Дэлгэрэнгүй
Татаж авах Docx
Дэлгэрэнгүй уншаарай
Орчин үед хүмүүс маш их нүгэл үйлдэж, дэлхий дээр үнэхээр уруудан доройтох төрлийн амьдралаар амьдарч байгаа нь сатан, чөтгөрүүдийн тусламжтайгаар олон гамшгийг бий болгож байна. Тэд хүний дүрээр тээж явдаг. Хэдийгээр тэд сүнсгүй ч өөрсдийгөө хүн шиг харагдуулах хүчтэй. Эсвэл үхсэн хүний биеийг зээлддэг, шууд биед нь шилждэг гэсэн үг. Жишээ нь тухайн хүн эцсийн амьсгалаа хурааж биеэ орхиход дэргэд нь байсан чөтгөр шууд тухайн биеийг эзэгнэх боломжийг ашиглан орж, зүгээр л сэрчихдэг. Тэгэхэд эмч, “Өө, өвчтөн үхээгүй байна. Эргээд амилчихлаа.” гэдэг. Тийм байдаг. Тухайн хүн үхсэн гэдгийг хэн ч мэддэггүй бөгөөд биед нь өөр төрөлтөн, муу төрөлтөн оршиж буйг хэн ч мэддэггүй ба тэд амьдарч буй улс орондоо сүйрэл авчирдаг.Жишээ нь Ау Лакт (Вьетнамд) саяхан маш олон гамшиг болж, олон хүн амь үрэгдэж, ихээхэн эд хөрөнгө сүйдэж, олон хүн орон гэргүй болж маш их зовсон. Гэвч та нарт би хэлсэн учраас ахиж яримааргүй байна. Юу вэ гэвэл энэ бүхнийг ганц Тран Там хийж чадахгүй. Өөр бусад хүмүүс бас бий, хэвийн хүн шиг төрхтэй, бүр ном айлдаж, дагалдагч нартай ч тэд хүн биш. Тэд Ау Лакт (Вьетнамд) жишээ нь үймээн самуун дэгдээж, гамшиг тарих гэж энд байдаг. Хэрэв тэд Тайланд руу очвол тэнд бас асуудал тарьж, чимээ гаргаж, төрөл бүрийн юм болж, хамт явж, бүлгээрээ хамт хүчирхэгжиж, нэг төрлийн цугларал хийдэг.Хэн нь хэн бэ гэдгийг ямар ч хүн ялгахад хэцүү. Мэдэж байгаа нь бусдадаа хэлэхэд хэн ч итгэдэггүй. Яагаад гэвэл маяа бас асар их хүчтэй. Тэднийг жинхэнэ аймшигтай төрөлтнүүд гэдийг харж буй хүнд хэн ч итгэдэггүй. Эсрэгээрээ ингэж хэлсэн тухайн хүн рүү дайрч, зодож нүдэх юм уу, эцэс төгсгөлгүй доромжилдог. Тиймээс яваандаа хэн ч юу ч хэлж зүрхэлдэггүй. Хэн нэгэн үнэнийг хэллээ ч хэн ч итгэдэггүй. Учир нь тэр үед оройтсон байдаг, нэг их хэлээд байх баримт байдаггүй.Эдгээр зүйлс нь нүдэнд харагддаггүй. Асурын оршихуй чөтгөрүүд хүчтэй, өөр өөр төрлийн зүйлс биежүүлж, хүмүүсийг татахын тулд хүчээ ашигладаг. Тиймээс олон хүн тэднийг дагаж, улмаар бүр ч алдартай болдог. Зарим нь бүр мөнгөтэй тансаг амьдралаар амьдарна. Зарим нь хүмүүсийг итгүүлж, өөрсдийгөө шүтүүлэхийн тулд эсрэгээр нь үйлдэнэ. Тийм байдаг. Гэвч гараг дэлхий бүхэлдээ том үйлийн үртэй учраас тэр юм. Нэг хоёр хүн юм уу бүлгийг буруутгах аргагүй. Нийгэм ихээхэн уруудаж ирсэн. Сайн хүмүүс цөөхөн, тун цөөн, муу хүн илүү олон бөгөөд илүү муу нөлөөнд орж бас муу болдог, эсвэл буруу үзэл бодолтой, буруу ойлголттой болдог. Тиймээс энерги нь тийм ч ач тустай биш. Тийм л учиртай.