Дэлгэрэнгүй
Татаж авах Docx
Дэлгэрэнгүй уншаарай
Өө, нээрээ, дашрамд нь хэлэхэд тийм ч олон хүн мэддэггүй нэгэн сайхан мэдээг та бүхэнтэй хуваалцъя: Олон хүний амийг аварч, хэрэглэхэд хялбар төдийгүй санхүүгийн хэмнэлттэй, чихрийн шижингийн шинээр бүтээсэн зүүгүй эмчилгээ. Бид БУРХАНД дахин дахин талархаж байна. Чихрийн шижинтэй хүмүүс болон амьтан-хүмүүс, хатгаж, таагүй мэдрэмж төрүүлдэг, зүүтэй тариур хэрэглэх шаардлагагүй болжээ. Учир нь Австралид зүүний шаардлагагүй эмийг бүтээж, худалдаалж эхэлсэн байна. Үүнийг арьсан дээрээ хэрэглэхэд л шууд үйлчилнэ. Иймд өвтгөхгүй бөгөөд хүн болон нохой-хүмүүст илүү амар. Чихрийн шижинтэй хүмүүс болон амьтан-хүмүүсийн аль аль нь хэрэглэж болох энэ эмийг олон хүн мэддэггүй гэж би хэлсэн дээ. Учир нь энэ эмийг саяхан зохион бүтээсэн. Бүр 10 жил ч болоогүй байна. Үүнийг 2010 онд зохион бүтээж, 2016 оны орчимд олон улсын зах зээлд гаргасан. Одоо 2026 он болж байгаа ч энэ жил хараахан дуусаагүй байна. Тиймээс 10 жил ч болоогүй. Энэ эм миний нохой-хүнд тохирох эсэхийг малын эмчээс асуугаарай гэж туслахдаа хэлэхэд тэд бүр мэдэхгүй байсан. Миний нохой-хүний янз бүрийн асуудлыг хариуцдаг олон малын эмчээс зөвхөн нэг нь чихрийн шижингийн энэхүү зүүгүй эмчилгээг мэддэг. Одоо бид зарласан болохоор дэлхий даяараа мэддэг боллоо. Энэ нь ганцаараа амьдардаг, өөртөө тариа хийж чаддаггүй маш олон хүнд гарцаагүй тусална. Үүнийг хийхэд хэцүү. Тариаг зөвхөн арьсны дор хийх ёстой тул маш нарийн ажиллагаа шаарддаг. Эс бөгөөс дотогш нэвтэрч, эрхтнүүдэд тархаж болзошгүй. Тэгвэл сайн биш. Арьсны дээр хийх ёстой бөгөөд тэндээсээ бүх биед тархана. Өөртөө тариа хийж чаддаггүй хэчнээн олон хүн байдгийг бодохоор би одоо үнэхээр их баяртай байна. Бас байнга нэг газартаа тариа хийж болохгүй. Тэд насан туршдаа өөрсдөө тариа хийх ёстой гээд төсөөл дөө. Зарим өндөр настан тэгж чадахгүй байх. Аав минь хүртэл надаас өөрт нь тариа хийж өгөхийг хүсдэг байсан. Мэдээж, чихрийн шижингийнх биш. Гэхдээ тэр өөрөө хийж чаддаггүй байсан. Биеийн зарим хэсэгт хүрэхэд хэцүү, нас ахих тусам гар салганах зэрэг асуудал гардаг. Миний нохой-хүнд ийм чадвар, ийм хүсэл, БУРХАНЫ Ачийг хариулах ийм эрхэм арга зам хайрласанд нь би туйлын их баярлаж, БУРХАНД гүнээ талархаж байна. Би түүнээс яагаад ийм зүйл хийх болсныг нь асуусан. Тэр “Миний амь Танд ямар ч байсан харьяалагдана. Та намайг аварсан.” гэж хэлсэн. Өмнөх Шуурхай мэдээгээр түүний ингэж хэлснийг би та нарт ярьсан даа. Би одоо ч сэтгэлдээ мэгшин уйлсаар байна. Түүнийг харах бүрдээ би одоо ч уйлдаг. Бид одоо дүрс бичлэгээр харилцаж чадаж байгаа. За, та бүхэнд сайн сайхныг хүсье. Та бүхэн тохиромжгүй, төвөгтэй энэ зүүт тариураас болж зовох шаардлагагүй боллоо. Учир нь зарим хүн насан туршдаа өдөр бүр эмчид очих мөнгөгүй байдаг. Сувилагч, эсвэл асран хамгаалагч хөлслөх нь ч бас үнэтэй. Ай, би үнэхээр их баяртай байна. Хүн төрөлхтөнд болон хайрлан асран хамгаалдаг хүнтэй бүх амьтан-хүнд энэхүү энэрэнгүй бэлгийг хайрласанд нь би өвдөг сөгдөн БУРХАНД талархсан. Тэднийг эмчилгээгээ илүү тавтай хийлгээсэй гэж хүсэж байна. ЭЗЭН минь, Танд баярлалаа. ЭЗЭН минь, Та ивээгдэх болтугай. Үр хүүхдүүд Тань там руу явахыг харахдаа мэдэрдэг Таны шаналлыг багасгахын тулд би чадах бүхнээ, бүр илүү ихийг хийнэ. Өөрөө тамд очих байсан ч би тэднийг зогсоож, там руу явуулахгүй. ЭЗЭН минь, Танд баярлалаа. Танд баярлалаа. Тандаа хайртай. Би энэ компанийн өгсөн бүх мэдээллийг товчлон, багтаа бичлэгээ илгээхдээ мөн хавсаргана. Саяхан миний