Христэд итгэгчдэд зориулсан айлдвар, 7 цуврал лекцийн 2-р хэсгийг

Иймд бүх Буддын шашинтнууд та нар ямар ч Бурхан шүтдэг бай, түүндээ чин сүжигтэй байгаарай. Өөрсдөд тань тустай. Ялангуяа энэ гараг дэлхий хэт их, дэндүү их үйлийн үр хуримтлагдаж, амьтан-хүмүүсийг хэт их идэж, амьтан-хүмүүсийг хэт олноор хөнөөж, хэт их дайтаж, хэт их буруу зүйл, хэтэрхий их луйвар хийж, хэт их худал хуурмаг зан гаргаж, нэг нэгийнхээ эсрэг хэт их нүгэл үйлдэн, ялангуяа төрөөгүй нялхас, амьтан-хүмүүсийн эсрэг нүгэл үйлдэж буйгаас болж хүнд сорилттой тулгарч буй энэ цаг үед хэрэг болно. Эдгээр нь хийж болох хамгийн хүнд нүгэл юм.

Наманчилж, Буддагийн Сургаалд эргэж хандаарай. Веган байгтун. Гамшигт нэрвэгдэгсэд, гачигдалд орсон хөршүүд, эсвэл таны тус хэрэгтэй хэн нэгэн гэх мэт хүмүүст хэрэгтэй үед нь гар сунган, бие биетэйгээ эвтэй байж, бусдад туслаарай. Тэдэнд жаахан тус хэрэгтэй үед нь туслаарай. Та өөрөө ч ийм байж болох байсан тул тэдэнд туслаарай. Амьдралыг таах аргагүй. Өнөөдөр та баян байлаа ч маргааш үер, шуурга, өөр ямарваа гамшигт юу ч үгүй болж мэднэ. Өнөө үед газар хөдлөлт гэх мэт гамшиг бүх зүйлийг нүд ирмэхийн зуур, амь насыг ч үгүй хийж байгааг та нар мэдэж байгаа. Тиймээс бэлтгэлтэй байгаарай. Бурхдыг ямагт санаж яваарай.

Христийн шашинтнууд ч үргэлж Бурханд ЗААВАЛ итгэж, Хамаг чадал/зүрх сэтгэл болон сүнсээрээ ямагт Бурханыг санаж, байнга Бурханд залбиран, Их Эзэн Есүсийг хайрлаж, Есүсийг алдаршуулан, Түүнийг бас санаж яваарай. Есүс загалмай дээр огт үхээгүй. Тэр хэзээ ч үхдэггүй. Үргэлж байсаар байдаг. Түүний Адислал, Ивээл, Сургаал таныг ивээн гэрэлтүүлэхүйц хангалттай цэвэр ариун байхыг хичээгээрэй. Цэвэр ариун байвал хангалттай цэвэр ариун бус байснаас илүү их хувь хүртэх боломжтой байж магадгүй. Цэвэр ариун байна гэдэг нь хөршдөө тусалж, хөршөө хайрлан, дайснуудаа ч гэсэн Түүний сургаалын дагуу хайрлахыг хэлнэ. Их Эзэн Есүс дэргэд байсаар байгаа. Шагжамуни Будда бидний дэргэд байсаар байна. Тэдний Сургаал асар их адислалтай хэвээр байна. Тэдний Алдар, Тэдний Авралд хүртэх боломж байсаар байна. Тиймээс сүсэглэсэн хэвээр байж, Их Эзэн Есүсийг дагагтун.

Энэ боловсролгүй ламыг битгий тоо. Тэр маш эсэргүү зантай, тун түрэмгий. Тэрээр Ау Лак (Вьетнам)-т хүн бүхэнтэй, замдаа таарсан болгонтойгоо сөргөлдөн тэмцэлддэг. Түүнийг үүнтэй ч тэмцэлдсэн, тэр хүнийг ч асуудалд оруулсан гэх мэт өдий төдий хэл ам интернэтээр цацагдсан байна. Тэгээд ч дандаа л мөнгө гэх мэт элдэв дэмий зүйл, тэр бүү хэл сексийн тухай ярьдаг.

Тэрээр мэргэжлийн сексийн багшийн ажлыг ч хүртэл хийж байна. Энэ бол хувраг хүний ​​ажил биш. Будда хэзээ ч хувраг хүнийг ийм зүйл зааж сурга гээгүй. Гэтэл энэ лам хуврагийн чуулганы лам, гэлэнмаа нартаа секс тоглоом, энэ тэртэй байгаарай гэж хүртэл хэлж, Буддаг хүртэл үүндээ оруулж, Будда үүнийг зөвшөөрдөг гэсэн байна. Будда тэр үед секс тоглоом гэж мэддэг ч үгүй байсан. Тэгэхээр тэр ёстой галзуу хүн.

