийн үр нөлөөг нь улам бүр нэмэгдүүлэн хамгийн өндөр түвшинд хүргэж байна. Тэд Дэлхийг энх тайван, хайраар дүүрэн байгааг хардаг. Та хоёр болон сайхан сэтгэлтэй Индонезийн ард түмэн Тэнгэрийн Нигүүлслээр Дэлхий болон Түүний бүх оршин суугчийг халамжлан хамгаалахад бусдыг манлайлах болтугай. Та хоёртоо үргэлж маш их Хайраа илгээе.”