нохой-хүн өвдөхөд тэднийг асардаг туслахууд маань эмчид үзүүлсэн. Надад өөрийн нохой-хүнийг өөрөө асрах ийм боломж, аз завшаан ч байхгүй. Учрыг нь би өмнө тайлбарласан. Мэдээж цаашдаа нөхцөл байдал сайжирна гэж найдаж байна. Миний нохой-хүмүүс надад үнэхээр, үнэхээр их хайртай. Энэ дэлхийд нохой-хүмүүсээс минь илүү надад хайртай хэн ч байхгүй. Тэд намайг санаж, би ч тэдэнтэй хамт байхыг хүсдэг. ГЭХДЭЭ АЮУЛГҮЙ ГАЗАРТ. Ганц нохой-хүн минь надад “Би Танд хайртай, хайртай.” гэж хэлдэг юм биш. Бүх нохой(-хүн), үгээр хэлдэггүй ч би хайрыг нь мэдэрдэг. Би мэднэ. Нохой(-хүмүүс)-т хайртай бүх хүн, мөн нохой(-хүн)-ий анд хүмүүс, найз нар үүнийг мэддэг, нохой(-хүн)-ий хайрыг мэдэрдэг гэж бодож байна. Тэдний холбоо үнэхээр гайхамшигтай. Хэрэв БУРХАНЫ Хайрыг мэддэггүй байсан бол бид нохой(-хүн)-ий хайр бүхий л Орчлонгийн хамгийн агуу хайр гэж бодох байсан. Эсвэл танай ямар ч тэжээвэр амьтан-хүмүүс, муур-, шувуу-хүн, бүр заан-, одос-, үхэр-, морь-хүн зэрэг том амьтан-хүмүүс ч ялгаагүй. Тэднийг хань болгон тэжээвэл өөрт тань хэчнээн хайртайг нь мэднэ. Товчхондоо, нохой-хүн маань өдөрт хоёр удаа тариулах шаардлагатай болсон тул би асуусан юм. Өвчний улмаас тэр бүр сохорч, харж чадахгүй болсон. Эхэндээ эдгээж магадгүй гэсэн ч одоо боломжгүй гэж байна. Үүнээс болж зүрх минь олонтоо эмтэрсэн. Тэгээд нохой-хүнийг минь асардаг туслахаасаа “Интернэтээс заавал хай. Өдөрт хоёр удаа ингэж зүүгээр тарихгүй өөр арга байх ёстой. Тэр ийм жижигхэн болохоор нэг газарт нь дахин тарьж болохгүй. Удаан хугацааны дараа болно. Гэвч тэр үнэхээр жижигхэн, арьсанд нь дахин дахин хатгах зай хаанаас олох юм бэ?” гэж асуусан. Бурхан минь. Би “Заавал хай. Нохой-хүнд зориулсан зүүгүй зүйл байх ёстой. Явж хай.” гэсэн. Туслах хайгаад, хүн болон амьтан-хүмүүс, гэрийн тэжээвэр амьтан-хүмүүст тань маш сайн энэ шинэ бүтээлийг олсон. Үүнийг судлаарай. Өөртөө болон тэжээвэр амьтан-хүмүүстээ зориулж илүү ихийг мэдэхийн тулд энэ компанийн цахим хуудсыг үзээрэй. Энэ бүтээл миний нохой-хүнд тусалсан шиг та бүхнийг ч аль болох аятай байхад туслаасай гэж хүсэж байна. Ийм болон бусад аль ч төрлийн өвчтэй хүн бүрийн төлөө би үнэхээр харамсаж байна. Багадаа би зүүнээс маш их айдаг байсан. Учир нь намайг өвдөхөд аав маань заавал тариа хийдэг байв. Бас ч үргэлж биш л дээ. Гэхдээ шаардлагатай үед хийдэг байсан. Би дандаа маш их айдаг байлаа. Хожим өсөж, өсвөр насандаа байхад минь аав өвдөж, арьс, маханд нь хаана л шаардлагатай байна тэндээ, заримдаа өгзөг, гар, бугалга, заримдаа судсандаа дандаа надаар тариулдаг байв. Би хийхээс аргагүй болсон ч Аавыгаа маш их өрөвдөөд, сэтгэл минь нэг л тухгүй байсан! Ирээдүйд зүү огт хэрэггүй болоосой, ямар ч амьтан-хүн, хэн болох, хэр жижиг томоосоо үл хамааран лабораторийн туршилтад өртөхөө болиосой гэж би үнэхээр хүсдэг. Зүгээр л тэвчихийн аргагүй. Амьтан-хүмүүст учруулдаг энэ бүх харгислал, тэр тусмаа хүмүүст, ялангуяа нялхас болон хэдийн бяцхан хүний дүр төрхтэй болтлоо өсчихсөн өчүүхэн ургийн эсрэг үйлддэг харгислалыг би тэвчиж чаддаггүй! Үгүй ээ, энэ тухай дахин ярихаа больё. Ирээд тариа хийж өгөх боломжтой найзгүй, мөн интернэтээс хайх хангалттай мэдлэггүй хүмүүст зориулан мэдээллийг товчхон боловч хангалттай хэмжээнд оруулна. Энэ мэдээллийг маш их товчилсон, гэхдээ илүү ихийг мэдэхгүй байлаа ч хэрэглэхэд хангалттай. Та бүхэн боломжоороо эдгэрэхийг би чин сэтгэлээсээ хүсэж байна. Эдгэхгүй байсан ч чихрийн шижингийн эмээ арьсаараа илүү аятайхан хэрэглэх боломжтой боллоо.
