Дэлгэрэнгүй
Татаж авах Docx
Дэлгэрэнгүй уншаарай
Тайвань (Формоса)-д миний хувьд хийд барих зөвшөөрөлтэй том газар юм уу хүмүүс ирээд сайхан энерги дунд бясалгах ашрам худалдан авах хэцүү болсон. Би тийм баян биш. Мөнгө мөнгө, олон арван... Хэд гэдгийг мэдэхгүй – ажил, бизнес энэ тэрээрээ би олон зуун саяыг олсон байх. Энэ бүхнээ би дэлхийн өнцөг булан бүрд ядарсан хүмүүст тусалж, гамшигт нэрвэгдсэн, дайны хохирогсдод туслах, амьтан-хүмүүсийг аврах ажиллагаа зэрэгт зарцуулсан. Хэрэгтэй зүйлст. Тэгэхээр 40 жил Их Багш байж, Арьяабалын Аргыг заасны эцэст би ганц л ашрам худалдан авч чадлаа. Тэр нь одоогийн Шинэ Газар Ашрам. Өөр бусад бүх газруудад ердөө л жижигхэн бий. Тайвань (Формоса)-д том газар худалдаж аваад, том барилгууд барих боломжгүй. Үнэхээр хэцүү бөгөөд үнэтэй. Надад худалдаж аваад байх тийм их мөнгө байхгүй.Яагаад энэ бүхнийг ярьснаа мэдэхгүй юм. Тиймээс дашрамд хэлэхэд миний талаарх тэр бүх гүтгэлгүүд бүгд худлаа. Аллагаар дүүрэн, алж хяддаг бизнес ноёрхсон дэлхийд миний хувьд Их Багш байх үнэхээр амаргүй. Эдгээр нь алж хяддаг бизнес. Тэд том газруудтай. Тэд эрх мэдэлтэй хүмүүстэй холбоо сүлбээтэй болохоор, мөн ашиг орлого ихтэй болохоор, тэд төлж, хахууль энэ тэр өгдөг болохоор тэр газартаа ямар ч том амьтан-хүмүүсийн шорон барих боломжтой. Би ийм бизнес хийдэггүй. Шударгаар олсон мөнгөө л зарцуулдаг. Би хэнд ч хахууль өгдөггүй. Энэ тэр болох гэж, эсвэл энэ тэр газрыг худалдан авах гэж би ямар ч холбоо сүлбээ ашигладаггүй.Надад өгсөн бүх шагнал, хүндэт иргэний өргөмжлөл зэрэг нь бүгд ямар ч хэрэггүй. Засгийн газраас надад хүндэт иргэншил өгөх ийм тийм үйл ажиллагаа болно гэж надад тэд тулсан байхад нь хэлэх хүртэл би юу ч мэдээгүй. Ямар нэг засгийн газартай нөхөрлөж ойртож, ямар нэг зүйл хүртдэг хүн би биш. Өдийг хүртэл би засгийн газрын томоохон удирдагч, албан хаагч энэ тэр хэнийг ч танихгүй. (Аулак) Вьетнам дүрвэгсэд нутаг буцахгүй гэж амиа хорлож байсан болохоор би тухайн үед дүрвэгсдэд туслахыг засгийн газраас хүсэхээр анх удаа л засгийн газрын албан хаагчидтай уулзаж байсан. Тэр үед дайн дөнгөж дуусаад, хүмүүс коммунист системээс ихэд айдаг хэвээр байсан. Тиймээс тэд амь насаа эрсдүүлэн том далай гатлан зугтаасан.Одоо дүрвэгсдийн талаар ахиад ярья. Би урьд нь хэлж байсан, энэ тухай ярьж байсан. Зөвхөн улс орон тань дайтаж байвал эсвэл цөхөрч хүндхэн байвал л дүрвэ, бусдаар бол өөр ямар ч орон рүү бүү яв гэж хэлсэн. Дүрвэгч бүү бай. Тэр тусмаа хууль бус дүрвэгч болох хэрэггүй. Хүмүүс та нарыг дорд үздэг ба та нар зүгээр л мөрөөдөлдөө дүрсэлсэн байдаг, гэтэл тийм биш. Улс орон болгон өөрсдийгөө харж хандах ёстой. Ард иргэд нь өөрсдийгөө харж хандах ёстой. Яг л танай улстай адил, тэд шаргуу хөдөлмөрлөх ёстой. Та нар тархиа, хүч чадлаа, сэтгэлийн тэнхээ, амьдрах зөнгөө ашиглан амьжиргаагаа залгуулах ёстой. Баян чинээлэг, нэр алдартай байх албагүй. Өөртөө болон гэр бүлдээ хүрэлцэхүйц ажил орлоготой байхад болно. Тэгэхэд л хангалттай. Зугтаах шаардлагагүй, өөр улс руу нууцаар орж, амь насаа эрсдүүлж, өөр оронд гуйлгачин хэмээн доромжлуулах шаардлагагүй. Өөртөө ийм зүйл бүү үйлд. Та гартай, хөлтэй, бие махбодтой, тархитай, бодох хүчтэй байж өөрийгөө гуйлгачны статуст бүү аваач. Ямар ч улс оронд хаа ч хэзээд ажил байдаг. Магадгүй зарим нэг алслагдмал газар хангалттай ажил байдаггүй, тэр тохиолдолд хот руу явж болно. Тэнд маш их ажил бий.