Тик Нят Тү сүсэгтнүүдээс маш их хандив гуйж, тэр ч байтугай бусад сүм хийдүүд, бусад лам нарт зориулсан бүх хандивыг дээрэмдэхийг оролдсон бөгөөд итгэгчдийг оронд нь бүх зүйлийг түүнд, Тик Нят Тү-д зориулаарай гэж хэлсэн. Ямар гээч жигшүүртэй этгээд вэ!

Thích Nhật Từ asking for donations from philanthropists: Өнөөдөр, жишээлбэл, А, Б, В газарт хандив өргөх төлөвлөгөөтэй, мөн эдгээр хандивт зориулж жил бүр тодорхой хэмжээний хандив өгсөн гэж найдаж байна. Энэ хүн бүрийг бүгдийг нь над руу чиглүүлээрэй. Ямар ч байсан бүгд адилхан байх болно.

Магадгүй итгэгчдийн хандивын мөнгийг түүний секс тоглоомын цуглуулгад зарцуулсан байх! Энэ нь хэнийг ч гайхшируулахгүй! Тэр огт лам байхад зохисгүй, тэр байтугай энгийн нэгэн Буддын шашинтан ч байх хүн биш. Буддын шашинтай эгэл хар хүмүүс түүнээс ариун. Мэдэхгүй бол мэдэхгүй гэдгээ хүлээн зөвшөөрдөг. Энэ хүн юу ч хамаагүй хэлдэг. Мөн тэрээр “Там гэж байдаггүй.” гэж хэлсэн. Будда байдаг гэж айлдсан юм. Будда энэ тухай бүр ном айлдсан. Ийнхүү тэр Авид Бурханы тухай Буддагийн айлдсаныг үгүйсгэж. Ээ дээ, энэ ч Авид Бурханд итгэлгүйгээсээ болж, энэ насандаа, хойд насандаа ч утга учраа алдсан олон хүнийг там руу илгээнэ дээ.

Хүмүүсийн амьдралын утга учир болж, ариун журам, ёс суртахууны хэм хэмжээг нь барьж, тэдэнд мэдрэл, сэтгэл хөдлөл, оюун санаа гэх мэт бүх тал дээр маш сайнаар нөлөөлөх ёс суртахуунлаг бөгөөд сайн сайхан, үнэнч амьдралаар амьдрах зам мөр болж байдаг итгэл бишрэлээс нь салгаж байгаа нь түүний үйлдэж буй асар том нүгэл юм. Тэр бас тамыг үгүйсгэсэн. Энэ нь Буддын шашинтнууд бүгд хүссэн бүхнээ хийж болно гэсэн үг. Там гэж байхгүй гэвэл тэд ямар ч нүгэл үйлдэж чадна. Тэгэхээр тэр өөрөө бидний мэддэггүй олон нүгэлт үйлийг хаалттай хаалганы цаана хийдэг байж магадгүй. Магадгүй нэг өдөр.

Тэгээд ч яагаад ийм хүн Буддын шашны хэргэм зэрэгтэй байдгийг мэдэхгүй юм. Мөн Буддын шашны зөвлөл түүнийг зайлуулахын тулд юу ч хийлгүй түүнийг үргэлжлүүлэн байсаар Буддын шашинтнуудыг төөрөгдүүлсээр байхыг зөвшөөрч байна. Одоо тэр бүр Христийн шашин руу хальж ороод, Эзэн Бурхан байдаггүй гэж зааж байна. Түүнд ямар хамаа байна аа? Буддын шашинд ч гэлтгүй хаа ч байсан хуурамч хуврагийн тоо барагдахгүй гэдгийг би та бүхэнд хэлж байна. Хуурамч лам нар хаа сайгүй байдаг ба тэд олон нийтийн харилцаа сайтайгаас, аль эсвэл сүрхий бэлэн цэцэн ярьдаг учраас хэдийнээ алдартай болсон. Тэгээд хүмүүсийн итгэлийг олсныхоо дараа үргэлжлүүлж, юу ч хэлж чадна. Ау Лак (Вьетнам), Тайланд болон бусад оронд ч үүнтэй төстэй нь цөөнгүй байдаг. Магадгүй бидний мэдэхгүй олон.

Гэтэл үүнтэй адилаар Христийн шашинд мөнгө олж, эмэгтэйчүүд, эрэгтэйчүүд, хүүхдүүдийг хүчирхийлэх гэж санваартан болсон олон номлогч бий. Тэдний ихэнхийг та нар хэдийн мэддэг. Баримт бичиг, сонин уншиж болно. Энэ одоо ч үргэлжилж байна. Танай дээд пап, бүр тэр хүртэл Их Эзэн Есүсийн эсрэг байдаг. Тэр Есүсийг харь шашинтан гэж хэлдэг, тэр байтугай Бурхан бүтэлгүйтсэн гэж хэлдэг. Мөн өөр олон зүйлийг хэлсэн. Өвдсөн ч тэр шуламс руу явдаг, эмчид очдоггүй. Тэр өөрөө ингэж хэлсэн. Мөн тэр хүүхэдтэй хурьцах донтнуудад бүгдэд нь чөлөөтэй тэнүүчилж, хүүхдүүдийг үргэлжлүүлэн хүчирхийлэх боломжийг олгодог. Тиймээс шашин гэж нэр зүүсэн бүхэнд ийм маягийн хуурамч санваартнууд, хор хөнөөлтэй санваартнууд, хорон санаат номлогч лам нар, тэр ч бүү хэл гэлэнмаа нарын хэрэг газар авсаар байгаа юм шүү дээ. Өнчин хүүхдүүдийг зарж мөнгө олдог гэлэнмаа нар хүртэл байна. Тэгэхээр зөвхөн энэ ламаас болоод Буддизмыг эсэргүүцэх шаардлагагүй. Тэр зүгээр л боловсролгүй хүн. Тэр ердөө л магадгүй хорон санаатай хүн гэдгийг би хэлэх ёстой. Магадгүй тэр маяагийн төлөө ажилладаг гэдэг нь харагдаж байна.

