Дэлгэрэнгүй
Татаж авах Docx
Дэлгэрэнгүй уншаарай
Бурхан энэ дэлхий рүү Их Багш нарыг ахин дахин, ахин дахин илгээж, Гэртээ буцаад харихыг хүссэн, аврал нэн даруй хэрэгтэй байгаа сүнснүүдийг авруулахаар явуулсан. Бусад хүмүүс магадгүй өөрсдөдөө хэрэгтэй гэж боддоггүй болохоор энэ тэрүүгээр явж, өөр өөр зүйлс туршдаг байх. Зарим зүйлс нь тэдэнд сайн ч зарим нь муу. Их Багш нар үргэлж буун ирж, тэдэнтэй хамт зовж, тэднийг аварч, тэдэнд тусалж, дэвшүүлдэг ч заримдаа тэдний гарт амь үрэгддэг. Харамсалтай үүнийг та нар мэднэ.Бид байлдаанч ертөнцийг устгасны дараа хайрын ертөнц чөлөөлөгдсөн. Учир нь байлдаанч ертөнц өөр хоорондоо байлдаад зогсохгүй заримдаа нийлж байгаад эргэн тойрныхоо ертөнцүүдэд төвөг учруулдаг байсан юм. Тэд хайрын ертөнцийг маш их дарангуйлан зовоож байсан. Харин тэд төрөлхийн байлдах чадваргүй учраас тусламж хүссэн юм. Тэд хайрын төрөлтнүүд учраас байлдаж мэдэхгүй. Тиймээс байлдаанч ертөнцийнхөн тэднийг дарангуйлж хүчирхийлэхэд амархан байсан хэрэг л дээ. Сүүл рүүгээ тэд аргаа бараад, тусламж хүсэхээр нь бид нар очиж, тэднийг аварч чөлөөлсөн юм. Тэд чөлөөлөгдсөнийхөө дараа бүгдээрээ ирээд “Таны хайрын ертөнцөөс хайр илгээж байна.” гэж хэлсэн. Би аль нэг ертөнцийг өөрийнхийгөө гэж хэзээ ч бодож байгаагүй. Харин тэд өөрсдийгөө одоо миний өмч болсон, надад өртэй гэж санасан бололтой. Тиймээс тэд “Таны хайрын ертөнцөөс хайр илгээж байна.” гэж хэлсэн байх.Эхлээд би гайхшираад “Таны хайрын ертөнц өө? Миний хайрын ертөнц гэж үү?” гэсэн чинь Тэд “Тийм ээ, тийм, бид Таных, бид Таных, бид Таных.” гэж уухайлцгаасан. Ялахад амархан байсан мэт сонсогдож байгаа ч маш аймшигтай дайн тулалдаан болсон юм шүү. Асурийн ертөнц үл үзэгдэх бөгөөд манай гарагтай харьцуулахад харах боломжгүй, хүрэх боломжгүй, сонсох боломжгүй, мөн төрөлтнүүдэд нь энд байдаг хүмүүс шиг бие махбод байхгүй учраас дийлэхэд арай хялбар. Дандаа хялбар биш ч гэсэн энэ дэлхий дээрх асуудлуудыг шийдвэрлэхээс хавьгүй амархан.Парамаханса Иоганандажи Их Багштай байсныг санаж байна. Түүнийг Гүрү Юктешвар гэдэг. Энэ материаллаг оршихуйг орхисныхоо дараа Тэр Асурын ертөнцөд очсон, сайн Асурын төрөлтнүүдийн ертөнц дэх Асурын төрөлтнүүдэд Багшлахаар томилогдсон. Тэгээд Тэр эргэж ирээд Иоганандажитай ярихдаа Асурын ертөнцийн хүмүүст зааж сургах хамаагүй амар гэж хэлсэн. Асурын ертөнцийн хүмүүс илүү мэдрэмжтэй, илүү эелдэг. Сургаал номлолыг шингээж авах нь хялбар байдаг. Тэр энд манай дэлхийд биш, тэнд Их Багш болсондоо баяртай байсан. Төсөөл дөө!