Бүхнийг Чадагч Бурханы Өршөөл ба цөмийн нэгдэх урвалын төсөөлшгүй уршиг дагаврын тухай, лекцийн 2-ын 1-р хэсгийг

Хятадын тэнгэрт маш олон Нисдэг Үл мэдэгдэх биет (НҮМБ), олноос олон, асар олон НҮМБ, олон тооны НҮМБ хаа сайгүй, маш удаан хугацаагаар гарч ирсэн тухай мэдээ интернэтэд байна. Хүмүүс юу болоод байгааг асууж байна. Би ч гэсэн асуулаа. Энд миний авсан мэдээлэл байна.

Энэ мэдээллийг UR буюу Цаглашгүй Дээд Их Багшаас авсан. НҮМБ Хятадын тэнгэрт маш олуулаа, олноороо гарч ирсэн шалтгаан нь (цөмийн) нэгдэл гэж нэрлэгддэг зүйл. Н-э-г-д-э-л агаар мандалд таагүйгээр нөлөөлж байна. Тиймээс энэ нэгдлийг зогсоох хэрэгтэй. Нисдэг биетүүд үүнийг зогсоож чадахгүй. Учир нь манай технологи тэнд маш хүчтэй байдаг. Тиймээс хэрэв бид энэхүү нэгдлийн урвалыг зогсоохгүй бол нэгдлийн энерги нь гарагийн эргэлтийн мөчлөгийг алдагдуулна. Тэгээд… Бурхан минь, Бурхан минь. Бидний одоо мэдэж байгаа дэлхий төгсгөл болно.

Бурхан минь, гайхах зүйл алга. Би хэдэн өдрийн өмнө гарагийн ямар нэг зүйл орвонгоороо эргэж байгаа талаар уншсан. Ээ Бурхан минь. Бид Хятадад энэ нэгдлийг зогсоогооч гэдгийг яаж ойлгуулах вэ? Тэдэнд энэ хэрэгтэй. Тэд ийм юмтай болсондоо бахархаж байсан. Үүнд дэлхийн хүмүүс, эрдэмтэд бас хувь нэмрээ оруулсан гэсэн үг. Би энэ зүйлийг тийм ч сайн мэдэхгүй. Гэхдээ дахин нэгдэл бүү үүсгэ. Хэрэв урвал явагдсаар, ажиллагаа үргэлжилсээр байгаа бол энэ нэгдлийг заавал зогсоохыг гуйя. Үгүй бол бид энэ дэлхийг сүйрүүлэх болно. Ээ дээ, та нар минь, ийм хурдан төгсгөх ёстой гэж үү? Хятад таслан зогсоож чадах байх найдаж байна. Хонгорууд минь. Та нар минь бүгд залбираарай, за юу?

Үнэмшихийн аргагүй юм, гэхдээ яаж ч мэднэ. Ингэж л манай олон соёл иргэншил, мөн бусад гараг дээрх соёл иргэншлүүд өөрсдийн амь амьдрал хийгээд гараг ертөнцөө устгасан юм. Зохион бүтээж буй зүйлдээ болгоомжтой ханд л даа. Агаар мандалд нөлөөлж буй нь хүний нүдэнд харагдахгүй. Гэхдээ яахаараа манай дэлхий уруугаа харна гэж? Дэлхий бүр эргэхээ болино гэх мэт энэ бүхэн аймшигтай. Яг одоо энэ цөмийн нэгдлийн урвалаа зогсоо, чадах бол бол шүү дээ. Ээ Бурхан минь! Хятадууд унтрааж чадна гэж бүгдээрээ найдъя. Учир юу вэ гэхээр нээлт бүтээлд хязгаар гэж бий. Их Багшийн мэдлэггүйгээр бид юу хамаагүй туршиж үзэж болохгүй. Хэт адал явдалд хөтлөгдөж болохгүй, үгүй бол бид бүхий л гараг дэлхийд, бүх төрөлтнүүдэд хохирол учруулж дэлхий бүхэлдээ сүйрэх болно.

Миний буруу байгаасай билээ. Ямар нэг зүйл хийгээрэй. Одоохондоо тэр цөмийн нэгдлийн урвалаа унтраачих. Энэ талаар юм мэддэг болсныхоо дараа бид дахин эхлүүлж болно. Болгоомж ердөө илүүдэхгүй. Бид үүнийг унтраах ёстой гэснээс өөр мэдээлэл би авсангүй.