Комфорт-ин (Comfort-in) хэмээх зүүгүй тарилгын төхөөрөмж нь зүүт тариурыг орлохоор бүтээгдсэн. Энэхүү шинэ технологи нь өндөр даралтат бичил агаарын урсгалаар инсулин зэрэг эмийг арьсны нүх сүвээр хурдан, тав тухтай, бараг зовуурьгүй оруулдаг. Комфорт-ин төхөөрөмжийг хэрэглэхэд хялбар: 1. Дагалдах тусгай хөшүүргээр пүршний механизмыг чангална. 2. Нэг удаагийн хошууг эмийн саванд залгаж, шаардлагатай тунг соруулна. 3. Бэлтгэсэн хошууг Комфорт-ин төхөөрөмжид сайтар шургуулж бэхэлнэ. 4. Хошууг ил гарсан арьсны жижиг хэсэгт тулган, зөөлөн дарж, суллах товчийг дарахад эм агшин зуур, зөөлөн тавтай орно. Чихрийн шижинтэй тэжээвэр амьтан андаа асардаг хүмүүс энэ технологи зүүт тариураас дараах давуу талтайг хуваалцжээ: Арьсанд зөөлөн: Давтан зүүгээр тарьснаас үүсэх сорви, эдийн хатуурлаас сэргийлнэ. Өвдөлтгүй: Зүү хатгахад мэдрэгддэг таагүй “огцом өвдөлт”-ийг арилгана. Хурдан, аюулгүй: Эм агшин зуур ордог тул тэжээвэр амьтан-хүн гэнэт татвалзах, хөдлөхөд аюул учрахгүй. Шингээлт сайжирна: Арьсан доор нарийн мананцар үүсгэж, эмийг илүү жигд, хурдан, бүрэн шингээнэ. Итгэлийг сэргээнэ: Зүү хараад айх айдсыг арилгаж, амьтан-хүмүүс болон тэднийг асардаг хүний хоорондын хайр дүүрэн найрсаг холбоог тэтгэнэ. Асран хамгаалагчдад өгөх зөвлөгөө: Инсулинтэй хошууг хурууныхаа завсар 30 орчим секунд бүлээсгэхийг хэрэглэгчид зөвлөж байна. Ингэснээр хүйтэн инсулинаас үүддэг хорсолтыг багасгаж, илүү тав тухтай болгоно. Комфорт-ин системийн талаар дэлгэрэнгүй мэдэж, хэрхэн худалдаж авахыг судлахын тулд дараах хаягаар зочилно уу: injectneedlefree.com
Олон жилийн өмнө Испанид байхад шүд минь өвдөж, эмчид очсон юм. Би шүдний эмчийн сандал дээр шүдээ эмчлүүлэхэд бэлэн болсон байв. Шүдний эмч дээр очихдоо, зөвхөн тэр удаад ч бус ямар ч эмч дээр очих бүрдээ би үргэлж веган амттан, шинэхэн жимс зэрэг олон бэлэг аваачиж өгдөг байлаа. Учир нь би эмч, сувилагч нарыг асар их хөдөлмөрлөдөг гэж боддог. Эмнэлэг орох, эсвэл эмчид үзүүлэхдээ тэдэнд их сургууль, дадлага, ажлын туршлагаараа сурч эзэмшсэн хүнд ажил хөдөлмөрийнх нь төлөө талархлаа илэрхийлэхийг хүсдэг. Тэд маш шаргуу ажилладаг. Тэд хүний амь аварч, өвчнийг намдаан, амьдралыг нь тав тухтай болгодог. Photo Caption: “Хайр Энэрэлт ЖИНХЭНЭ ГЭР маань Дуудах Диваажин рүү Бүгд Дотоодоосоо Дээш Харж Байна.
