Будда буюу Төгс Гэгээрсэн Их Багшид байх ёстой гурван Хүч 8 цуврал лекцийн 8-р хэгсийг

Энэ хуурамч их багш нар, хуурамч папууд, лам, гэлэнмаа, номлогчид гэх мэт шашны нөмрөг нөмөрч, байр суурь эзэлсэн этгээдүүдийг өөр юу ч гэдэг бай, тэд хүмүүсийн хөлс, нулимс, цусаар амьдардаг. Амьдралаа сайжруулахын тулд жаахан буян хураах хэрэгтэй болсон зовсон хүмүүс хийгээд энэ хуурамч этгээдүүдийг Будда нарын, Бурханы, Эзэн Есүсийн төлөөлөгч гэж итгэсэн хүмүүсээр тэд тэжээлгэн тэтгэгддэг. Ийн итгэсэн учраас хүмүүс тэднийг хүндэлж, чадах зүйлээ хандивладаг. Мөн хэрэв тэд бие махбодын хүчирхийлэлд өртвөл хаашаа явахаа мэддэггүй. Ихэвчлэн хаашаа ч очсон тэднийг тоодоггүй. Хариуцлагыг нь тооцож, тэдэнд тусалдаггүй. Маш ховор. Зарим хэрэг л олны анхааралд өртөж, арга хэмжээ авагдан, жинхэнэ шударга шийтгэл ногдуулж, шорон энэ тэрд хийсэн.

“Хуурамч христүүд болон хуурамч эш үзүүлэгчид гарч ирж, боломжтой бол сонгогдогсдыг хүртэл төөрөлдүүлэхийн тулд агуу тэмдэг, гайхамшгуудыг харуулах болно.” ~ Матай 24:24, Ариун Библи

“Хуурамч эш үзүүлэгчид хүмүүсийн дундаас тодорч, далдуур хөнөөлт тэрс үзлийг бий болгох хуурамч багш нар мөн та нарын дундаас гарах болно. ~ Петр 2:1, Ариун Библи

“Учир нь ийм хүмүүс бол хуурамч элч нар, зальтай ажилчид, өөрсдийгөө Христийн элч нар болгон хувиргагчид. Сатан ч өөрийгөө гэрлийн тэнгэрийн элч болгон хувиргадаг тул гайхах юм алга. Тиймээс хэрэв түүний зарц нар бас өөрсдийгөө зөвт байдлын зарц нар болгон хувиргах аваас энэ нь гайхмаар юм биш. Тэдний төгсгөл хийсэн үйлийнх нь дагуу байх болно.” ~ Коринт 11:13-15, Ариун Библи

Хэн ч хоёр эзэнд үйлчилж чадахгүй. Тэр нэгийг нь үзэн ядаж, нөгөөг нь хайрлах болно. Эсвэл нэгээс нь зуурч, нөгөөг нь зэвүүцнэ. Та нар Бурхан болоод эд баялагт хоёуланд нь зэрэг үйлчилж чадахгүй.” ~ Матай 6:24, Ариун Библи

Тиймээс эдгээр хөөрхий хүмүүсийг би өрөвддөг. Энэ хуурамч этгээдүүд хүмүүсийн зовлон, цус, нулимсаар амьдардаг учраас надаас тэднийг өрөвдөхийг бүү хүс. Тэд авч болох юу л байна авдаг. Тэдэнд өгөх юм юу ч үгүй. Тэд хүмүүсээс сүнслэг хичээл зүтгэл, итгэл үнэмшил, санхүүг нь дээрэмддэг, бүр нэр төр, хийж чадах бүхнийг нь дээрэмддэг. Тэд чөтгөрөөс ч дор зүйл хийдэг учраас чөтгөрөөс дор.

Тэгэхээр энэ шинэ онд, ирж буй шинэ ондоо олон хүн, аль болох олон хүн энэ хуурамч их багш, багш нар, номлогчид, лам, гэлэнмаа нараас хол байгаасай гэж хүсэж байна. Зөн совингоороо, залбирлаараа харах хэрэгтэй. Зөв зүгт хөтөлж буйд нь та нар Бурханд талархах хэрэгтэй. Энэ дэлхийн хүн амын гучин хувь буюу хэдэн тэрбум хүн гэдэг их санагдаж байгаа ч миний сэтгэлд бол хангалтгүй. Би илүү олон сүнс авармаар байна. Тэднийг тамд унахаас сэргийлмээр байна.

Гэвч юуны түрүүнд тэд эхлээд өөрсдийгөө хорон санаатнуудын гарт унахаас сэргийлэх хэрэгтэй. Жишээ нь нөгөө хуурамч пап лам нар, хуурамч лам, гэлэнмаа нар, номлогчид, их багш, гүрү, сатгүрү нар гэх мэтээс. Тэд өөрсдийгөө эхлэн тунхагладаг. Бурхан тэдэнд ийм цол өгдөггүй. Тийм байдаг. Үнэхээр хэрэв Бурхан тэдэнд ийм цол хэргэм өгсөн бол тэд өөрөөр авирлана. Бурханыг эцэс төгсгөлгүй шүтнэ. Бурханд үүрд талархана. Амьсгалах бүрдээ Бурханыг магтана. Тамаас тэд айна. Сүнслэг мэдлэгийнхээ хэрээр, аль чадлаараа тэд хүмүүст туслах байсан. Гэтэл үгүй. Тэд ариун гэгээнтнүүдийн замналаас эсрэг зүг рүү явж байна.

Тиймээс эдгээр муу бүгдийг үгүй хийж, хүмүүс буцаад үүрд Бурхан руу эргэн, Өршөөл, Ивээл, Аз жаргалыг хүртэхийн тулд сайн багш сонгох, Бурханы сайн төлөөлөгчийг сонгох илүү чөлөөт сонголт, орон зай, цаг хугацааг өгнө гэж найдан, Бурханд залбирч байна. Амен. Энэ болон бусад гарагууд дээрх хүн ба хамаг төрөлтнүүдэд Бурхан Өршөөл үзүүлэн, тэднийг маяагийн урхинаас аварч, улмаар тамд унаж, аймшигт зовлонг туулж, төсөөлшгүй өвдөлт шаналлыг мэдрэхээс сэргийлэх болтугай. Бүх эмзэг хүмүүс сэрж, Бурханд эргээд очихын тулд Бурханы Зүгийг, Бурханы Зааварчилгааг, Бурханы Хайрыг дагах болтугай. Бурханы Нэрээр та бүхэнд хамгийн сайн сайхан бүхнийг хүсье. Амен. Үүрд хайртай шүү. Боломжтой бүх цаг хугацаандаа Бурханыг санаж, хайрлах болтугай. Хайртай шүү, хайртай, хайртай.

Зураг татаж авах