Бүх жинхэнэ Их Багш нараас асуу, тэд адилхан юм хэлнэ. Хэн ч энд ирэхийг хүсдэггүй. Хайраасаа болж, мөн Бурханы Ивээлээр тэд буун ирж, Гэртээ буцаад харихыг хүссэн зовж зүдэрч, цөхөрсөн хүмүүст тусалдаг. Гэхдээ Тэд дэндүү их зовдог. Ямар ч Их Багшид хялбар байгаагүй, хуурамчуудад нь л амар байдаг. Эсвэл ямар ч хүчгүй, юу ч үгүй, Диваажинд хаана ч ямар ч нэргүй байж өөрсдийгөө “Их Багш” “Гүрү Жи” энэ тэр гэдэг хуурамч багш нар нэг их зовдоггүй. Их мөнгө олдог. Тэд төстэй байдаг учраас олон дагалдагч нартай. Зөвхөн жинхэнэ Их Багш нар шавь нараа энэ ертөнцийн орооцолдсон байдлаас нь салгахын тулд “хэт олон” дүрэм журамтай байдаг. Тэднийг энх тайвныг үймүүлэгч ертөнц, атаархлын ертөнц, шуналт ертөнц, өмчирхөгч ертөнц, тулаанч ертөнц гэх мэт ертөнцтэй хутгалдсаныг салгах гэж тийм байдаг.Олон хүмүүс Тэдэнд (жинхэнэ Их Багш нарт) дургүй байдаг, яагаад гэвэл хуурамч багш, эсвэл ямар ч хүчгүй багшийнх үнэхээр амар байдаг. Тэд зөвхөн, “За, одоо та миний шавь боллоо” гэдэг. Тэгээд л гүйцээ. Жаахан хандив өгнө, илүү өгөх тусмаа сайн. Тэгээд л гүйцээ. Тэгвэл та шавь болно. Тэгээд багштай болж, тэднийг Гүрүжи, Сатгүрү гэх мэтээр дууддаг. Сатгүрү гэдэг нь “жинхэнэ Их Багш” гэсэн үг ч, тэд жинхэнэ биш. Их багш ч биш. Тэд юу ч ойлгодоггүй. Та нарыг гэтэлгэх ямар ч хүч тэдэнд байхгүй. Мөн хэрэв тэд чөтгөрийн ертөнцтэй холбоотой бол та нарт хор хөнөөлтэй байж мэднэ. Тэд тийм энергийг өгч, аажмаар та нар яг л тэдэн шиг болдог. Улмаар та нар бүр эргээд хүний ертөнцөд ч очих боломжгүй. Чөтгөрийн ертөнцөд очиж бүр ч илүү зовох юм уу олон муу үйлс хийх болно. Муу юм хийх тусмаа та нар одоо эсвэл дараа илүү зовдог.Тэгэхээр эдгээр нь хайрын ертөнц эсвэл тулаанч ертөнц, энх тайвныг үймүүлэгч ертөнц нь материаллаг биш. Магадгүй тэдний зарим нь хүн шиг эсвэл зарим амьтан- хүмүүс шиг харагдав ч тэд сүнсгүй, хүн эсвэл ямар нэг амьтан-хүн мэт харагдах тэр биедээ тэд үүрд байх боломжгүй. Тэд энергиэс үүссэн, энэ гараг дээрх хүмүүс болон бусад төрөлтнүүдийн ялгаруулсан сайн, муу энергиэс үүсдэг. Энерги хүний биеэр илрэх боломжтой, эсвэл зөвхөн асурын биеэр. Гэвч тэд хүчтэй, учир нь хүч бол энерги. Энерги бол хүч.Тиймээс жишээ нь, орчин үед тэд агаарыг ус болгож чаддаг. Хий нүдэнд харагддаггүй ч хэрхэн хураан авахыг, хэрхэн хадгалахыг мэдчихвэл үүнийг ашиглан биеэ дулаацуулж, хоолоо болгож, бусад олон зүйлсийг хийх боломжтой. Тийм учиртай. Яг л нарны хүч, нарны эрчим хүч шиг нүдэнд харагддаггүй ч, хураан авч, нарны дэлгэцэд хадгалж, дараа нь батарейнд хурааж болдог, яг л одоо миний ашиглаж байгаа шиг. Тэгээд үүгээр олон юм хийж болдог. Дэлхий дахинтай холбогдох боломжтой. Нарны дэлгэцгүйгээр би та нартай ярилцаж, юмс илгээх боломжгүй. Хөшигний ард би Суприм Мастер Телевизийн ямар ч ажил хийх боломжгүй. Компьютер эсвэл симгүй утсан дээр би Суприм Мастер Телевизийг үзэх боломжгүй. Үнэхээр гайхалтай. Алганы хэмжээтэй төхөөрөмжөөр хэдэн мянган бээрийн цаадах, эсвэл хэдэн зуун мянган бээрийн цаана, уулс, гол мөрөн, далайн цаадах телевизийг хүлээн авч үзэж болж байна. Дэлхийн нөгөө талаас найз нөхөд, хамаатан садан, хайртай хүмүүстэйгээ ярих боломжтой, бүр Сар, магадгүй бүр Ангараг гарагийн хүмүүстэй, Ангараг гараг дээрх баазтай холбогдож болж байна.