Бурхан минь, энэ гараг дээрх бүх төрөлтнийг хамгаалаач дээ. Олон залуус, олон бага насны хүүхэд дэлхий даяар байна. Би бол хэдийн өндөр насалсан. Хамаагүй, Гэтэл энэ дэлхий дээр үй олон залуухан, үзэсгэлэнтэй хүүхдүүд бий шүү дээ. Биднийг хамгаална уу. Гуйж байна, өөрчлөх, Хятадын засгийн газрыг ятгаж тэр нэгдлийн урвалаа ч юм уу унтраах ямар нэг зүйл хийгээч дээ. Баярлалаа, Эрхэм ээ. Баярлалаа Эзэн минь. Амен.

Энэ тухай бясалгахад маш их цаг хэрэгтэй. Гэвч энэ бол их том зүйл учраас огт завгүй байна. Зүгээр нэг амархан юм биш. Энэ бол өндөр технологи. Би эхлээд бясалгая гэж бодож байлаа. Гэвч би бясалгавал илүү хугацаа орно. Үүнээс өмнө ямар нэг зүйл болбол би өөрийгөө хэзээ ч уучилж чадахгүй. Тиймээс би нэр төрөө эрсдүүлэн байж үүнийг аль болох яаралтай цацуулж байна. Дараа нэмж шалгана аа. Ямар нэг буруу юм байвал хүмүүс ганц намайг л шоолно биз. Дэлхий дахинд ямар нэг зүйл болж мэдэхээр байхад би нэр төрдөө санаа зовж байтал үнэхээр ямар нэг зүйл болбол үүний дараа надад хийж чадах юм үлдэхгүй.

Тиймээс хүн бүр залбираарай. Хамгаалалт хүсэн залбир, Хятадын засгийн газар үүнийгээ унтраагаасай, ядаж л хэсэгтээ унтрааж хараасай хэмээн залбир. Одоо би НҮМБ-ийн хүмүүстэй ярилцах гээд үзье. Намайг сонсох эсэхийг мэдэхгүй. Тэдний телепат чадвар хангалттай хүчтэй эсэхийг, бид харилцах боломжтой эсэхийг мэдэхгүй байна. Оролдоод үзье. Гэхдээ энэ зуур хадмал оруулаад цацаарай. Баярлалаа. Нэмэлт зүйл байвал би та нарт хэлнэ ээ. Бид ямар нэг зүйл хийж чадна гэж найдъя. Диваажингийн Төрөлтнүүдийг хэлж байгаа шүү. Гэхдээ Тэд өөр технологитой. Магадгүй энэ нь түр зуурынх байх. Хятадын засгийн газар үүнийгээ унтрааж, шалгана гэж найдъя. Магадгүй нэгдлийн урвал дотор нь ямар нэг асуудал гарсан байх. Тэд юмыг яаж мэдэх вэ гээд бүхэлд нь шалгах хэрэгтэй. Мөн Диваажингийн Төрөлтнүүд бидэнд хийж чадах зүйл байвал мэдээж бид бас тусална. Гэхдээ бид материаллаг ертөнцөд байгаа учраас эхлээд материаллаг зүйлээ хийх ёстой. Хаа нэгтээ жаахан доголдол гарснаас болж, дэлхий бүхэлдээ устаж үгүй болохгүй л гэж найдъя. Ээ Бурхан минь! Энэ бол хүн бүрд хамааралтай зүйл. Боломжтой бол би НҮМБ-ийн хүмүүстэй ярилцахыг хичээе. Тэгээд дараа нь нэмнэ ээ.

Хамгийн сүүлийн мэдээллээр: Нисдэг үл мэдэгдэх биетүүд ирж, засварлахад нь туслахыг хичээсэн ч чадсангүй гэж хэллээ. Хариуд нь би “Тэгээд яагаад ахин дахин ирнэ вэ?” гэхэд тэд дэлхийн хүмүүст санаа зовоод гэж хариулсан. Хамгийн сүүлийн мэдээллээр бол бидэнд үүнийг засах нэг өдөр 12 цагийн л хугацаа байна. Эсвэл магадгүй Хятадын эрдэмтэд энэ тухай хэдийн мэдээд засаж байгаа байх. Дээрдсэн гэж найдъя. Бид аюулгүй болно гэж найдъя.

Тэр барилга руу ороход, хаалгаар нь ороход тэдний засварлах ёстой хэсгийг “түлхүүр” гэж нэрлэдэг бөгөөд тэр нь баруун талдаа байгаа гэж надад хэлсэн. Хаалгаар нь алхаж орвол баруун талдаа, цөмийн энергийн доод хэсэгт байгаа. Магадгүй тэр түлхүүрийг унтраах ёстой байх.