Нэг юм уу хоёр хүнийг эсвэл нэг хоёр бүлгийг буруутгах ч аргагүй. Гэвч бас хүмүүс эмзэг учраас тэднийг зэмлэх аргагүй. Эрт дээр үеэс тэд хэн гэдгээ, жинхэнэ Гэр нь ямар сүр жавхлантайг, Бурханы хүүхдүүд учраас ямар хүчтэй төрөлтнүүд гэдгээ тэд мартчихсан. Энэ бол үнэхээрийн өрөвдөлтэй нөхцөл байдал. Гэвч бүхий л Их Багш нар тэднийг Билгийн Мэлмийг нээн, дотоод Үнэнийг харуулах гэж чадах бүхнээ хийдэг. Тэгээд мэдээж зарим хүмүүс эрх чөлөөтэй болж эргээд жинхэнэ Гэртээ харьж, анхдагч, сүр жавхлант “Би”-дээ хүрдэг. Тэгээд дараа нь тэд урьдын өөрсөд шиг нь харанхуй мунхгийн намагт шигдсэн бусдад туслах гэж энэ дэлхийд буцаж ирэх боломжтой.Хайрын ертөнцийн төрөлтнүүдийн тоог би та нарт хэлсэн үү? Хэлээгүй байх аа. Ойролцоогоор 13,5 сая орчим төрөлтөнтэй. Тэд хүмүүс шиг харагддаг ч бие махбод байхгүй. Төрөлтнүүдийнхээ тоогоор байлдаанч ертөнцийнхөөс хавьгүй олон. Байлдаанч ертөнц ердөө гурван зуун мянгуулаа байсан ч хайрын ертөнцийг дарангуйлж чадсан. Учир нь хайрын ертөнцийнхөн байлдах чадваргүй. Тэдэнд тийм мэдээлэл ойлголт байхгүй. Тэгэхээр ямар нэг зүйл дайрвал тэд тусламж дуудахаас өөр аргагүй. Азаар бид холбоо сүлбээ сайтай учир тэднийг сонсоод тэдэнд тусалж чадлаа. Харин амар амгаланг алдуулагч ертөнц байлдаанч ертөнцийг бодвол илүү олуулаа байсан. Нийт 958,222 орчим төрөлтөнтэй. Тэгсэн ч гэсэн бид тэдний эсрэг асар хүчтэй тулаанд орж, бүрэн эзлээд, дараа нь бүүр устгаж чадсан.Тэгэхдээ цаана нь дахиад олон ертөнц бий. Тэд хэдийгээр чөтгөр биш ч гэсэн харгис хэрцгий төрлийн энергийг тээж байдаг. Тэр нь хүн төрөлхтний муу үйлийн үр, амьдралын дорой хэв маягтай хавсраад Диваажингийн Төрөлтнүүдэд, надад ч бас хэцүү байдлыг үүсгэдэг. Амархан ялахад хэцүү. Тэгэхдээ та бүхэнд хэлсэнчлэн ялалт бидний талд байгаа. Тиймээс хэтэрхий бухимдаж, гутарч гуних хэрэггүй. Бидэнд энэ дэлхийг аврах маш том, асар их итгэл найдвар бий. Тэгэхдээ зөвхөн сайн төрөлтнүүдэд зориулж шүү. Тэр л асуудал. Энэ дэлхийг амжилттайгаар аварч, сөнөхийг нь зогсоолоо ч зөвхөн сайн хүмүүс, сайн төрөлтнүүдэд л үлдэх боломж олдоно. Хамгийн сүүлийн Шүүлтийг Дээдийн Дээд Диваажин, Бурхан шийднэ. Алдар нэртэй, эсвэл мөнгөтэй бол аврагдана гэсэн үг биш. Тийм биш шүү.Дашрамд хэлэхэд тэр нэг өдөр зарим нэг үлдэж хоцорсон сувдаг чөтгөрүүд ирээд надад асуудал тарьж, төрөл бүрийн хуурамч мэдээ мэдээлэл хэлсэн. Тэгэхэд нь би Аюулгүй байдлын Хааныг тэднийг барьж аваад тамд аваач гэж хэлсэн, Хаанаа дагаж миний өгсөн Гурван Ертөнцөөс дээших газар руу яваагүй бусад сувдаг чөтгөрүүд рүү нь аваач гэсэн. Гэвч тэднийг явахаас өмнө илүү санаа зовоохуйц өөр зүйл