Дэлхий дээр бидний цаг үед маяагаас болж олон өнгийн орхимж нөмөрсөн хуурамч лам нар олноор бий болж, Буддын сургаалын эсрэг зүйл номлоно гэдгийг Будда аль хэдийн зөгнөн, чөтгөр, Христийн шашинд нэрлэдгээр сатан Бурхны шашныг сүйрүүлэхийн тулд санваартны хувцас өмсөж, элдвээр зүсээ хувиргана гэсэн байдаг.

Учир нь энэ үед Будда Нирваан дүрийг олоод хэдийнээ нэлээд удаж байна. Буддагийн сургаалын гүн утгыг үнэхээр ойлгодог хүн ховор. Учир нь Буддагийн сургаал асар агуу их юм. Тэрээр 80 нас хүртлээ урт насалж, энэ бүх хугацаанд номоо тайлсаар байсан бөгөөд бидэнд өөр хэн ч сургаж хэлэхгүй өчнөөн олон зүйлийг айлдсан. Бусад Будда нар ч гэсэн агуу сургаал айлдацгаасан. Зөвхөн тэмдэглэлүүд нь л алдагдсан. Харин Шагжамуни Буддаг амьд ахуйд нь Түүний сургаал ном, амьдралын хэв маягийн талаарх нарийн ширийн зүйл бүрийг бичиж үлдээсэн сайн шавь нар

Түүнд байсан. Түүний 10 залгамжлагчийн нэг, Буддагийн залгамжлагч, их ламд бид талархах учиртай. Түүнийг Ананда гэдэг. Тэрээр Буддагийн бараа бологч байсан тул цаг үргэлж лам нарын чуулган, энгийн хүмүүсийн цуглаан дээр Буддаг ном тайлах үед, бүх зүйлийг, тэр байтугай бурханлаг ухаарал, Буддагийн заасан бүхнийг тэмдэглэж авдаг байжээ. Бараг өдөр бүр. Тэгэхээр Буддын шашинтнууд сургаалын асар их эрдэнэстэй. Бурханы тухай Будда дурдсан байдаг. Будда мөн олон жижиг бурхaд, тухайлбал 33 тэнгэрийн бурхан, энэ болон тэр Диваажингийн бурхан гэх мэт дурдсан байдаг. Тэр ч байтугай Тэрээр Диваажингуудын нэрсийг, тухайлбал Түшитагийн Тэнгэр, Өрнөдийн Диваажин, Манал Бурханы Диваажин зэргийг дурдсан байдаг.

Мөн Будда бас Эзэн Бурхан байдаг гэж хэлсэн. Тэр зүгээр л “Эзэн Бурхан” гэдэг үгийг хэрэглээгүй. Хэн нэгэн Түүнээс “Бурхан байдаг уу, үгүй ​​юу?” гэж асуусан. Магадгүй эрт дээр үеийн хүмүүсийн Бурханыг илэрхийлдэг байдал, мөн Бурханыг буруугаар төсөөлж, Бурханыг зөвхөн эгэл хүний ойлголтоор тэр чигтээ буруу тодорхойлж, мунхгийнхаа улмаас юу ч мэддэггүй, Эзэн Бурхан гэдгийн утга юу болохыг үнэн хэрэг дээрээ ойлгодоггүй тэрхүү байдлыг нь Будда мэддэг байсан байх. Эзэн Бурхан байх л ёстой, эс бөгөөс та хаанаас ирсэн юм бэ? Мэдээжийн хэрэг Будда та нар өөрөө өөртөө найдах ёстой гэж бас дурдсан. Дотоодод тань Бурхан Чанар байгаа. Та тэрхүү Бурхан Чанараа хаанаас олж авсан юм бэ? Христийн шашинд бид “Бурхан таны дотор оршдог” гэж хэлдэг. Тиймээс “Бурхан Чанар”, эсвэл “Бурхан таны дотор оршдог” гэсэн хоёр өөр нэр томьёо ижил утгатай. Энэ нь янз бүрийн улс орнуудаас шалтгаалж өөр өөр нэр томьёо болсон.

Photo Caption: Зэлүүд байгальд цас хүртэл чөлөөтэй байдаг

Зураг татаж авах