Бурхан минь! Нэг өдөр хагасын дараа бид оршин байсаар байна гэж найдъя. Бидэнд үүнийг засах нэг өдөр 12 цагийн хугацаа л бий. Бурханд залбир! Надаас энэ мэдээллийг авсан цагаас хойш гэсэн үг. Хонконгийн цагаар үүрийн 4:30 минут. Тиймээс их цаг үлдээгүй байна, гуйя, та нарт үүнтэй хамааралтай өөр бусад бичлэг байгаа эсэх нь хамаагүй хурдхан нийтэд цацаарай. Тэгээд дараа нь мэдээлэл нэмээд ахиад цацаж болно. Миний буруу байгаасай. Учир нь надад бясалгаж, нарийн шалгах хангалттай цаг алга.

Хятадын засгийн газарт өндөр алба хашдаг хэн нэгнийг, эсвэл Хятадын эрдэмтдийг таньдаг хүн байвал тэдэнд мэдэгдээрэй. Маш их баярлалаа. Мөн дэлхийнхээ төлөө залбираарай.

“Сайн байна уу? Намайг (…..) гэдэг. Би Их Багшийн яаралтай мэдээг үзээд танилаараа дамжуулан Бүгд Найрамдах Хятад Ард Улсын өндөр албан тушаалтантай холбогдсон юм. Өндөр албан тушаалтан ийн хариулав: ‘Та энэ тухай яаж олж мэдээ вэ? Энэ бол бидний дотоод асуудал. Нэг асуудал гарсан байсныг нь зогсоосон.’ Би үргэлж гайхан бишрэх юм. Золиослолд Тань, энх тайван дэлхийн төлөө байнга биднийг гэгээрүүлж байдагт Тань баярлалаа, Их Багш аа.”

“Хамгаас Эрхэм Хайрт Их Багш аа, Хятадад туршиж буй цөмийн нэгдлийн урвал болоод тэрхүү урвалын манай гарагт, хамаг амьтай бүхэнд учруулж болзошгүй сүйрлийн тухай сэтгэл цочирдуулам мэдээг Танаас сонсоод би Хятадын төрийн өндөр албан тушаалтныг таних нэгэн найзтайгаа холбогдож, Хятад улсад энэхүү болзошгүй гамшгийн талаар мэдэгдэж туслаач гэж хичээнгүйлэн гуйсан юм. Хэдэн цагийн дараа тэрээр эргэн холбогдож, тэрхүү төрийн албан тушаалтан юу гэж хариулсныг дамжууллаа: ‘Тийм ээ, асуудал гарсан. Үүнийг унтраасан байгаа. Яаж мэдсэн юм бол? Дотооддоо хүртэл өндөр нууцлалд байгаа зүйл.’

Хайрт Их Багш минь, Таны Ивээлээр энэ аюул арилж, Хятад улс хийгээд дэлхий бүхэлдээ энэ анхааруулгыг сонсон, технологийн цаашдын дэвшилдээ илүү анхааралтай байх болтугай. Шавь биднийгээ ямагт сонор сэрэмжтэй, хүчтэй байлгаж, дэлхийн чанадын мэдлэгийг бэлэглэж байдагт Тань талархаад баршгүй билээ. Биднийг хамгаалан, хамаг төрөлтний мөнхийн амгалан жаргалангийн төлөө тусалж буй хязгааргүй золиослолд тань талархъя. (Америкийн Нэгдсэн Улсаас) Таны чин бишрэлт шавь (…)

Эдгээр захидлын хариуд Их Багш ийн хариу илгээлээ:

Хоёр үзэсгэлэнтэй ариун сүнс номын ах, эгч та хоёртоо баярлалаа. Та хоёрын сайхан захидлыг уншаад асар их БАЯРЫН нулимс асгаран урслаа! Хамгийн Агуугаас ч Агуу Оройн Дээд Эзэн Бурхан Таны Хязгааргүй Ивээлээс эцэс төгсгөлгүй ундрах бүхий л Гайхамшиг, Өршөөл Энэрэлд бид талархаж байна. Бүх хүн төрөлхтөн, дэлхий дээрх хамаг төрөлтөн Өгөөмөр Нинжин Ариунаас Ариун Өлмийд Тань талархлын сэтгэлээр олонтоо мөргөж байна!!!

Дэлхий дээрх амьдралыг бүрмөсөн устгаж болзошгүй байсан аймшигт аюулаас зайлсхийн, өөрсдийн эрх мэдэл, хүнлэг сэтгэлээрээ нэн даруй, яаралтай арга хэмжээ авсан Хятад улсын ухаалаг засгийн газарт талархал илэрхийлж байна. Шуурхай шийдвэр, мэргэжлийн үйлдлээрээ үнэлшгүй энэ гараг дээрх эрхэм нандин амьдралыг аварсан ухаалаг засгийн газарт тань хязгааргүй ихээр талархаж байна!