Олон жилийн өмнө би та нарт Ангараг гарагийн нөхцөл байдлыг ярьсан. Тухайн үед та нарыг миний ярьж буй зүйлд итгэж байгаа эсэхийг бодож байлаа. Гэвч одоо бол зургийг нь хүртэл авсан болохоор та нар итгэж буй. Газар доорх зураг авч болдог нь гайхалтай. Хэдийгээр тэд Ангараг гарагийн газар доош нэвтэрч чадахгүй ч зургийг нь авсан байсан. Тэнд яг л миний хэлсэн шиг хотууд байгаа нь харагддаг. Тиймээс заримдаа бид зураг авах гэж маш их хүн хүч, шинжлэх ухааны багаж хэрэгсэл ашигладаг. Гэвч миний заасан Арьяабалын Аргаар бясалгавал та нар... харж болно... ҮМНБ ашиглан тийш явах ч шаардлагагүй. Унтлагын өрөөнөөсөө харах боломжтой, эсвэл арын цэцэрлэг, эсвэл дээвэр дотроосоо, майхнаасаа харах боломжтой. Хүмүүс ийм хүчтэй. Бүх хүнд ийм хүч байдаг. Сүнстэй хүн болгонд бий. Гэвч тэд хэрхэн буцаан сэргээхээ мартчихсан. Тэр л харамсалтай. Тэд бол олон их наяд, газиллиончууд гэж хэлж болно. Гэтэл харьцуулан яривал тэд яг л гудамжны гуйлгачид шиг юм.Тэгэхээр юу вэ гэвэл, аажмаар хүмүүс анхны оршихуйн төлөвөөсөө өөр болж, дараа нь тэд бүр доогуур эрлийзүүдтэй холилдож бүр ч өөр болсон, анхны сүр жавхаа, сайн сайхнаасаа илүү холдсон. Тиймээс тэд орчин тойрондоо муу хэлбэлзэл, муу энерги, муу юмсыг бий болгож, зовдог. Тэд Бурханы хүүхдүүд учраас, дотоодод нь Бурхан бий учраас хэрэв тэд буруу, нүгэлтэй юм үйлдвэл, тэрийгээ мэдэж байдаг, хэдийгээр үүнийгээ илчилж, хүлээн зөвшөөрөхгүй ч мэдэж байдаг. Энэ дэлхийгээс явах үед тэдний хийсэн сайн муу бүхэн эргэн ирж, тэд өөрсдийгөө шүүдэг. Тиймээс тэд тамыг бүтээдэг, тэдний өмнө байсан эрлийз хүмүүс төстэй тамуудыг бүтээсэн ба, улмаар тэд тийш явж, тэнд хамт байж, төсөөлшгүй өвдөлт мэдэрч, зовж, шаналж, аймшгийг туулдаг.Зарим нь бүр үүрд шийтгүүлнэ. Үүнийг харвал үнэхээр сэтгэл эмтрэм дүр зураг. Заримдаа Бурхан харуулдаггүй. Үхээд Диваажингийн Төлөөлөгчидтэй, буюу Эзэн Есүсийн дүрстэй уулзсан хүмүүс бас юмс харж чаддаг ч, хамгийн аймшигтай, авралгүй, хэзээ ч чөлөөлөгдөх боломжгүй олныг нь Бурхан сайн хүмүүст харуулдаггүй. Диваажин тамыг үзэж харах давуу эрх олгогдсон тухайн хүнд Эзэн Есүс эсвэл Буддагийн дүрээр харагдсан Оршихуй, Дээд Бурхан, Эзэн Есүс эсвэл Будда мэт харагдсан энэрэнгүй Оршихуй тэрхүү давуу эрхтэй хүнд Ертөнцийн хамгийн аймшигт тамыг харуулдаггүй.Photo Caption: Ширэнгэн ой? Хий Хуурмаг Бичил Хөвдийн Ертөнц