Оюутан байхдаа би аяга угаагч хийж, зоогийн газарт ажилладаг байснаа ярьсан, зочид буудалд хүлээн авагч, бүр зөөгч, тогооч гээд юм бүхнийг хийж байсан, тэгээд үүнийхээ хажуугаар энэ тэр хэл сурдаг байв. Тиймээс би хэдэн хэл мэднэ. Аяга таваг угаах гэх мэт ажил хийн өөрөө бүх мөнгөө олдог байсан. Би яагаа ч үгүй. Аль нэг улс орон руу зугтаж, цагаачлал энэ тэр хүсээгүй. Манай гэрийнхэн намайг гадаадад тэтгэхүйц баян байгаагүй. Би өөрийгөө харж хандах ёстой байв. Тиймээс амь насанд тань ихээхэн эрсдэлтэй, бас эрх чөлөөт дэлхийн иргэний нэр төрөө эрсдүүлэх юу ч бүү хий. Зөвхөн аргагүй байдалд, дайн дажинтай мэт, үнэхээрийн дарангуйллын системээс болж зугтах ёстой бол зугт. Гэвч тийм айхтар дарангуйлалтай улс байхгүй л болов уу. Магадгүй засгийн газар нь ажилчдадаа тийм ч хатуу ханддаггүй, ард түмнийг дарангуйлж, мөнгө хахууль нэхдэгийг зогсоодоггүй болохоор зарим нь муу байж мэднэ. Гэвч коммунист улс оронд хүртэл тэд өөрсдийгөө үнэхээр хатуу улс гэдэг ч хүмүүс нь саятан болох боломжтой. Би олныг харж байсан, хэрэв системийн дагуу ажиллавал тэд том бизнес хийх боломжтой.Засгийн газар эсвэл бусад атаархуу хүмүүсийн нүдэнд өртөхүйц саятан байх албагүй. Зүгээр л гэр бүлээ харж хандан, өөртөө болон хайртай нэгнээ тэтгэх хангалттай сайн стандарттай байхад болно. Амьдрахын тулд үргэлж их мөнгө олох шаардлагагүй. Үгүй, үгүй. Сайн, энгийн гэр бүлийн хэв маягаар идэх хоолтой, өмсөх хувцастай, нэг цэгээс нөгөө цэгт очих тухлаг тээврийн хэрэгсэлтэй, тайван амьдралтай байхад л болно. Энэ бол үнэхээр хүн болгоны хүсэх учиртай зүйл, тэрбумтан, саятан болохыг ч юм уу маш их ажиллахыг хүсэх хэрэггүй, тэдгээр дарга нар бас үнэхээр ажилсаг. Тэд энгийн тариаланчид шиг сайн унтаж чаддаггүй. Тариаланчид тариан талбайгаа харж хандчихаад гэртээ ирээд сайхан унтдаг. Маргааш өглөө нь тэд ахиад л цэвэр агаарт, наранд гардаг, үнэхээр сайхан амьдралтай, хөдөлмөр гэхдээ шаарддаг л даа. Гэвч ажил болгонд нэг бол бие махбод, сэтгэл санаагаараа, эсвэл цаг хугацаагаараа ч юм уу хувь нэмрээ оруулдаг. Энэ дэлхийд үнэгүй амьдрах боломжгүй.Лам байж, гарч хоол гуйн, бадар барих үнэхээр эрх чөлөөтэй амьдрал гэж бодож байна уу? Орчин үед тийм ч эрх чөлөөтэй биш болсон. Олон хүн тэднийг харааж, нийгмийн дарамт хэмээн дорд үздэг, гартай хөлтэй, хүчирхэг бие махбодтой байж хувь нэмэр оруулахыг хүсдэггүй гэдэг. Тийм лам нарт хүмүүс эелдэг ханддаггүй. Чин сэтгэлд нь эргэлздэг. Магадгүй энэ хүмүүс зүгээр л залхуу байх, улс орныхоо бусад хүмүүсээр л тэжээлгэхийг хүссэн байх. Тиймээс магадгүй зарим нь тэднийг дагаж, адилхан хувцас, эсвэл өнгийн хувцас өмсдөг, загварлаг бүлэг гэх үү дээ Гэвч хүн болгон ийм төрлийн амьдралтай санал нийлдэггүй. Тиймээс Буддын шашны ч юм уу Католик шашны ихэнх