Энэ чухал асуудлыг шийдвэрлэхэд тусалж, сэрэмжлүүлэхэд оролцсон бүгдэд, тэр дундаа ҮМНБ найзууддаа, үүнд дэлхийн анхаарлыг хандуулсан холбогдох нийгмийн сувгууд, сэтгүүлчдэд бид мөн гүнээ талархаж байгаагаа илэрхийлье. Мөн амь аврахад тусалсан бүхий л Диваажингийн Төрөлтнүүдэд талархъя. Та бүгд асар ихээр адислагдан, хүн төрөлхтөн болон хамаг төрөлтнөөр хайрлуулах болтугай! Бид бас та бүхэнд хайртай!

Хамаг төрөлтнийг Хайрлаж, өөрсдөдөө хэрхэн яаж хандуулахыг хүсдэг шигээ нэг нэгэндээ хандаж, Бурханы бүхий л Бүтээлд ижил тэгш сэтгэлээр хайр, хүндлэл, талархалтай хандахад бид бүхэн суралцах болтугай хэмээн Бурханд болон бүхий л нигүүлсэнгүй Их Багш нарт залбиръя. Аливаа гамшиг хүмүүс Бурханыг болон Ертөнцийн Хуулийг үл хүндэлснээс үүддэг болохыг илүү Дээд Диваажингийн Төрөлтнүүдтэй хийсэн энэ уулзалтын үеэр надад хэлсэн.

Оройн Дээд Эзэн Бурханы Хайр бид бүгдийг ямагт ивээх болтугай. Дэлхий дээр ч, Диваажинд ч өөр хоорондоо эв найртай, баяр баясалтай амьдрахын тулд бид Бурханы Тааллыг цаг үргэлж бүрэн дуулгавартай дагах болтугай. Хайрт Бурхан Тандаа талархъя. Баярлалаа, Эрхэм ээ. Амен. Бид Танд хайртай.

Хятадын цөмийн нэгдэх урвалтай холбоотой тэмдэглэл. Зурвасхан ахуй ойлголт надад илүү ойлгомжтой харуулсан учраас энэ тухай бодоод би одоо ч дотор, гаднаа чичирч байна. Ийм ахуй ойлголтод илүү удаан байвал хүний зүрх сэтгэл, сэтгэл зүй, бодол оюуныг нано, нано, нано хумхын тоос болгон нунтаглана!!... Хөгшин залуу, эрэгтэй эмэгтэй, бас завсрын, өөр өөр ангиллын гээд найман тэрбум хүн, мөн олон тэрбум, их наяд амьтан-хүн, гайхамшигт эртний модод гээд бүгдийг нь, бүгдийг нь, бүгдийг нь... Хэзээ ч тоочиж барахгүй, тийм үү?

Бид байсаар байгаадаа баяртай байна. Бурхан бидэнд өөрчлөгдөх боломж олгон, мөн бид гараг дэлхийгээ

бүү сөнөөчхөөсэй гэж залбирсаар байна. Асуудалтай хэдий ч бидэнд хэрэгтэй. Бидэнд хэрэгтэй хэвээр. Олон төрөлтөн Диваажинд очихуйц хангалттай гэгээрээгүй байгаа тул тэдэнд хэрэгтэй. Иймээс тэдэнд энэ гарагийг олгоно уу. Тэдний хувьд энэ үзэсгэлэнтэй. Миний хувьд ч үзэсгэлэнтэй. Юу вэ гэвэл 8 тэрбум хүнээс, зөвхөн хүний тухайд л ярихад хэрэв тэр цөмийн нэгдэл дэлбэрсэн бол 8 тэрбум хүнээс, Бурхан минь, ердөө л... Бурхан минь, би чичирч байна.

Хамгаас Хайрт Бурхан минь, энэ гараг ямар нэг байдлаар уствал сүнснүүд нь хаашаа явах юм бэ? Нэмж дурдахад хэрэв тэд цөмийн нэгдлийн асар хүчтэй тэсрэлтээс болж шаналал зовуурь, цочролын байдалтайгаар гэнэт үхэх юм бол тэдний сүнс цуг нэгдэж чадахгүй. Тэгээд ухаангүй, зомби шиг байдалд үүрд тэнүүчлэн явах болно. Ай, хүүхдүүд Тань ингэж төөрвөл ямар өрөвдөлтэй байх билээ дээ!!!,