байсан болохоор би тэднээс, “Та нар яагаад ингэсэн юм бэ? Яагаад Хаанаа дагаж эндэхээс олон зуун мянга, олон сая дахин илүү, миний өгсөн ертөнц рүү яваагүй юм бэ? Байгаа газраас тань хавьгүй илүү газар руу явалгүй, яагаад намайг ирж үймүүлээ вэ?” гэж асуусан. Би, “Та нар яагаад тийм ертөнцөд дургүй юм? Ийм дэлхийд илүү дуртай байдаг юм уу? Та нар тэр ертөнцөд очиж туршиж ч үзээгүй байж яаж мэдээ вэ? Яагаад Хаантайгаа хамт яваагүй юм?”гэхэд тэд “Явахыг хүссэн ч тэр ертөнцийн үүдэнд очоод хөөгдсөн.” гэв. Би, “Гэхдээ яагаад? Хэн та нарыг хөөсөн юм?” гэхэд тэд надад, “Таны хамгаалагчид” гэсэн. Миний хамгаалагчид тэднийг хөөсөн гэсэн. “Таны хамгаалагчид биднийг хөөсөн.” гэв. Би, “Яагаад тэр вэ?” гэхэд тэд, “Учир нь Хааны бараа бологсод болон таалагддаг, сайнуудаас гадна зөвхөн CP-н (холбогчийн) хамаатан садныг л оруулсан.” гэв. Миний CP, миний холбогч.Манай бүлэгт өөр өөр улс, өөр өөр хотуудад өөр өөр холбогч нар байдаг, тэгснээр бүлэг тус бүр нэгэнтэйгээ холбогдон хамтдаа ямар нэг зүйл хийж, буяны ажил, гамшгийн тусламж үзүүлэх эсвэл магадгүй веган бүфет хоол гаргаж бусад хүмүүсийг урьж веган болохыг уриалж, веган хоол амтлуулж, веган болгодог. Мөн заримдаа тэд миний зарим номыг хэвлэж, хүмүүст үнэ төлбөргүй өгдөг. Эсвэл заримдаа дэлгүүрт, манай дэлгүүрт олон ном үлдсэн байвал, зарим тохиолдолд тэдэнд өгдөг.Эсвэл заримдаа би хаа нэгтээ очвол CP-д мэдээлдэг, тэгээд CP буюу холбогч бусад авшигтнуудад мэдээлж, тэд яахаа мэддэг, хаашаа явах, юу хийх, эсвэл ирж надтай уулзахаа мэднэ. Холбогч үүний төлөө байдаг. Заримдаа холбогч бас тун сайн; тэд гарч бусад Бурханы шавь нартай хамт юмс зохион байгуулж, нэг нэгэнтэйгээ холбогддог. Үгүй бол хэн ч хаана юу болж буйг мэдэхгүй. Орчин үед бид интернэт ашигладаг. Бүр ч илүү амар болсон.Хэдийгээр манай эндхийн өндөр технологи, систем дээд Диваажинтай харьцуулшгүй ч, хэзээ хэзээнээс илүү гайхалтай дэвшсэн, би үүрд талархдаг. Ажлын хувьд би хаадаас ч илүү нөхцөлд амьдарч байгаа санагддаг. Мэдээж, надад ажил байхгүй бол илүү дээр л дээ, зүгээр л тэтгэвэртээ гарч, Гималайн ууланд хаа нэгтээ очиж бясалгаж, өдөр бүр жаргалтай байх болно. Эгэл энэ ертөнцийн олон юманд санаа зовж, толгой өвдөхгүй. Гэвч урьдын хаадад байгаагүй их олон тав тухтай зүйлс надад байгаад би баяртай байна. Орчин үед интернэт байна, утас байна, хэдийгээр миний нөхцөлд хязгаарлагдмал байдаг ч ажиллаж болохуйц, урьдны дээдэст, өмнөх зуунууд, хэдэн арван жилийн өмнөхтэй харьцуулбал хавьгүй дээр.Photo Caption: Гоо Үзэсгэлэн ба Чанар, Өгөгдсөн Бүхэнд Баясаж, Үргэлж Бурханд Талархаарай!