лам гэлэнмаа нар жишээ нь өөрсдийн урсгалдаа, хийддээ байрладаг. Орчин үед тэр нь илүү аюулгүй. Мөн хүмүүст онлайнаар, интернэтээр зааж болно. Зарим нь тэгдэг. Тэр нь ч сайн. Тэгээд хүмүүс өөрт тань өргөл барьдаг. Та хөдөлмөрлөсөн учраас үүнийг нь авч болно. Та хүмүүст сайн зүйлс зааж, итгэл үнэмшлээсээ хазайхгүй байхыг, хүмүүст хор хөнөөлтэй зүйл үйлдэхгүй байхыг, хүмүүсийн нинжин сэтгэлээр өөрийгөө тансаглуулахгүй байхыг заадаг. Тэр тохиолдолд болно.Тайвань (Формоса)-ийн засгийн газар болон энгийн хүмүүс нь төдийгүй И-Гуань Даогийн лам гэлэнмаа нар шиг огоорогчид болон Буддын шашны лам гэлэнмаа нар, ямар ч шашны номлогчид хичээл зүтгэл гарган, тухтай суудлаасаа босон хүмүүст улс орноо аврахын тулд веган болохыг уриалж, сурталчлан танилцуулах учиртай. Үүний төлөө л та нар огоорогч болсон. Өөрийнхөө тухтай бүсдээ суучхаад, хүмүүсийн хандивыг идэж, бүр тав тухтай, тансаг амьдарч, юу ч хийхгүй байх хэрэггүй. Та нар ганц л амьдралтай. Энэ төрөлд тань энэ цорын ганц боломж, ямар нэг сайн зүйл хийж, сүсэг бишрэлээ дадуулах сүүлчийн тань боломж. Зөвхөн ярих биш, зөвхөн судар унших биш харин гарч хүмүүст хэл. Та нарт боломж нь бий. Та нар сүм хийдтэй, ламын орхимжтой ба энэ нь үнэхээр сайн хамгаалалт, бас сурталчилгаа болдог.Гаднах хүмүүсийн ихэнх нь орхимж энэ тэртэй лам гэлэнмаа нарын үгийг сонсдог. Ихэнхдээ тэд та нарыг шүүмжилж, эргэлздэггүй. Би адилхан зүйл өмсдөггүй болохоор надад бол эргэлзэж, сэрддэг. Гэвч ламын орхимж, номлогчийн хувцас нь үнэхээрийн гайхалтай сурталчилгаа. Хүмүүс өөрийг тань шууд л автоматаар хүндэлнэ. Тиймээс энэ хүчээ ашиглан хичээл зүтгэл гаргаж, тухтай орчноо орхин хүмүүстэй ярь, хүмүүст хэл, лекц хий, юу ч хамаагүй хий. Та нарт бүгд бий. Ядаж л улс орноо аврахын төлөө тэгээрэй. Нигүүлсэнгүй амьдралын хэв маягаараа дэлхийг аврах тухай ярилтгүй. Баярлалаа. Будда адислах болтугай. Гэгээнтнүүд, Дао таныг адислах болтугай. Бурхан адислах болтугай. Амен.Та нар бүгд, дэлхийн иргэд, ялангуяа асуудал бэрхшээлтэй байгаа, дайн дажинтай, бусад улсаас дайны заналхийлэлтэй байгаа ард иргэд өөрсдөдөө найдаарай. Бурхан-мэт-иргэн бай, сайн бай, буянтай бай, яг л “Бурхан, Та бол энэрэнгүй, намайг Өршөөгөөч” хэмээн үргэлж Бурханд залбирдаг шигээ энэрэнгүй бай: Бусдад өршөөнгүй бай, бусад хүмүүстээ, бусад төрөлтнүүддээ, амьтан- хүмүүст, гэмгүй, ач тустай ой мод, ширэнгэн ойд, гол мөрний ариун усанд, амьдарсаар буй загас-хүмүүст өршөөл энэрэлтэй бай, тариалангаа эрхлэх газрыг тань химийн бодисоор дүүргэлгүй, хамаг төрөлтний цусаар дүүргэлгүй, цэвэр усаар хангадагт таларх. Гол мөрөн, далай тэнгисийн загас-хүмүүсийг тайван орхи, тэгвэл тэд та бүхэнд ач тусаа хүргэж, та нарыг амьдралын тань турш эрүүл саруул, аз жаргалтай, амар амгалан болгоно. Үр хүүхдүүдийг тань өвчингүй, эрүүл болгоно. Ахмад настнуудыг тань Бурхан Гэр рүү нь дуудах хүртэл тухтай амьдруулна. Бурханаас гуйдаг өршөөл шигээ та өөрөө тийм бай. Диваажингаас шаарддаг нигүүлсэл шигээ та өөрөө тийм бай. Бурханы хүүхэд мэт энэрэнгүй төрөлтөн бай.Photo Caption: Хаана ч байсан амьдар