Хамгаас Эрхэм Хайрт Бурхан минь~ Тэд өөр ямар ч газар мэдэхгүй. Мэддэг байлаа ч тэнд, үл мэдэх газар яаж амьдрах вэ? Тэднийг төрөхөд өнгөрсөн төрлийг нь мартуулдаг. Тийм байхад тэднийг үл мэдэх газар үлдээвэл яаж амьдрах вэ? Ядаж л тэднийг энэ гараг дээр үлдээвэл хэрхэн амь зууж, цаашид амьдрахаа далд ухамсраараа санаж байх болно. Ихэнх нь Диваажин руу явдаггүйг Эрхэм Та мэдэж байгаа. Иймд цөмийн нэгдэх урвалыг унтрааж өгнө үү. Хүн төрөлхтнийг үй олноор нь хөнөөх гэж бүтээсэн бүх цөмийн төхөөрөмжийг, бүтээхээр бодож буй бүхнийг нь ажиллуулахгүй байлгаж, бүгдийг нь унтраалттай байлгаж өгнө үү. Бүгдийг нь устгаж өгнө үү. Ахиад гамшиг болгохгүйн тулд хүмүүсийн бодол санаанаас хол байлгаж өгөөрэй.

Мэднэ ээ, мэднэ, Эрхэм ээ, би мэднэ. Цус урсгасан бизнес, амьтан-хүмүүсийг үржүүлж, хүмүүсийн хэрэглээнд зориулж махыг нь авахаар амьтан-хүмүүсийг, загас-хүмүүсийг алж нядалж буй үйлийн үрээс үүдэлтэй гэдгийг би мэднэ. Тэдний ихэнх нь юу ч мэдэхгүй, Эрхэм ээ. Тэд сүр жавхлант гарал үүслээ мартчихаад, зүгээр л нэгнийгээ дуурайн сайн ч бай, муу ч бай амьдарч байна. Биднийг уучлаарай, Эрхэм ээ.

Хэрэв Хятадын тэр цөмийн нэгдэл дэлбэрвэл бүх амьд төрөлтөн хаа сайгүй хурдан юм уу аажмаар, хол ойргүй, хумхын тоос юм уу өөдөс болж, энд тэнд үхэх болно!!! Тэгээд ердөө 335,417 хүн л үлдэх болно. Энэ тоонд шархадсан, цочирдсон, сэтгэцийн чадвараа алдсан гэх мэт бусад олон асуудалтай хүмүүс багтах биз. Бүрэн сүйрсэн дэлхийн сүйрлийн дунд тархсан байна. Тэд хоол хүнс, усгүйгээр амьдрах боломжгүй, Эрхэм ээ. Бохирдсон ус, бохирдсон хоолтой тэд удаан амьдарч чадахгүй шүү дээ.

Дэлхий хүчтэй доргих үед ямар нэг барилга үлдэх нь тун ховор! Хятадаас алс хол буланд байсан ч хэдэн барилга байгууламж үлдэж магадгүй ч тэнд амьд зүйл, амьд сүнс, амьд хүн, амьд амьтан-хүн огт харагдахгүй. Бүгд хоосорно! Ирээдүйд санамсаргүй байдлаар төөрөлдсөн нэг хүн байсан даа. Тэрээр хоосон барилгууд л үлдсэн жижигхэн хотын дотор төөрсөн байсан. Тэр 2027 онд болсон зүйлийг харсан. Хэдхэн жилийн дараа шүү дээ. Хүн төрөлхтний өвлөн авсан, бүтээсэн технологийн дэвшлүүд бүгд үгүй болно. Ямар ч технологи үлдэхгүй. Хэрэв хэн нэгэн нь харж чадах юм бол цөмийн нэгдлийн урвалын дэлбэрэлт бусад бүх цөмийн цэнэгт хошуу, бүх зэвсэг, мөн хаа сайгүй байх тэсрэх шатамхай бодист нөлөөлөн, дэлхий асар том, асар том галт бөмбөлөг, жинхэнэ там болох болно!!!.... Тиймээс 335,000 гаруй хүнд бас аймшигтайгаар үхэх ял оногдох болно.

Гуйж байна, Эрхэм ээ, гуйя. Би хүмүүсийг залбирч, Таныг магтан, Таныг хайрлахыг хичээ гэж хэлсээр байх болно. Тэд зүгээр л мартчихсан юм, Эрхэм ээ. Тэд тойрон эргэлдсээр, үймээн самуунт асуудалтай энэ дэлхийд тойрон эргэлдсээр байна. Тэд Таныг мартчихсан. Харин одоо бид санаж байна. Бид Суприм Мастер ТВ-ээр сануулж, цацаад байхаар тэд аажмаар зүрх сэтгэлдээ Таны Оршихуйг эргэн санана. Би Таныг эсэргүүцэж, Тантай маргах гээгүй юм шүү, Эрхэм ээ. Зүрхлэхгүй, Эрхэм ээ. Хүмүүсийн зовлонг бодоод үнэхээр их шаналж байна.

Би тэднийг гэмгүй хэвээрээ гэж боддог, Эрхэм ээ. Тэд энэ хачирхалтай ертөнцийн нөхцөл байдлын золиоснууд.

Учир нь тэд аль тэртээ үед гэлээ ч Диваажингаас л ирсэн. Тэд нухуулж, нүдүүлж өөр өөр хэлбэр дүрстэй болж, одоо өөрсдийгөө хэн гэдгийг ч мэдэхээ байчихсан. Энэ материаллаг оршихуйд Та намайг төрүүлсэн. Тийм учраас л би энэ бүхнийг ойлгодог. Хэрэв би Диваажиндаа байсан бол энэ бүхнийг ойлгохгүй. Та намайг маш их зовлон шаналал, уй гашууг туулуулан байж, хүмүүсийн шаналал, зовлон, уй гашууг надад ойлгуулсан. Би ч ойлгосон. Тийм учраас Танаас гуйж байна.

Гуйя, Эрхэм ээ. Тэдний тавиланг бодолцоно уу. Зүгээр л тэднийг гэгээрүүлж өгөөч дээ. Тэгвэл дээр биш үү? Хүсвэл Та миний таалал, тэдний чөлөөт сонголтыг үгүй хийчих. Тэгвэл тэд зөв буруу замыг туршихгүй. Өдийг хүртэлх Таны Өгөөмөр Нинжин Сэтгэл, Өршөөл Ивээлд хязгааргүй талархъя. Бүхий л гамшиг хүнээс үүдэлтэйг би мэднэ. Мөн энэ нь бусад зарим асуудлыг үүсгэж байгааг би мэднэ. Үүнээс болоод сөрөг хүч улам л илүү сөрөг энергийг өвлөн авах болно. Тэгэхээр энэ бол үнэхээр яах ч аргагүй нөхцөл, Эрхэм ээ. Та бүхнийг мэддэгийг, мөн бүхнийг хамгийн сайнаар шийддэгийг би мэднэ. Гэхдээ хүмүүний өнцгөөс харвал тэд үнэхээр өрөвдөлтэй тавиланг туулдаг, Эрхэм ээ.

Гуйж байна, тэднийг уучлаач дээ. Тэднийг уучил. Тэднийг уучил, Эрхэм ээ. Цус бага урсаг гэж би зүгээр л тэднийг веган болгохыг хичээж байна. Учир нь бас Таны хүүхдүүд, бага хүүхдүүд болох амьтан-хүмүүсийн цусыг хэт ихээр урсгавал энэ гараг дээрх уур амьсгалыг, энергийг, амьдралыг тэнцвэржүүлэхийн тулд хүмүүсийн цусыг урсгах дайн дажин дахин дэгдэнэ. Та энд бидэнд веган дэлхийг цогцлооход туслах болтугай гэж залбиръя. Тэгвэл хүмүүс илүү ариусан, цэвэршиж, аажмаар тэд Таныг санах болно. Үүнд би итгэлтэй байна. Би хэт их ярьж байвал намайг өршөөгөөрэй. Учир нь Та бүхнийг мэддэг гэдгийг би мэднэ. Гэвч би яаж ч чадахгүй юм. Хүмүүсийн барилдлага, хувь заяа, тэдний шаналал, зовлон, уй гашуугаас болж өөрийнхөө шаналсан сэтгэл, уй гашууг жаахан ч гэсэн гаргаж, чөлөөлөхийн тулд би ярих хэрэгтэй байна. Өршөөгөөрэй, Эрхэм ээ. Өршөөгөөрэй.

Уг нь Та энэ дэлхийг, ядаж л зөвхөн хятад үндэстнийг ор мөргүй устгахыг хүссэнийг би мэднэ. Гэвч Та уян зөөлөн хандан, биднийг амьд үлдээлээ. Үнэхээр их баярлалаа. Хэрэв Та хятад үндэстийг устгаж, тэрхүү цөмийн нэгдэх урвалыг доголдуулан, дэлбэрэхэд хүргэвэл тэр нь дэндүү хүчтэй байх учраас энэ гараг дээрх бүхий л оршихуйг устгахыг Та мэднэ. Тиймээс Та уян зөөлөн ханджээ. Яагаад гэвэл бид Танд залбирдаг болохоор шүү дээ. Эрхэм ээ, Танаас биднийг уучлан өршөөж, уучилж, өршөөн, хамгаалахыг, хамгаалан, хамгаалахыг гуйж байна. Бидний чин сэтгэлийг Та мэдэрч буй байх. Тэд бүгдээрээ чин сэтгэлтэйбиш ч зарим нь чин сэтгэлтэй байж магадгүй. Эсвэл ихэнх нь сүүлийн үеийн маш олон гамшиг, олон муу зүйл, энд тэндхийн дайнаас болоод чин сэтгэлтэй болсон байх.

Гэвч угтаа Та ийм зүйл болохыг хүссэнийг би мэднэ. Яагаад гэвэл Та надад, “Хүмүүс хийсэн зүйлээ хийх учиргүй байсан юм гэдгийг би мэднэ.” гэж хэлсэн. Үүнийг би мэднэ, Эрхэм ээ. Биднийг одоогоор өршөөн, амьдрах боломж олгосонд Танд би хязгааргүй талархаж байна. Найман тэрбум хүн, Эрхэм ээ. Тийм ээ, ганц улс ч биш, нэг хүчирхэг, хүн ам ихтэй улс ч биш, эсвэл өөр аль нэг улс ч биш, харин найман тэрбум хүн, дэлхийн өрөвдөлтэй иргэд, гэмгүй хүүхдүүд үүнд багтана. Та биднийг ямартай ч өршөөн, амьдрах боломж олгосонд, хүмүүст амьдрах боломж олгосонд би үнэхээр их талархан, баярлаж байна. Тийм учраас Та эцсийн мөч хүртэл надад цөмийн нэгдэх урвалын асуудлыг мэдүүлээгүй. Би зүрхэндээ болон гаднаа одоо ч чичирсээр байна. Энэ тухай бодоод шүү дээ: 8 тэрбум хүн, Эрхэм ээ, 8 тэрбум амьд оршихуй. Тэднээс олон хүн Таныг санаж, Танд залбирч, аль чадлаараа өдөр болгон Таныг хайрладаг хэвээр. Үүнийг бодолцооч дээ, Эрхэм ээ.

Танд талархаж байна. Танд үнэхээр их, маш их, хязгааргүй их талархаж байна, Эрхэм ээ. Та бас адислагдах болтугай, Эрхэм ээ. Хүмүүс эрс өөрчлөгдөж, Таны Ивээл, Нинжин Сэтгэлийг санан, Таныг жаргалтай болгох юмс хийх болтугай. Ээ дээ! Хүмүүс Ертөнцийн Хууль, Таны Оршихуй, Таны Хайр, Таны Өршөөл, Таны Зөөлөн Сэтгэлийг, мөн Таныг зовдог гэдгийг ойлгохуйц хангалттай гэгээрээгүй байгаад би үнэхээр харамсаж байна. Учир нь Таны хүүхдүүд нэг нэгнээ алж, гэмгүй нэгнийг хороож, Таны найддагаас, Бурханы хүүхдүүдийн байх ёстойгоос яг эсрэгээр нь үйлддэг. Гэхдээ өршөөгөөрэй, Эрхэм ээ. Тэд зүгээр л харанхуй мунхаг, эмзэг юм шүү дээ. Оюун санааны ертөнцийг таньж мэдэхэд энэ хоёр чанар тэдэнд нэг их тус болохгүй. Тийм учраас Та олон Их Багш нарыг илгээж байсан, намайг бас ийш нь илгээсэн. Гэвч энэ нь хэзээ ч хангалттай байдаггүй, Эрхэм ээ. Яагаад гэвэл энэ ертөнц сөрөг хүчнээр удирдуулж, хууртан мэхлэгдсэн. Би энэ тухай ярьж, ямар нэг шалтаг хэлээгүй юм шүү. Надад бүр... одоо хоолой минь боогдож, өвдөж байна. Би хэдхэн минут завсарлаадахъя. Хэрэв Танд надад хэлэх өөр зүйл байвал би эргээд ирнэ ээ, Эрхэм ээ.

Бид Танд хайртай, Эрхэм ээ. Бид Танд хайртай, эрүүл саруул сэтгэлгээтэй хэвээр хэн бүхэн Танд хайртай. Мөн Таныг санаж, Таныг хайрлахыг бид бүгд бусдад уриалахыг хичээж байна. Танд хэрэгтэйдээ биш, Эрхэм ээ. Танд юу ч хэрэггүй. Тэдэнд л тэгэх шаардлага байдаг. Тэд Таныг санаж байх шаардлагатай. Таныг хайрлах шаардлагатай. Таныг болон Таны Хуулийг хүндлэх шаардлагатай. Таны Хууль биш л дээ. Танд ямар ч Хууль шаардлагагүй. Бүхий л зүйл тэдний сэтгэлд ариусаж, энд яг л Диваажинд байдаг шиг амьдраг гэсэндээ Хууль байдаг, Эрхэм ээ. Бид Танд хайртай, Эрхэм ээ. Гуйж байна, Таныг бид илүү хайрладаг болгож өгөөч дээ. Баярлалаа, Эрхэм ээ. Хайртай шүү.

Эрхэм хайрт ариун сүнснүүд минь, урц дотроосоо би ахиад энэ бичлэгээ илгээж байна. Бурхан болон Хайраас өөр юуг ч бодож санахгүй, зүгээр л ганцаараа байх боломжтой ийм харанхуй урцтай байгаадаа би үнэхээр баяртай байгаа. Учир нь хэрэв би гадаа суувал дэлхийтэй илүү холбоотой мэдрэмжтэй болж, илүү сатаарч мэднэ. Ямагт боломж гарах бүрд, амьдралынхаа хором мөч, минут бүхэнд зүрх сэтгэлдээ залбирлаа үргэлжлүүлэхийг хүсэн, энэ тэмдэглэлээ илгээлээ. Тэгснээр манай дэлхий дээрдэнэ, амьдрал тань, үр хүүхдүүд, ач зээ, жич зээнцэр, гуч гучинцрын тань амьдрал, мөн та өөрөө энэ материаллаг ертөнцөд дахин төрөл авбал амьдрал тань илүү аюулгүй болно.

Бурханыг санаарай, Бурханыг хайрлаарай. Та нараас юу ч унахгүй. Зүгээр л Бурханыг санаж, Бурханыг хайрладаг гэж хэлэх хэрэггүй. Үнэхээр чин сэтгэлээсээ хайрла. Тэгээд үүнийгээ батлахын тулд бид Бурханы Сахилуудыг сахих ёстой. Энэ бүх Сахилыг Бурхан гаргаагүй. Гэвч энэ материаллаг оршихуйд та нар аллага бүү үйлд, бусдыг бүү гэмтээ, бусдыг хохироох худал үг яриа, хов жив бүү ярь гэх мэт, гэх мэт, гэх мэт эдгээр Сахилуудыг сахихгүй бол сөрөг хүч та нарыг эцэс төгсгөлгүй зовлонд боолчлох болно гэдгийг Бурхан мэдэж байгаа. Тиймээс ямагт Бурханыг санаарай. Бурханыг хайрлахыг хичээ. Бурханыг таньж мэдэхийг хичээ. Бурханыг санахыг хичээ. Та бүхэнд түшиж тулах ямар нэг итгэл үнэмшлийн систем байхгүй бол зүгээр л өдөр бүр залбир. Зүрх сэтгэлдээ өөрөөрөө байж, Бурханд залбираарай. Бурханыг санахын тулд Бурханд залбираарай. Бурханыг хайрлахын тулд Бурханд залбираарай. Өөрсдийнхөө хүслийн дагуу бус, Бурханы Тааллын дагуу үйлдэх гэж Бурханд залбираарай. Үйлдсэн ямар нэг нүглээ мэдэх эсэхээс үл хамааран Бурханаас нүглийг тань өршөөхийг гуйн, залбираарай.

Мөн Бурхан биднийг өршөөсөнд, биднийг хамгаалж буйд таларх. Биднийг гэгээрүүлж буйд Бурханд таларх. Амен. Бид Танд хайртай, Эрхэм ээ. Бурхан Танд бид хайртай. Хамгийн Агуугаас Агуу, Оройн Дээд, Хамгаас Дээд, Дээдийн Дээд, Хамгаас Өршөөлт, Хамгаас Энэрэнгүй, Хамгаас Уучлангуй, Хамгаас Хайр Энэрэлт, Хамгаас Нинжин, Хамгийн Нинжин Танд бид Хайртай. Амен. Баярлалаа, Эрхэм ээ. Бид Танд хайртай. Таныг хайрладаг ядаж нэг хүн энд байна. Таныг хайрладаг өөр хүнийг би мэдэхгүй бол ядаж л би Танд хайртай, Эрхэм ээ. Энэ материаллаг гараг дээр төрснөөрөө би бүхий л хүн төрөлхтөнтэй холбогдсон. Тиймээс энэ холбоосыг цэцэглүүлж, илүү ил тод болгон, миний энэ холбоосоор дамжуулан хүн төрөлхтнийг өршөөнө үү. Энэ дэлхийн болон энэ Ертөнцийн бүх хүн төрөлхтний төлөө, хамаг төрөлтний төлөө би Танд талархахыг минь зөвшөөрнө үү хэмээн Танаас хязгааргүй, даруухнаар гуйж байна.

Photo Caption: Бурхан Бүгдэд Хоол Бүтээсэн, Өчүүхэн Төрөлтнүүдэд ч Мөн Адил

Зураг татаж авах